هاربه للزواج💙

الحلقه 15 💙

لايك وتعليق 💙

هاربه للزواج 👰💙

الحلقة 15

ترف برقت في خالتها : مش قادره نخش💔

هنادي انصدمت : ترف حبيبتي الناس كلها تبرق فيك لازم تقدمي خشي

ترف : م م مش قادره💔

سعاد : بسم الله الرحمن الرحيم خيرك ( وبرقت في هنادي ) احني والله مبخرين وباخين امية مرقيه خايفين من العين

ترف تبرق في الناس وتدوي في خاطرها : عمرك ما كنتي ضعيفه هكي انتي اخترتي متبينيش ضعفك لي حد امشي وانتي رافعه راسك بينهم💙

ترف قدمت بين ما سعاد وهنادي يدون مع بعضهن قلبن مصدومات وقالت سعاد : الحمد لله

ترف تمشي وتبرق وتبتسم وكلهم مذهولين من جمالها وصلت رقوها وقعمزت وابتمست وكأنها انتصرت علي نفسها 💙

--------------------------------------------------------------D033-10

عند زاهيه كانت في المطبخ والناس بره وهيا معطيه ظهرها وتبرق في الدولاب وتبكي

رهف : ماما في مراه بره تبيك

زاهيه تدوي بي صوت باكي : شويه تو نجيها

رهف جتها : ماما خيرك خلاص عاد ترف عدت لي حوش اللي تتهنى فيه بلاش عياط

زاهيه مسحت دموعها : عارفه ب بس منقدرش أي ام بتحس انها خدو قطعه منها فكو جزء من قلبها بس هنتعود هنتعود علي غيابها ونفرح لان غياب فرح

رهف برقت بي تساؤل : زي ما تعودتي علي غياب بوها ( زاهيه برقت بي صدمه ) غياب عمي علي يعني

زاهيه غيرت الموضوع : وين وين المراه اللي تبيني

رهف تبرق في أمها بي تركيز : بره

زاهيه طلعت ورهف برقت فيها وقالت في خاطرها : اني متأكده ان عمرك ما حبيتي بابا

------------------------------------------------------------------D033-10

ترف كانت مصندرينها ويبرقوا فيها جتها خالتها

هنادي : باهي احسن شكلك استوعبتي

ترف تدوي من تحت سنونها : خالتي نحس في روحي زي البنبله ولا عارضة الأزياء امتي يتم هالجو

هنادي برقت في ساعة تليفونها : نص ساعه ويدخلوك

ترف هزت بي راسها نزلت هنادي

------------------------------------------------------------------D033-10

عادل كان يمشي في الهمازيه وفرحان وكانت الدنيا أحدا رابخه💙

رمضان بوه : انت بترد تطلع

عادل : لالا يا بوي

رمضان : احسن متطلعش