هاربه للزواج💙

الحلقه 24 💙

لايك وتعليق ☁

هاربه للزواج 👈👰

الحلقة 24

كان رمضان طالع للجمعه القي طرد عالسياره محطوط علي ورقه مكتوب عليها ( اسوء شيء ان تكون صديق عدوك ) قعد رمضان يبرق في الورقه والطرد خداه وركب سيارته ومشي

------------------------------------------------------D033-10

كان سليم يصلي كمل لفت القي الشرطي يراجي في

سليم : شنو

الشرطي خدي ايديه يكلبش فيهن : عندك زياره

سليم طلع معاه وكانت زاهيه جاها يجري وتعنقها وقعد يبكي وهيا تبكي💔

زاهيه بي خوف وتمس في ولدها : انت كويس صح مافيك شيء ما دارولك شيء صح

سليم : اني كويس الحمد لله سامحيني يامي والنبي

زاهيه : الله يسامحك متخافش واصف وترف يجروا بيش يطلعوك وهتطلع باهي

سليم : اني واثق فيهم ومنيش خايف المهم انتي بي خير

زاهيه ردت تعنقاته : الحمد لله اللي شفتك بي خير💙

-------------------------------------------------------D033-10

ترف طلعت لي حوش عيالها بلا ولا كلمه مع عادل كانت مصدومه من اللي صار اخر شخص يمكن توقعاته يزعلها خشت ترف وسلمت علي عيالها وخشت معاهم للمطبخ

سعاد : ترف بنتي جيبيلي المقص تلقي في الدرج متاعي

ترف : حاضر

مشت ترف وقعدت ادور فجأه لقت ...

--------------------------------------------------------D033-10

زبير كان طالع هوا وعادل من الصلاة

زبير : بوك سبقنا

عادل : قال عنده مشوار( قعدوا يمشوا ) ها شن صار في موضوعك

زبير : مصار شيء

عادل : تشجع وادوي لي بويا

زبير : ما وعدتهاش بشيء

عادل : كيف يعني

زبير : يعني مقلتلهاش بناخدك

عادل : مش هكي يا خويا كون راجل معاها بيش متكسرش قلب حد

زبير : الواقع يقول شيء واحلامنا تقول شيء

عادل : لما تنوضوا من احلامكم هتنزلكم عالارض بي خبطه تكسر ظهركم عشان هكي خلي احلامك حقيقه

مشي عادل وركب للسياره وزبير قعد يبرق بي تفكير

-------------------------------------------------------D033-10

ترف قعدت مصدومه تبرق في الصوره

ترف : هذا بابا نفسه من اللي معاه كأنه عمي ك كيف يعني