هاربه للزواج💙

الحلقه 20 💙

لايك وتعليق 💙

هاربه للزواج 👰💙

الحلقة 20

سليم كاين راقد وفجأه يجي بوكس صبه راعش وحاط يده علي فمه

صاحب سليم (محمود ) : خبرت عليااا

سليم كاين زي اللي دايخ من البوكس والدم يطلع : من بصماتك يااا بلي من بصماتككك عرفوا مش مني اخخخخخ

محمود قعمز عالسرير : شن منديروا توا

سليم قعمز ويمسح في الدم : احني اللي وصلنا روحنا هنا كنا متريحين حرين شن جابرنا هلكنا روحنا بي يدينا

محمود : والنبي فكني من الدوه هذي ( قعد يبرق في المكان ) لوو كان نقتل اللي هنا كلهم لطلعها

سليم صبه : اهفت علي عمرك

سليم خش للحمام ومحمود مقعمز يبرق في المكان

------------------------------------------------------------------D033-10

ترف كانو يشربوا في قهوة العشيه عند عيالها

ترف سارحه واروى توشوش لي سندس اللي كانت تبرق في ترف ووالعه فيها نار

اروى : سؤال وخاطرني في اجابه عليه عيالي شن شافوا فيها فمها كبير وخشمها مفطح وعيونها صغار وشعرها متقصف وبشرتها حالتها حاله تعرفي سندوسه حقك انتي خديتي بس نقولك متفقديش الامل ثابري ههههههه

سندس : يحبها نساني تفهمي يعني اني توا بالنسبه لي ( برقت فيها ) ماضي

اروى : هههههه ضحكتيني الراجل راجل المراه تعرف كيف تجيبه

سندس صبت ومشت اما ترف فكانت سارحه قتلها سعاد

سعاد : خيرك يا بنتي اشبح كيف جوك فيك شيء قوليلي

ترف برقت فيها : لالا مافي شيء

سعاد : عادل ؟؟

ترف هزت راسها بي معنى لا : لالا ب ب بس هكي يمكن شني مش متعوده

سعاد مسحت علي شعرها : انتي بنتنا💙

ترف حست بي حنيه وعيونها دمعن : وانتي زي ماما💙 ( ابتسمت )

------------------------------------------------------------------D033-10

واصف كان نازل لي قبر بوه قعمز احداه وتنهد

واصف : جيت يا بوي هذا حالنا وين ادور بينا الدنيا نجوك معاش فهمت شن ندير حياتي تلخبطت بعد نضمتها بالسانتي قولي شن نديرنزوج... نفسخ... نساعد سليم ولا نهرب من هذا كله قولي فوقها ترف خايف عليها شايف حاجه في عيونها مش عارف شن هيا قولي ياا بووي رااني ضااايع ( واصف دمعن عيونه ) مشتت ملقيتش وين نعدي ( طبس راسه علي قبره ونزلن دموعه ) كان ترد حتى ساعه بس ضعنا من بعدكك💔

------------------------------------------------------------------D033-10

كانو ترف وعادل خاشين لي حوشهم ترف خشت طول للدار كانت تقلع في كبوطها خش عادل وجاها