هاربه للزواج💙

الحلقه 23 💙

لايك وتعليق لطفا ☁👀

 هاربه للزواج 👰💙

الحلقه 23  

كانن ملك وسعاد يراقبن فجأه جن سيارات الشرطه وداهمن المكان

ملك : يامي شنو هذا

سعاد : حييي عليهممم ووه اروى داخل

شويه وطلعوهن كلهن واروى تعيط وطالعه

ملك جت بتفتح وتنزل شدتها سعاد : وييين ماشيه

ملك : ماما اروى بيقلوهاا بتخليهم

سعاد : امال منمشي هيا اول مايعدوا امشي خلينا نشوفوا المصيبه هاذي في الحوش

------------------------------------------------------------------D033-10

ترف بعد ما راجت ربع ساعه جي

المدير :السلام عليكم

ترف صبت : وعليكم السلام ( قعمزوا وترف بدت تدوي ) الحمد لله علي السلامه ( هز بي راسه ) اني اخت سليم من امه

المدير قطع عليها قبل تدوي : شوفي يا بنتي اني مش هنقبل ولا هنتنازل حجم الضرر مش بس جسدي خوك معاش خلالي هيبه نمشي موطي راسي بين الطلبه بعد اللي داره كيف مقدر نمسك مدرسه اني خوك غلط ولازم يتحاسب

ترف : عندك أولاد (المدير هز بي راسه بي معنى أي ) كيف تتعامل معاهم

المدير : معنديش وقت لاي كلام زايد

ترف : نتمنى انك اتوسع بالك معايا

المدير تنفس بي غضب : زي أي اب ربيتهم صرفت عليهم كبرتهم علمتهم وفي أوقات صاحبتهم

ترف : سليم مشافش ولا شيء من اللي دويته ( المدير واسه روحها وكأنه يبي يسمع ) بوه وهوا صغير عمره ما قاله عالغلط غلط وبعد كبر لوحه عالحياة وخلاه عبأ علي نفسه اشوش ملقاش نفسه قعد طايش وكيف ما انت شايف النتيجه ( ترف تدوي بي تبرير ) هوا غلطان بس مش ذنبه بروحه في أوقات نغلطوا ونعلقوا اغلاطنا علي غيرنا بس فعلا سليم حتى هوا مظلوم علي فكره حتى اني كنت نتمنى ان ينحبس ويتعاقب بس اكتشفت اني غلطانه لان منتسبب في تقطيع قلب ام علي ولدها في ام في الحوش ميهمهاش ولدها غالط مش غالط مظلوم ظالم ميهماش يهمها تشوفه بس اني عارفه انك تأذيت بس صدقني ربي ما ينسه حد💙

المدير يبرق وكأنه يقلب في الكلام في راسه : بوه وين يعني علي ما فات وقت مشفتاش

ترف : مفروض فهمت بعد كلامي ( ترف صبت ) نتمنى انك تفكر وقتلك في النهايه كلنا بننسوا بس الام مش هتنسى ( طلعت ترف وخلت المدير وراها يفكر )

------------------------------------------------------------------D033-10

اما ملك وسعاد كاينات خاشات للحوش

ملك لوحت المفتاح : وووه ياماما كان يسمعنا منير والله ليذبحنا

سعاد قعمزت : اخخخ يا كرعيا منين بيسمع منير ااه تو تحلها مينخافش عليها