هاربه للزواج💙

الحلقه 9 💙

هاربه للزواج 👰💙

الحلقة 9

اما واصف فدرس قدام حوش بوه القي قدامه

واصف : شن جيبك انت هناا

سليم : جاي نحضر في بيان اختي

واصف : شوف سليم حركه هكي ولا هكي نعدمك حياتك ( برق فيه بي غل ) عارفك تكره ترف لاكنن تفسدد فرحتهاا نمسحك

سليم ضحك ضحكه صفره : تهنننى مش داير شيء

خش سليم وواصف بيش يستقبلوا عادل اهله

----------------------------------------------------------------D033-10

اما ترف فصبت في بداية الخيمه وولعت الاغنية وقعدت تمشي وكلهم عجبتهم وصلت وقعمزت عالكرسي وتبرق فيهم بي ابتسامه

زاهيه جتها : بسم الله ما شاء الله طالعه تهبلي💙

ترف : شكرا ماما مع اني حاسه روحي شاده كيلوات

شويه وسمعوا بيابات وخشوا اهل العريس واستقبلوهم وجايبين معاهم عرم بوكسات وهدايا ترف بدأ قلبها يدق زي اول مره بتشوفه فيها وايديها صقعنن

قعمزوا اهل العريس وبدوا تقديم واللي يبتسم لي ترف ولازم تبتسمله واللي يأشرلها لازم تأشرله والاذاعه تربخ أحدا ودنها

------------------------------------------------------------------D033-10

اما بره فكانو عمام عادل وخواله وبوه ( هوا دفع وبيان ) وبشيروواصف وسليم بس من هلها دوو في كل شيء ودفعوا وحددوا العرس بعد شهرين يعني في شهر 3 بي ما انهم في 1

عادل وشوش لي واصف : بي ما ان كملنه قلهم منخش انلبسها

واصف : أي هي تعال ورايا

طلعوا وواصف ناده علي امه وجاته من ورا الباب : يا امي معايا عادل وبيخش قوليلهم بيش يلبسها الدبله

زاهيه : أي هيا يا ولدي شوي ( زاهيه خشت تجري خبرت ام العريس وجابوا لدبله والطاقم ولبسن النساوين وشوي ولعوا اغنيه وخش عادل مطبس راسه وترف ترجفف

عادل صبه وبرق فيه انصدم من جمالها : شنوو هذا

ترف خايفه : خيرك شن في

عادل : شن الجمال هذا💙

ترف : رعشتني ( بعدين ابتسمت )

عطاته امه الدبله ولبسها وهيا لبساته ولبسوها الطاقم وصوروا مع بضعهم وجابو التورته بيش يقصوها

عادل حط يده علي يد ترف وهيا حست بي قلبها طاح قصوا التورته ووكلها ووكلاته وطلع وترف دخلوهاا

------------------------------------------------------------------D033-10

تم البيان وروحوا الناس وترف كانت تمسح في المكياج

رغد : هاا شنن جوه السمحح

ترف لوحت عليها المخده : تحشمي علي وجهك بيولي راجلي