هاربه للزواج💙

الحلقه 10 💙

لايك وتعليق 💙

هاربه للزواج 👰💙

الحلقة 10

رهف كانت بتهرب هيا وصحباتها من المدرسه وبيعدن مع خالت صحبتهن يدهورن

رهف كانت تركب عالسلوم : بناااات شدنه زين كان طحت مش هنسامحكن

خديجه فوق الصوره ماده يدها : هيا يا هم مش هطيحي

وفجأه ينقلب السلوم واطيح رهف كل البنات هربن وسيبنها وهيا قعدت تعيط لين جنها المدرسات يجرن

رهف تعيط : يديييي يدييييي اخخخخخ

الابله شاده يدها : من وين كيف طحتي

رهف : اخخخخ معاش تحركيها يدييي

شوي قلوها للاداره وعطوها مسكن وكلموا بشير

المديره : ايوا أستاذ بشير ولي امر الطلبه رهف

بشير : أي تفضلي

المديره : بنتك في محاولة هروب من المدرسه طاحت وانكسرت يدها

بشير : شن صارلها اني جايكم ( بشير سكر وبعده برق في كرعيه وخبط عالكرسي ) شن مندير توا اكيد سليم مش في المدرسه ( وكلمه ) ها سليم انت وين

سليم بي صوت واطي : في الحصه يا بويا شن تبي

بشير : توا خطر عليك القرايه والمدرسه ( سكر بشير وهوا حاسس روحه عاجز ومش قادر معنداش الا )

واصف :ايوا بشير

بشير : اختك طايحه مكسوره في المدرسه عديلها

واصف : باهي ( سكر واصف ) قلت اكيده في مصيبه

------------------------------------------------------------------D033-10

ترف كانت طالعه من المحاضره هيا وتقوى

تقوى : اني منروح مش حاضره اخر محاضره

ترف : خيرك

تقوى : بيجونا ضيوف لازم نجهز مع ماما سلام

مشت تقوى تجري وترف مستغربه

------------------------------------------------------------------D033-10

واصف وصل للمدرسه خش لي مكتب المديره

رهف شفاته تخزرطت وزادت عياط وهوا قال : اني واصف خو ترف

المديره : تفضل ( قعمز واصف ويبرق في رهف ) اختك حاولت تهرب وطاحت انكسرت يدها

واصف : تهرب ( برق في رهف بي حمق ) يمكن في خطأ ولا

المديره قطعت عليه : انت قلها للمستشفى وعندها طرد أسبوعين

واصف خدي ورقة الطرد ويبرق في رهف : اسفين معاش تتعاود ( برق في رهف ) نوضيي امعاياااا

واصف طلع ورهف تمشي وراه بي خوف وصل فتحلها باب السياره وهوا ركب وصرفق الباب : هرووووب بتهربيي ياااا استاااذه ( خبط عالدومانن ) باعتينكككك للمدرسه بيش تهربييي ووين كنتتتي نااااويه تعدي ااااااه