Salvation To My Beloved Queen(ချစ်လှစွာသောမိဖုရားလောင်းကိုကယ်တင်ခြင်း)

ကုန္သည္သဘာဝ/ကုန်သည်သဘာဝ

"ဒါကတော့ ကျွန်တော့်ကို စားတော်ကဲကြီးဈေးသွားဝယ်ခိုင်းတာကစပြောရမှာပဲ"
       အစချီတဲ့အသံမှာကတည်းက မလိုအပ်ပဲစကားကြောရှည်မည့်အရေးတွေအား လှမ်းမြင်နေရသလိုလီရှောင်းတစ်ယောက်ခံစားနေရသည်။
"ဒီမနက်က သခင်မလေးကပိကျွမ်းကိုစားဖိုဆောင်ကိုလွှတ်ပြီး ကြာစွယ်ဟင်းချိုလုပ်ဖို့အမှာပါးလိုက်တယ်လေ၊အနောက်ကကြာကန်ကလဲကြာစွယ်ရဖို့စိုက်ထားတာမျိုးမဟုတ်တော့ ဈေးသွားဖို့လိုလာပြီ"
ပိကျွမ်းဆိုတာက ချင်းမိုင်းမိုင်းရဲ့ခြောက်ယောက်မြောက်အစေခံကောင်မလေးဖြစ်လေသည်။သူ့အစ်မရဲ့ဒဏ်ကိုမခံနိုင်ကြလို့ထွက်ပြေးသွားကြတဲ့အစေခံတွေရှိလေသည်။ထိုထဲကမှပိကျွမ်းကနောက်ဆုံးဖြစ်ပြီး မြဲနေခြင်းမျိုး။
"ဈေးသွားတာက စားဖိုဆောင်ကလူတွေရှိနေတာပဲမဟုတ်ဘူးလား၊မင်းကသွားပေးဖို့လိုလို့လား"
"ဒါကဒီလိုရှိတယ်လေ၊ဒီနေ့ကထင်းတွေကို သုံးလစာစုဖို့အချိန်ကျပြီဆိုတော့ ကုန်လှောင်ရုံဘက်ကလူတွေရောစားဖိုဆောင်ကလူငယ်တော်တော်များများထင်းခုတ်ဖို့ရာလိုက်သွားကြတယ်၊သခင်လေးသိတဲ့အတိုင်းပဲလေ စားဖိုဆောင်မှာက ရှိတဲ့လူငယ်သုံးယောက်လောက်ကိုဖယ်လိုက်ရင်ကျန်တာ အဘိုးကြီးအဘွားကြီးအရွယ်တွေပဲရှိတာဥစ္စာကို၊ဟိဟိ"
လှောင်သလိုပြောနေတဲ့ကျီးကျင့်စကားကတကယ်တော့လဲမမှားပါ။လီရှောင်းငယ်ငယ်ထဲကစားချက်ကြီးတွေကအခုချိန်ထိမပြောင်းလဲသေး။
"အဲ့ဒါနဲ့ကျွန်တော်က ကြာစွယ်သွားဝယ်ပေးဖို့ခိုင်းခံရတာပေါ့"

      ဖြစ်ပုံကဒီလိုဖြစ်သည်။
ကျီးကျင့်ကြာစွယ်ရောင်းတဲ့ဈေးသည်ကိုရှာရင်းဆိပ်ကမ်းဘက်ရောက်လာသည်။အရှေ့မှာမတွေ့ခဲ့တာမဟုတ် စိတ်တိုင်းမကျ၍မဝယ်ခဲ့တာသာ။လျှောက်လာရင်းဆူညံပွက်လောရိုက်ကာ ရှုတ်ရှပ်ခတ်နေသော ငါးဒိုင်ကြီးများနားရောက်လာသည်။တွေ့လေပြီ ကြာစွယ်ဖြူဖွေးဖွေးကြီးတွေနဲ့ပန်းရောင်ကြာဖူးကြီးများကိုရေများဖြင့်ဖြန်းကာလန်းအောင်လုပ်နေသောဈေးသည်အဒေါ်ကြီးတစ်ယောက်။ကြာစွယ်ကြီးတွေကဖွေးတုတ်ကာအတော်လေးစိမ့်မည့်လတ်ဆတ်တဲ့ကြာစွယ်ကြီးတွေဆိုတာ မြင်ရုံနှင့်ပင်သိနိုင်သည်။အဒေါ်ကြီးက ကျီးကျင့်ကြည့်နေတာကိုမြင်သွားကာ ပါးနပ်တဲ့ဈေးသည်ပီပီပါးစပ်ကလဲအော်၍သူ့ကြာစွယ်အကြောင်းချီးမွမ်းကာရောင်းနေလေတော့သည်။ဘယ်လောက်ချိုကြောင်း၊ဆိမ့်ကြောင်း၊လတ်ဆတ်ကာသန့်ရှင်းကြောင်းအစရှိသဖြင့်အော်ကာရောင်းလေတော့သည်။
ကျီးကျင့်ရောက်သွားတော့အဒေါ်ကြီးကဝမ်းသာအားရဖြင့်
"လာလာ လူငယ်လေး လာခဲ့၊ဒီမှာလူငယ်လေးလိုချင်တဲ့ကြာစွယ်စိမ့်စိမ့်လေးတွေ၊အခုလေးတင် အဒေါ့်ယောကျာ်းလောလောလတ်လတ်လာပို့ထားတာလေးတွေ၊လူငယ်လေးကြည့်ကြည့်လိုက် ဒီလိုလတ်ဆတ်တဲ့ကြာစွယ်မျိုးဒီဈေးထဲမှာအဒေါ်တစ်ယောက်ထဲရောင်းတာနော်"
ကျီးကျင့်လဲကြာစွယ်ကိုကြည့်လိုက်သောအခါ အဒေါ်ကြီးပြောသလိုတကယ်ပဲလတ်ဆတ်တဲ့ပုံရတာကြောင့်
"ကျွန်တော့ကိုသုံးဆစ်လောက်ပေါ့၊ဟင်းချိုချက်သောက်လို့ကောင်းမဲ့ဟာလေး၊စီးစီးစိမ့်စိမ့်လေးရွေးပေးပါ၊တစ်ခါစားပြီးတာနဲ့စိတ်ကျေနပ်စေမယ့်အရသာမျိုးရမယ့်ဟာလေး"
"အိုက်ရား မပူနဲ့ အဒေါ့်ကြာစွယ်တွေအကုန်လုံးအဲ့အရသာရတယ်"
အဒေါ်ကြီးကသွက်သွက်လက်လက်ချိုးဆစ်ကာ ကြာဖက်ထဲထည့်ပေးလိုက်လေသည်။ကျီးကျင့်လဲကျသင့်ငွေရှင်းပြီးထပြန်မယ်အလုပ်
"အဒေါ်ကြီးကြာစွယ်ကောင်းကောင်းလေးလုပ်စမ်းပါအုံး၊ဝက်သားလေးနဲ့ကြော်စားချင်လ်ုိ့"
       ကြည့်လိုက်တော့ ကုန်သည်လို့ယူဆရသည့်လူသုံးယောက်။သပ်သပ်ခတ်ခတ်ဝတ်စားထားကာ ငွေအိတ်ကိုခါးတွင်ချိတ်ထားလေသည်။သူ့တို့မြို့ကိုနေရာပေါင်းစုံမှလာရောက်ကုန်သွယ်ကြတဲ့လူတွေများပြားလေသည်။ကုန်သည်အများစုကလဲ ထိုကဲ့သို့ငွေအိတ်ကိုခါးတွင်ချိတ်ထားသည်ကိုသဘောကျကျလေသည်။ငွေအိတ်ကငွေသံတချွင်ချွင်ထွက်လေလေ လာဘ်ခေါ်သလိုဖြစ်လေဟုအယူအဆရှိကြသောကြောင့်ဟုပြောလေသည်။
ထိုလူတွေထံမှကျီးကျင့်နဲ့ရင်းနှီးနေသည့်အနံ့တစ်မျိုးကိုရလိုက်လေသည်။ထိုကြောင့်ကျီးကျင့်မပြန်သေးပဲ ခေတ္တရပ်၍သူတို့ဈေးဝယ်ပြီးသည်အထိစောင့်ကြည့်နေလိုက်သည်။တအောင့်မျှကြာတော့ ကုန်သည်သုံးယောက်လုံးက ဝယ်ထားတဲ့ပစ္စည်းတွေပိုက်ကာစကားပြောရင်ထွက်လာတာတွေ့လိုက်ရလေသည်။ကျီးကျင့်က ထိုလူများရှေ့ပိတ်ရပ်လိုက်သောကြောင့် သူတို့ကဘာလဲဆိုသည့်အကြည့်ဖြင့် ကြောင်အမ်းအမ်းကြည့်လာလေသည်။
"ကောင်လေးမင်းဘာလုပ်တာလဲ၊အရှေ့ကဖယ်"
"ဒီကအကိုကြီးတို့က ကုန်သည်တွေလား"
သူ့အမေးကြောင့်ထိုလူတွေကတစ်ယောက်မျက်နှာတစ်ယောက်ကြည့်ကာ
"အေးလေ အသိသာကြီးပဲကို၊ဒီမှာငါတို့ရောက်တာသုံးရက်တောင်ရှိနေပြီ၊မင်းကဘာပစ္စည်းလိုချင်လို့လဲ"အရပ်ပုပုနဲ့ကုန်သည်ကစိတ်မရှည်ဟန်ဖြင့်မေးလိုက်လေသည်။
လမ်းဖွင့်ပေးလာသောကြောင့်ကျီးကျင့်ကမဆိုင်းမတွပင်
"ဒီကကုန်သည်ကြီးတွေဆီမှာထင်းရှူးဆီလိုမျိုးပစ္စည်းပါလာသေးလားမသိဘူး" ဟုမေးလိုက်ပါသည်။
ထိုအခါ အလယ်ကပိန်ပိန်ရှည်ရှည်နှင့်တစ်ယောက်က ရုတ်တရက်ကြီးထရယ်ကာ
"မင်းကထင်းရှူးဆီလိုချင်နေတာကို၊ပါလာတာပေါ့ကွာ၊ဒါပေမဲ့ မင်းဒီနေ့ဝယ်မှရမယ်၊မနက်ဖြန်ဆိုငါတို့ကပြန်ပြီကွ"
"နေပါဦးခင်ဗျ၊အခုကကျွန်တော့်မှာငွေစကမလောက်တော့ဘူး၊ပြီးတော့ကျွန်တော့သခင်ကိုပြန်ပြောရအုံးမှာမို့လို့ပါ"
"မင်းကဘယ်လောက်ဝယ်မှာမို့လို့လဲ"
"ခင်များတို့ဆီမှာရောဘယ်လောက်ပါလာလို့လဲ"
"အင်း.....သုံးစည်လောက်တော့ရှိမယ်၊ဒါမဲ့ဒီနှစ်ဆောင်းတွင်းကထင်းရှူးသိပ်မဖြစ်လို့၊ဒီတစ်ခေါက်ကထင်သလောက်မပါလာဘူး"
"ကျွန်တော်ကသုံးစည်လုံးလိုချင်တာ"
ကျီးကျင့်စကားကြောင့် ကုန်သည်တွေကတစ်ယောက်ကိုတစ်ယောက်ကြည့်ကာ မျက်စပစ်၍
"စောင့်လိုတော့မရဘူးကွကောင်လေးရ၊မင်းဒီနေ့ဝယ်ရင်ဒီနေ့ရမှာပဲ၊မဝယ်ရင်ငါတို့ကလာဝယ်တဲ့တခြားလူကိုရောင်းပစ်မှာပဲ၊ကုန်သည်လောကကအဲ့လိုပဲကွ၊နောက်တစ်နာရီအတွင်းမှဒီပစ္စည်းကိုမင်းမဝယ်ရင် ကျော်သွားတာနဲ့ရဖို့အာမခံတော့ဘူး၊ထင်းရှူးဆီက လိုချင်တဲ့သူကပေါသားလား"
ကုန်သည်တွေရဲ့သဘာဝအတိုင်းကုန်ဝယ်သူတွေအပေါ်ပရိယာယ်ခင်းလေပြီ။ဆိုလိုသည်က ဝယ်ယူသူသည် မိမိဝယ်ရမဲ့ပစ္စည်းအား အချိန်အကန့်သတ်နှင့်သာရနိူင်တော့သည်ကိုရောင်းမည့်သူကထိုအတိုင်းသိစေလိုက်လျှင် ထိုဝယ်သူသည် ပစ္စည်းအားအချိန်မဆိုင်းပဲသေချာပေါက်ဝယ်မည်သာ။ထင်းရှူးဆီကအမှန်ပင်တော်တော်များများနေရာတိုင်းတွင်အသုံးဝင်ပါသည်။အထူးသဖြင့်  ဆေးဖော်တဲ့နေရာမှာတွင်လဲ တွင်တွင်ကျယ်ကျယ် အသုံးပြုကြသေးသည်။ထို့ကြောင့်ထင်းရှူးဆီက ရောင်းအားလည်းမသွက်သလို မထိုင်းတဲ့အနေအထားမှာရှိနေတဲ့အလတ်တန်းစားကုန်တစ်မျိုး။နောက်တစ်နာရီအတွင်းမဝယ်ပါကတစ်ခြားသူကိုရောင်းမှာပဲဆိုတာသည် သေချာပေါက်ဒီပစ္စည်းကိုမရနိုင်တော့ဘူးလို့ဆိုလို၍မရ။ကြာ၍ရသည်လို့မဆိုလိုပါ။ကုန်သည်များ၏သဘောသည်အတူတူပင်။ဒီနေ့နဲ့မနက်ဖြန်ရောင်းရတာမတူ။အခုအချိန်နှင့်နောက်တစ်နာရီအတွင်းယှဉ်၍လက်ငင်းရောင်းကုန်သွားသည်ကသူတို့အတွက်သေချာသည့်စံနှုန်းဖြစ်သောကြောင့်ချန်နေမှာမဟုတ်ပေ။သို့သော် သုံးရက်အတွင်းပါလာတာမကုန်သေးဘူးဆိုကထဲက လတ်တလောအရောင်းထိုင်းနေချင်သာဖြစ်လေသည်။ထိုကြောင့်ကျီးကျင့်အားပိုပိုသာသာပြော၍ခြောက်လိုက်ခြင်းသာ။နောက်ဆုံးဆိုသည့်စကားသည် ကုန်ဝယ်သူများကြားတွင်တကယ်ပဲအသုံးဝင်လှပါသည်။ကျီးကျင့်ကကုန်သည်စကားကြောင့် စိတ်ပူသွားကာ
       "ဒါဆိုအခုကျွန်တော့်ကိုနမူနာလေးရောင်းလိုက်ပါ၊ဒါမှသခင်လေးကအချိန်မဆိုင်းပဲလာဝယ်မှာပေါ့"
          တကယ်ကလီရှောင်သည်အနံ့မကြိုက်ရင်လဲမဝယ်တတ်။ယောက်ျားလေးသာဖြစ်နေတာ နေရာတော်တော်များများမှာ အလွန်ဇီဇာကြောင်တတ်သည့်သခင်မျိုး။
        "မင်လိုချင်ရင်၊ဝယ်မှာသေချာရင် ငါနမူနာကိုအလကားပေးလိုက်မယ်၊နည်းနည်းလေးကိုလဲငါတို့မရောင်းချင်ပါဘူး၊မင်းသာဆိပ်ကမ်းဘက်ရောက်ရင် တလုညီနောင်သုံးယောက်သင်္ဘောကိုမေးပြီးလာခဲ့လိုက်၊အဲ့မှာငါတို့ရှိတယ်"
            ဟုပြောကာ ခရမ်းရောင်ကတ္တီပါရှုံအိတ်လေးကိုထုတ်ပေးလိုက်လေသည်။စူးရှရှနဲ့ထင်းရှူးနံ့က ထိုအိတ်ထဲက ထွက်လာနေတာဖြစ်သည်။ကျီးကျင့်ကပိုက်ထားတဲ့ကြာစွယ်ထုတ်ကိုချလိုက်ကာ လှမ်းယူလိုက်လေသည်။
        "ဒါကငါဆောင်ထားတာ၊ခေါင်းကိုက်ရင်သက်သာစေလို့၊ဘာသဘောလဲတော့မသိဘူးပေါ့လေ၊ကဲငါတို့သွားတော့မယ်၊နောက်မကျစေနဲ့နော်ကောင်လေးရေ"
             ကုန်သည်များကထိုသို့ပြောပြီးထွက်သွားကြလေသည်။ကျီးကျင့်လဲမချိန်မဆိုင်းစေဘဲ အိမ်တော်ဆီသို့ဒုန်းစိုင်းပြေးချလာခဲ့သည်မှာ ကြာစွယ်ထုတ်တောင်မေ့လာခဲ့သည်။ပစ်ချထားခဲ့သည့် ကြာစွယ်အထုပ်နားက အချိုမုန့်ရောင်းနေတဲ့လူရဲ့လှမ်းအော်ကာခေါ်သံတောင်မကြားတော့ပါချေ။