تزوجنى لينتقم ولكني أحببته

البارت الثالث والعشرون

انتهي البارت اللي فات علي صوت جاسر تعالوا نقرأ مع بعض ونشوف اي اللي هيحصل .
Enjoy ❤
________________
جاسر : هتروحي فين ي مريم ؟؟؟؟؟؟.
انتفضت مريم علي صوت جاسر لدرجه سقوط الهاتف من يديها فألتفتت له بإرتباك وقالت وهي تميل بجسدها علي الارض حتي تأخذ هاتفهها : م...مش..في..م...مكان .
جاسر بتهكم : والله .
تنهدت مريم ثم قالت بصدق : خطوبه واحدة صحبتي ونفسي اكون جنبها في اليوم دا .
لم يتوقع جاسر ان تجيبه بالحقيقه الان ففضل الصمت لثواني ثم قال : بس انا عندي شغل النهاردة وبابا تعبان شويه ولازم حد يفضل جنبه مينفعش انا وانتي منكونش موجودين معاه اانهاردة .
كادت مريم ان تجيب ولكنها قالت بإستغراب : بس انت عرفت منين اني هروح النهاردة .
توتر جاسر بداخله ولكنه قال بجمود : سمعتك وانتي بتتكلمي .
استغربت مريم ولكنها نفضت ذلك فالان جل ما تركز عليه هو محاوله اقناع اخيها بالذهاب الي منه .
مريم بترجي : مش هتأخر والله .
فكر جاسر قليلا فجائته فكره فقال : ماشي بس مش هتتأخري .
انفجرت اسارير مريم بالفرحه وعانقت جاسر بقوة وقالت : ربنا ميحرمني منك ي اجمل اخ في الدنيا .
ابتسم جاسر وهو يبادلها العناق ثم قال : بس قبل ما تمشي ترني عليا .
ابتعدت مريم وقالت بجديه : تمام ماشي .
جاسر : ولما توصلي بردوا عشان اطمن عليكي .
ابتسمت مريم وهى تحرك رأسها بالايجاب ثم رحلت كى تخبر منه .
تنهد جاسر بضيق وقال : كان لازم يعني ي مريم .
جاء سيف من ورائه وقال : مالك واقف كدا ليه .
حكي له جاسر بإختصار لما حدث ثم اوضح له فكرته : انا قولتلها قبل ما تمش ترن عليا واول ما توصل كذلك بحيث اني في الوقت اللي هتوصل فيه اخترع اي حجه واختفي عن الانظار شويه لغايه ما مريم تمشي عشان محدش يشك في حاجه والخطه كلها تبوظ .
تنهد سيف بضيق وقال : مش عارف اي اخره اللي بتعمله دا .
جاسر بضيق : سيف انا اللي عندي قولتله سواء هتقف جنبي او لا انا هعمل اللي ف دماغي .
قال سيف : انا خايف تكون ظالم حازم والانسه منه وبعد كدا تندم .
جاسر : انا مظلمتش حد تعرف ساعات بحس ان اللي حصل لاخته الانسه دعاء دا من اللي كان بيعمله في اختي وربنا بينتقم منه بس للاسف في اخته .
انزعج سيف من كلام جاسر علي دعاء وحازم وقال : معتقدش حاجه زي دى لان من الواضح حازم بن ناس ومتربي وبيخاف ربنا اي اللي هيخليه يعمل كدا .
جاسر : اصبر شويه وهتشوف وشه الحقيقي اللي مخبيه وراء قناع الطيبه والاخ الحنون اللي مبيعملش حاجه غلط خالص .
سيف : صدقني انا حاسس انه مظلوم وانت هجيلك يوم وتعرف دا بس بتمني تعرف قبل ما تبهدل اخته المسكينه اللي ملهاش ذنب معاك .
جاسر : قفل علي السيرة ويلا نشوف شغلنا عشان نلحق نروح علي الميعاد بالضبط .
ذهب جاسر بينما قال سيف بشرود : صدقني ي جاسر هتندم علي اللي هتعمله بعدين لما تعرف انهم مظلومين ثم نظر للسماء : يارب ي شيخ تقع في حب الانسه منه وتطلع عينك .
ضحك بخفه ثم تحرك وراء جاسر كي يستطيعوا ان ينجزوا عملهم باكرا .
_______________
بمنزل حازم كان الجميع متجمعون في المنزل حتي مروة اتت بعدما رحل حامد وودعوه جميعهم وعرفت بما حدث مع دعاء ليله امس وحزنت لاجلها .
ولكن الان الجميع يتحرك وكلا ينجز مهامه لان اليوم مهم للجميع بينما منه كانت تجلس حامله حمزه بين يديها تلاعبه وتضحك هي وهو .
جاءت دعاء وجلست بجانبها بتعب وقالت : يختاااي اي دا كله رجليا قربت تنكسر .
منه : معلش ي اوختشي عقبال ما نتعب في فرحك .
تنهدت دعاء بحزن فلاحظت منه ما قالته فقالت بأسف : والله مكنش قصدي افكرك ...
قاطعتها دعاء بإبتسامه حزينه : عارفه انه مكنش قصدك ولا يهمك تعرفي انا مش زعلانه اني هفركش انا وشاكر غير اللي الخطه اللي هنعملها بالعكس انا فرحانه اني عرفته علي حقيقته وربنا بعتلي فرصه حلوة عشان اخد حقي منه وحق كل بنت عمل فيها كدا انا بس اللي مزعلني اني مكنتش مصدقاكوا لما كنتوا بتحذروني منه .
منه : انتي كنتي بتحبيه واللي بيحب حد مبيشفش عيوبه .
دعاء : حتي دى ساعات بحس اني مكنتش بحبه واني بس كان عاجبني اهتمامه واللي هو كان مزيف وكلامه اللي كل بنت بتبقي نفسها تسمعه من حبيبها لكن انا محبتهوش .
فرحت منه وقالت : يبقي كدا هتنسيه بسهوله ومش هيفرق معاكي تاني تعرفني انا كنت خايفه من اي انك تكوني حبتيه اوي عشان كدا كنت خايفه عليكي لانك لو حبتيه بجد صعب تنسيه وغير كدا ممكن بأي كلمه تاني يقولهالك تضعفي تاني .
دعاء بحزم : مستحيل اضعف تاني انا اساسا كرهته خالص وبحس بالنفور والكره لما حد يجيب سيرته ببقا نفسي اشوفه وافضل اضرب فيه واخد حقي .
ابتسمت منه وقالت : ايوة كدا هي دى دعاء الشرسه عايزاكي تطلعي عينه .
ضحكت دعاء وقالت بعبث : خلينا نلعب معاه شويه مش هيضر بردوا .
ضحكت منه عاليا وقالت : حلاوتك لما تبقي شراني .
ضحكت دعاء هي الاخري ثم قامت وقالت : هروح اشوف اي اللي ناقص تاني واعمله .
اومأت منه بإبتسامه وتنهدت براحه وقالت : الحمدلله يارب دعاء بقت كويسه واتأكدت فعلا انها مش بتحبه .
ثم
نظرت الي حمزة الذى كان يلعب في يديها وقالت : خالتو بقت كويسه ي حمزة وهتلعب معانا هييييي .
ضحك الطفل بمرح وهو لا يفقه شئ مما تقوله فضحكت منه معه حتي سمعت صوت هاتفهها يرن فأمسكته وهي تري اسم المتصل فوجدتها مريم فردت مسرعه : الو ايوة ي مريم .
مريم بفرحه : اخويا وافق اني اجي .
فرحت منه بشدة وقالت : ايوة بقي خلي الفرحه تكتمل .
ابتمست مريم بسعادة ولكنها عبست وهي تتذكر حازم فقالت : طب وهنعمل ق بشمهندس حازم .
عبست منه هي الاخري وقالت : انا جاتلي فكره .
مريم : قولي .
منه : انتي هترني عليا اول ما توصلي هناك المكان اللي هنروح نجيب منه الشبكه هبعتهولك تمام اول ما توصلي ترني عليا وانا هطلع واشوفك واسلم عليكي .
مريم : خلاص ماشي يلا سلام .
منه : سلام .
قفزت منه بفرح وهي حامله حمزة فقبلته في وجنته بقوة وقالت : وشك سكر عليا ي واد ي حمزة هيييي مريم هتيجي .
حازم : مين اللي هتيجي دي .
شهقت منه بخوف وكاد يسقط حمزة منها ولكن لحقه حازم وحمله مسرعا فبكي الطفل فظل حازم يربت عليه حتي هدأ .
منه بغضب : في اي ي حازم لازم كل مره تخضني .
نظر لها حازم بحده جعلتها تصمت وتبتلع ريقها وهي تدعو بداخلها ان لا يكون سمعها وهي تقول اسم مريم .
منه : دى صحبتي وكنت عايزاها تيجي انهاردة معانا .
حازم : طيب امسكي حمزة وخلي بالك منه .
اومأت منه وهى تأخذ حمزة فذهب حازم كى يكمل عمله فزفرت منه بإرتياح وقالت : لازم اخلي بالي بعد كدا لحسن يعرف .
.................
جاء المساء وكان الوقت قرب المغرب .
بفيلا جاسر وبغرفته .
ارتدى ساعته الذهبيه التي تليق بالطقم الذي يتكون من بنطال اسود وتيشيرت ابيض وجاكت باللون الجملي وحذاء اسود لامع .
صفف شعرة بطريقه تخطف الانفاس انتهي وذهب الي غرفه سيف كي يصطحبه .
دلف وجد سيف يخرج من الحمام مرتدى بنطال باللون الاسود وتيشيرت رصاصي وجاكت اسود مع تصفيفه شعره كان مثالا رائعا للرجوله هو وجاسر .
صفر جاسر بإعجاب وقال : هو انا العريس ولا انت .
ضحك سيف بخفه وقال : لا انت ثم رفع يديه لاعلي وقال بدراما : عقبالي يارب اما اتجوز .
ضحك جاسر بخفه ثم تحركوا هما الاثنين متجهين لاسفل .
كادوا يخرجون من الباب ولكن اوقفهم صوت احمد والد جاسر : رايحين فين كدا .
التفتوا هما الاثنين فذهب جاسر الي والده وقال : خارجين شغل شويه .
احمد بشك : شغل اي اللي دلوقتي فيه اي يا جاسر انت مخبي عليا حاجه ؟؟؟.
جاسر طب نأجل الكلام لغايه ما ارجع واوعدك هجاوب علي كل اسألتك .
تنهد احمد وقال : ماشي يا جاسر بس لما تيجي هعرف كل حاجه .
اومأ جاسر بهدوء ثم القي السلام وذهب هو وسيف بسيارة جاسر متجهين الي منزل عمران باشا اولا ثم يتجهوا الي منزل حازم
.............................
بمنزل حازم .
كان الجميع في غرفه الضيوف بعدما انتهوا من تجهيز انفسهم وتجمعوا بالاسفل .
كانت منه ترتدى دريس باللون البنفسجي الغامق وبه حزام في المنتصف باللون الابيض وطرحه باللون الابيض بها خطين من اللون البنفسجي .
لم تضع مساحيق تجميل سوا كحل خفيف ابرز جمال عينيها وزبدة كاكاو ولكنها تعطي اللون الاحمر الخفيف بحيث من يراه من بعيد  يحسبه لون الشفاه الحقيقي .
اما دعاء فهي ارتدت جيبه باللون الاسود سادة وتيشيرت باللونين الابيض والرصاصي وطرحه مزيج ما بين اللون الرصاصي والابيض لم تضع ايا مساحيق تجميل ايضا غير احمر شفاه خفيف وكحل يرسم عينيها .
ارتدت مروة دريس باللون الموف الفاتح به خرز مثل حبات اللؤلؤ باللون الموف الغامق وطرحه باللون باللون الموف الفاتح به خط مموج باللون الموف الغامق .
ارتدى الصغير حمزة شورت جينز لبعد ركبته الصغيرة وتيشيرت ابيض صغير بحيث يناسب جسدة الصغير وكوتش صغير مناسب لقدمه الصغيرة .
كان حازم يرتدى بنطال جينز اسود وقميص اسود تاركا اول زراريين مفتحوين .
ارتدى محمد بنطال جينز وتيشيرت اسود وجاكت جينز .
كانوا رائعين بحق خاصا بتصفيفه شعرهم .
والبنات ايضا لكل منهما جمالها الخاص .
وصل جاسر برفقه سيف وعمران باشا فخرج الجميع وسلموا علي بعضهم ثم توزعوا في سيارتهم بحيث كان كانت مروة وليلي ومحمود وحمزة الصغير بسيارة .
ومنه ودعاء ومحمد وحازم بسيارة حازم .
وسيف وجاسر وعمران باشا الذى ترك سيارته امام منزل حازم بعد اصرار جاسر علي ركوبه معهم .
وتحرك الجميع متوجهين الي مكان تابع لعائله جاسر يشترون منه الذهب * الشبكه * .
كان جاسر شاردا بمنه التي سلبت عقله كان منتظر الميعاد بلهفه حتي يراها وصدم من جمالها الاخاذ فكانت رائعه بحق نفض جاسر هذه الافكار وذكر نفسه بأنه لا يفعل هذا سوا للانتقام .
حسنا سيد جاسر لنرى الي متي ستصمد امام طوفان العشق الذى سيأتيك يغرقك وستكون سعيدا بذلك ومتقبله بصدر رحب لنرى كم سيطول عنادك مع عقلك اليابس والى ماذا ستصل .
كان حال منه لا يختلف عن جاسر حيث كانت تفكر به وكم هو وسيم وجذاب خجلت من افكارها واستغفرت ربها فلا يجوز ان تفكر به الان حينما تصبح امرأته لتفكر فيه كما شاءت .
كان سيف هائما بوجهه دعاء فكانت
رائعه بالطقم الذى ترتديه ولكن ما عكر صوفه حينما رأى شاكر اتي ورائهم فزفر بضيق وهو يشعر بنيران تضرم صدره ويشعر بالغيرة الحارقه منه فهو اصبح مهوس بدعاء يحب رؤيتها كثيرا اصبح يفكر فيها كثيرا اصبح يعشقهااا ها هو يعترف انه وقع في حبها في هذه الفترة الصغيرة التي جمعتهما معا .
كانت دعاء تشعر بالضيق لوجود شاكر فهي اصبحت تنفر منه ولا تحب المكان الذي يوجد فيها وكلما وقعت عينيها عليه تتذكر ما فعله وما كان سيفعله فيها فتشعر بنيران تحرق روحها تريد الذهاب اليه وتضربه حتي تزهق روحه .
جاء في بالها وجه سيف فأبتسمت لا اراديا وكم تشعر بالاطمئنان والسعادة في وجوده لا تعرف سبب شعورها ذلك ولكنها تعشق وجوده بجانبهم تذكرت ما يرتديه فكان وسيم بحق مع خصلات شعره الناعمه التي تريد وبشده تمرير يديها فيهم لتنعم بملمسهم الناعم فاقت من افكارها به وتذكرت مهمتها مع شاكر وقالت في نفسها : لازم اركز علي المهمه عشان شاكر ميشكش في حاجه والخطه تفشل .

انتهي البارت .
عارفه أنه مش طويل بس اعذروني اليومين اللي فاتوا كانوا مزدحمين خالص وكان عندي دروس كتيرة ومذاكرة .
اسفه علي تأخيري المفروض كنت انزل البارت امبارح بس والله النتيجه بانت والواحد كان دماغه مشغوله وغير كدا كان عندي دروس ومذاكرة ومعرفتش أنزله .
نزلته اهه وهحاول بإذن الله البارت الجاي اطوله شويه .
فوت + كومنت حلو ودعوة حلوة ليا الامتحانات داخله تاني .
رأيكم في البارت .
بقلم منه فرج .
بحبكم في الله 🖤🖤.
يتبع،،،،،،،،،،،،،، .