تزوجنى لينتقم ولكني أحببته

البارت الثالث عشر

وقف حازم بصدمه بعد سماعه لجاسر وقال بصدمه : انت بتقول ايه .
جاسر : بقولك عايز اتقدم لاختك .
امسكه حازم من تلابيب قميصه وقال بعصبيه : انت واعى للبتقوله .
تركه جاسر يفعل به ما يشاء ثم قال بهدوء : مش انت لسه قايلى شاب كويس والحمد لله الحاله كويسه واى بنت تتمنى واحد زيى .
مسح حازم على وجهه بغضب وقال : ايوة بس مش اختى .
جاسر : ليه اشمعنى .
حازم بغيرة اخويه : يا بنى دى اختى منه السكرة بتاعه البيت والدلوعه بتاعتنا ومستحيل تتجوز الوقت هو من ناحيتك انت مفيش مشكله خالص بس المشكله من ناحيه منه ومحمد توأمها .
جاسر بدهشه : توأمها هى ليها اخ توأم .
حازم : اه عشان كده بقلك مش هينفع الوقت لان منه مش هتوافق دا هى ومحمد روحهم في بعض هما روح واحده في جسدين وميقدروش يبعدوا عن بعض ابدا .
جاسر : بس اكيد اختك هيجيى يوم وتتجوز وتسيبكم .
حازم : ماشى بس مش الوقت .
جاسر بعند : بس في الاخر هتتجوز .
تنهد حازم من جاسر ورأسه العنيده فقال جاسر : طيب على الاقل اشوف رأيها مش يمكن هى توافق .
حازم : انا هفاتحها النهارده واقولها وهشوف رده فعلها .
جاسر : بس انا عايز اقعد معاها .
نظر له حازم بحاجبان مقطوبان فقال جاسر بتصحيح : قصدى يعنى اتعرف عليها وهى تعرفنى مش يمكن لما تعرفنى توافق واقعد معاها زى اى واحد رايح يتقدم لواحده وهيقعد معاها .
حازم بتفهم : ماشى يا جاسر بس اهدى عليا يومين كده انت فاجئتنى خالص انهارده ومكنتش متوقع انك هتطلب منى كده .
جاسر : براحتك خد كل وقتك المهم انك تقولها .
حازم : بس غريبه يعنى انت متعرفش اختى اوى وعايز تتقدملها .
جاسر بثقه : انا شوفتها قبل كده معاك ساعه سوء التفاهم اللى حصل انا صح مش عارفها اوى بس كفايه انها اختك هبقي متطمن لما واحده زيها تشيل اسمى .
ابتسم له حازم وقال : خلاص هشوفلك الموضوع وربنا يقدم اللى فيه الخير .
جاسر بغمزة : بس مش عايز اقولك واوصيك عليا .
ضحك حازم عليه وقال : من عنيا .
ابتسم جاسر بسعاده ولكن ليس سعادهً لانه سيتجوز بل سعاده لان خطته تمشى كما يريد هو بقى جزء صغير ويبدأ انتقامه الحقيقى ولكن هذا الجزء الصغير المتبقي سيتعبه كثيرا ولابد ان يستعد جيدا حتى ينجح في محاوله اقناع الفتاه التى سيتزوجها والتى هى اخت حازم هو كذب على حازم عندما قال له انه يعرفها فهو قلق قليلا لانه لا يعرف اخلاقها جيدا ولكن من الظاهر ان هذه الفتاه ستتعبه كثيرا وايضا هو لا يثق بها لانها هى المنفذه الوحيده  لخطط حازم اقسم ان يجعل هذه الفتاه بائسه ويذيقها انواع العذاب حتى لا تفكر مجددا العبث مع صغيرته مريم وايضا كى يلقنها درس حتى لا تفعل هذا مع اى فتاه اخرى وليست اخته فقط .
حسنا يا جاسر انت لا تعلم من الذى حياته ستتغير بعد هذا الجواز فأنت تقول وتقسم على ان تجعل حياتها جحيم وعذاب ولكن انت لاتدرى ان حياتك هى التى ستتحول الى عذاب ولنرى من سيتألم انت ام هى ولكن من الواضح لى وللقراء انكم انتم الاثنين ستعانوا وبشده فكل واحد منكم سيأذى الاخر بغير عمد ولنرى ماذا سيحدث لكم .
___________________
عند مريم ومنه بالمطعم .
جلست منه على الكرسى وجلست مريم قبالتها على الكرسى الاخر .
مريم : عامله ايه يا منه .
مريم : الحمد لله انتى اخبارك .
مريم : تمام والله ها يا ستى اشجينى بفكرتك اللى شكلها هتودينا في داهيه .
ضحكت منه بخفه وشاركتها مريم الضحك استعادت منه هدوئها قبل ان تقول : بصى احنا هنشترى خط تمام غير بتاعنا ونكلم شاكر من عليه بعد ما اخد الرقم من دعاء من غير ما تعرف وهنكلمه على اساس انى واحده معجبه بيه وهنشوف الردود بتاعته ونصورها كلها وكده ناخدها دليل عليه وكمان ممكن نعمل حركه تانيه ممكن لما اكلمه اقوله انا عايزة اقابلك وكده فهو اكيد مش هيرفض وهييجى المكان اللى هنقوله عليه وهنكون معرفين دعاء قبلها ولما نروح دعاء هتعرفه على حقيقته وهتصدقنا ها قولتى ايه .
مريم بتفكير : مش عارفه اقولك ايه بصراحه هى من ناحيه فكره جنان وهتنجح كمان بس من ناحيه تانيه فيها خطر شويه لان انتى بتقولى ان شاكر دا بتاع نسوان واخاف ليعملك حاجه او انا .
منه : طب قوليلى نعمل ايه بقالنا ييجى تلت شهور مش عارفين نمسك دليل واحد عليه وغير كده الفرح قرب ومفضلش غير ايام معدوده وانا مستحيل اضحى بدعاء انا متأكده ان الزفت شاكر دا ما بيحبهاش .
تنهدت مريم وقالت : خلاص امرنا لله .
منه بحماس : اشطا بقي خلينى ناخدها على اساس لعبه دا احنا هنتسلى تسليه .
مريم ضاحكه : انتى قوام ما خلتيها لعبه .
منه : اه يا بنتى وهتشوفى .
ضحكت مريم بخفه وقالت : المهم الوقت هنبدأ في اللى قولتى عليه امتى .
منه : من الوقت .
مريم بدهشه : بدرى اوى كده ليه .
منه بتفكير : لا مش بدرى ولا حاجه دا احنا لازم نبدأ الوقت علشان نلحق
لان الفرح خلاص دا بيجهزوا القاعه من الوقت .
مريم بتفهم : معاكى حق خلاص تمام نبدأ .
منه بحماس : ايوة بقي يلا بينا نشترى خط الاول .
اومأت مريم ضاحكه على حماس منه .
وقفوا هما الاثنين ثم اتجهوا لخارج المطعم وركبوا سياره مريم فبدأت مريم بالقياده لاقرب سنتر تشترى منه خط جديد .
وبالفعل وجدوا محل قريب فأوقفت مريم سيارتهم ونزلت هى ومنه وذهبوا الى ذاك المحل واشتروا الخط ثم رجعوا مره اخرى الى العربيه .
مريم وهى تبدأ بالقياده مره اخرى : ها هنعمل ايه تانى .
منه بتفكير : بصى مش هينفع نكلمه الوقت لانى مش معايا رقمه حاليا .
مريم بتفهم : خلاص ماشى لما تروحى بقي .
اومأت منه لها واكملوا كلامهم في شتى الامور .
_________________________
وصلت مريم الى منزل منه فكادت منه تنزل ولكن اوقفتها مريم عندما رأت حازم يدلف بسيارته الى حديقه منزل منه فقالت مسرعه : استنى استنى عشان بشمهندس حازم هنا .
نظرت منه لحازم وجدته ينزل من سيارته ثم دلف الى داخل المنزل .
زفرت مريم بإرتياح فأبتسمت منه وودعتها ونزلت هى الاخرى وانتظرت حتى رحلت مريم ثم دلفت الى الداخل .
_________________
عند مريم بعد وقت ليس بقليل وصلت الى منزلها فقابلت جاسر الذى كان ينتظرها بلعت ريقها وهى تجد الغضب مرتسم على وجهه .
مريم بصوت منخفض : السلام عليكم .
جاسر : وعليكم السلام كنتى فين يا مريم.
مريم بتوتر : ها ك..كنت..مع..ص..صحبتى .
جاسر ببرود : صحبتك مين دى .
لم تعرف مريم بماذا تجيب فهى لا تريد ان تكذب عليه .
قال جاسر عندما طال صمت مريم : ومقولتليش ليه طيب .
مريم بصدق : والله اتصلت عليك عشان اقولك كان بيدينى مغلق وقولت لبابا فهو قالى اخرجى انتى وانا هبقي اقوله .
اومأ جاسر بصمت وهو ينظر لها يريد ان يعرف ماذا تخبى عليه .
توترت مريم من نظرته فهى تعرف اخيها حق المعرفه واذا سألها هكذا لابد وانه عرف شئ .
قالت مريم بتهرب : انا هروح اغير وبعد كده اساعد الداده في الاكل .
تركها جاسر ترحل ثم وقف ودلف الى مكتبه واتصل بشخص ما .
قال جاسر جمله واحده فقط : عايزك تخلى عينك على اختى وتعرفنى تحركاتها .
ثم اغلق الهاتف وزفر بضيق لعدم تمكنه من معرفه ماذا يريد حازم ان يفعل .
خرج جاسر من مكتبه وجد مريم ترص الطعام ووالده يجلس على الكرسى امام السفرة فجلس معهم ثم شرعوا بتناول الاكل بعدما سموا الله.
____________________
منزل حازم
بعدما انتهوا من تناول الاكل قال حازم : احم في موضوع عايز افاتحكم فيه .
انتبه له الجميع فقال حازم بعد صمت : في واحد متقدم لمنه .
اتسعت اعين منه بشده وكذلك اندهش الجميع وحازم ينظر لهم وهو يترقب اى رده فعل تصدر منهم .
منه بدهشه : ليا انا .
حازم بسخريه مضحكه : امال ليا انا .
نظرت له منه بغيظ فأبتلع ريقه بخوف مصتنع وقال : انا مالى بقي يا اختى هو قالى افاتحكم في الموضوع .
والدهم : طيب ومين هو دا .
حازم : هو انتوا متعرفهوش ولا حد يعرفه غير منه .
نظر الجميع لمنه فنظرت لحازم وقالت : الواد دا كداب انا معرفش حد .
ضحك حازم بخفه وقال : مش قصدى المعنى اللى فهمتوه قصدى انها شافته قبل كده .
نظرت منه له بإستفهام فقال حازم : فاكره الشاب اللى ضربنى قبل كده لما كان فاكرنى بضايقك .
تذكرت منه هذا الشاب الذى لا تعرف اسمه الذى أنقذها قبل ذلك وأيضا عندما ضرب حازم فقالت بدهشه : هو دا بس انت تعرفه منين يا حازم .
حازم : دا صاحبى .
نظر له الجميع بعدم فهم قال بتوضيح : بقاله ييجى تلت شهور واكتر بيشتغل معايا في نفس الشركه اللى انا بشتغل فيها وهو ما شاء الله عليه شاطر جدا في شغله وعقله شغال وذكى ما شاء الله .
منه : يعنى هو شغال معاك قريب لسه .
حازم : اسمه جاسر هو اه شغال معايا من قريب بس بصراحه حسيت انى اعرفه من سنين واد جدع وبن ناس ومش متكبر ولا مغرور ومتدين ويعرف ربنا اوى وكمان حالته الماديه تمام .
دعاء ضاحكه : يعنى عريس كامل من مجاميعه .
ضحك حازم وقال : اه .
ليلى : ايه رأيك يا منه .
منه : مش عارفه بس يعنى لسه بدرى شويه .
حازم : وهو يعنى قايمين نجوزك الوقت دا لسه هييجى ويتقدم رسمى وبعدين تشوفيه الاول ولو عجبك وارتحتيله نبقي نتفق والميعاد اللى انتى عايزاه بس الاول ييجى وتشوفيه .
محمود : ها يا منه قولتى ايه .
منه بتردد : خلاص ماشى خليه ييجى .
لاحظ حازم سكوت محمد طوال كلامهم وعدم تحدثه فقال بترقب : مالك يا محمد مبتتكلمش ليه .
نظر له محمد ثم تركهم وصعد إلى غرفته بدون كلمه مما أثار استغراب الجميع وقلق منه عليه فصعدت ورائه وهى تقول : هطلع اشوفه .
أومأ الجميع وهم متوقعون رده فعل محمد فهو سيحزن كثيرا عندما تتزوج منه وتتركه فهى توأمه ونصفه الآخر كيف سيتركها وكيف سيعتاد العيش بدونها .
بغرفه محمد دقت منه الباب فلم يأتيها صوته فدلفت هى وجدته يمثل النوم عليها ولكن الحزن مرسوم على وجهه فذهبت وجلست بجواره وقالت وهى تمسد على شعره : مالك يا محمد .
لم يستطع محمد أن يمثل عليها النوم فقام واعتدل في جلسته وقال : مفيش يا منه .
منه : لا فيه قولى مالك انت زعلان عشان في واحد متقدملى .
هز محمد رأسه بالنفي فقالت منه : امال مالك .
محمد بصوت حزين : عشان فكرت انه هييجى يوم وتتجوزى وتسبينى وتمشى .
نزلت دموع منه ببطء على وجنتيها وقالت وهى تتداعب وجنته : مين قالك كده صحيح هتجوز بس هتفضل على طول في بالى وكمان هفضل اتصل عليك وازهقك واقرفك في عيشتك .
ضحك محمد فأبتسمت منه واكملت : وهفضل اجى كتير وبعدين تعالى هنا انا لسه ما اتجوزتش دا يدوب بنتكلم وبنقول أنه هييجى ومش يمكن ميعجبنيش وافركش الجوازه انا وانت .
ضحك محمد بشده وشاركته منه الضحك ثم قال : ..................................

انتهى البارت يارب يعجبكم .
فوت + كومنت .
توقعاتكم للى جى .
بحبكم في الله 💞💞💞 .
دمتم بخير ❤️ .
بقلم منه فرج .