لايك وتعليق 💙
هاربه للزواج 👰💙
الحلقة 19
ترف: عادل (عادل قلب وترف قربت ) خيرك مخشيتيش شن في
بشير: لا بس العريس حابب يهدرز معايا شويه
عادل فنص في بشير وشد يد ترف وخشوا ترف تدويله وهما خاشين : عادل شن في انتم شن دويتوا عادل
عادل وقف : مافي شيء يعني هوا صاحب بويا مواضيع عالشغل وهكي
ترف : اممم تعرف اول مره نحس ان عيلتي محتاجتلي القصه مش في من يواسيهم القصه في من يفهمهم عادل كل واحد من اللي داخل مش فاهمين حتى نفسهم ضايعين واني شكلي اللي منوجههم عشان هكي نحتاج وقت معاهم
عادل وخر شعرها را ودنها :خودي وقتك واني معاك💙
واصف فتح باب الحوش قلبوا الزوز وجي عادل لي واصف
عادل : اهلين
واصف : شجوك
عادل : زي ما انت عارف
خشوا داخل كلهم
-------------------------------------------------------D033-10
فتحت عيونها زاهيه المتورمات علي رهف مصبيه تروقب عالمربوعه
زاهيه : شن اديري
رهف قلبت : عادل جي
زاهيه صبت : من امتى خيره محدش نوضني
رهف : مليشي واجد ( زاهيه تطبق في البطانيه اللي حطتها ترف عليها ) ماما عادل زمان خطبني اني قبل ترف
زاهيه قلبت بي صدمه لي بنتها وجتها تجري شدت يدها بي عنف : شن تقولي انتي مزلتي صغيره عالكلام هذا راجل اختك هذا
رهف : ماما شن فهمتي انتي اني سألت بس اخخ يدي ماماااا ( زاهيه طلقتها ومشت ورهف قعد تتألم وتبرق في يدها )
-------------------------------------------------------D033-10
في المبروعه
عادل : يعني القصه يمكن تنحل بي تعويض
واصف : ميبوش حاولت بي جميع الطرق
ترف : جياب المصايب اني عارفته هالولد بيختمها بي كارثه
عادل برق في ترف بي معنى اهدي شويه
واصف : ترف خلاص الولد خونا مهما دار هنوقفوا معاه
ترف برقت في واصف وضحكت : خونا هه اضحك وربي اضحك اني نعطيك نصيحه وكله محامي بس عشان ترقد في الليل من ضميرك وعدي ازوج وعيش حياتك مفيش حد بيشقى بيك
واصف يبرق في ترف بي حمق وصبه معصب : انتي شننن مفيشش قلب خووك عمره 17 سنه في الحبس بين المجرمين والسكاره والحشاشين وانتي تقوليلي عيش حياتك
أنت تقرأ
هاربه للزواج💙
Mystery / Thrillerلما تحس روحك تبي تهرب من حياتك بأي شكل وفي نفس الوقت مش قادر كيف ادير وكيف يصير ؟؟!😞 روايات دعاء عبدو🤍
