تزوجنى لينتقم ولكني أحببته

البارت الخمسين 2

نظر له قصي بعدم فهم قائلا : مش فاهم .
جاسر مصدوما : دا ابويا انا ..
اتسعت اعين قصي بصدمه حقيقه قائلا : انت بتقول اي دا ابويا .
جاسر : وانا بقولك ان دا ابويا بردوا .
قصي بزهول : يعني اي ازاي ابويا هو نفسه ابوك ..
جاسر : بس لحظه انت قولت ان بباك ميت ..
قصي بحزن : بس اكتشفت انه عايش ماما كانت مخبيه عني وكل شويه اسألها عن السبب وعن اللي حصل بس هي بتتهرب مني ..
نظر لجاسر وقال : مش فاهم حاجه طب انت متأكد ما يمكن شبه .
جاسر : بص تعالي انزل معايا هوريك نفس الصورة عندي بس كنت انا وماما الله يرحمها فيها ..
قصي : استني هدخل اريان جوه .
جاسر بتردد : متقولش حاجه لغايه ما نعرف الحقيقه.
اومأ قصي ودلف الي الداخل واعطي اريان لوالدته قائلا بغموض : انا رايح مشوار وجي .
سميه بقلق : رايح فين ومع مين .
قصي : مع جاسر نازلين عند البحر سلام .
خرج قصي بينما قالت سميه بتوتر : استرها يارب .
قصي : يلا ..
وقف جاسر واتجه له ثم نزلوا الي اسفل عند سيارة جاسر .
ركبوا فقال جاسر : فهمني كل حاجه .
قصي بشرود وتيه : انا مش فاهم حاجه والله وماما مش راضيه تعرفني حاجه انا لغايه سنتين لورا مكنتش عارف اني ابويا عايش لولا بالصدفه كانت ماما بتتكلم عنه ف عرفت انه عايش بس كل ما بسألها عليه بتتوتر وتتهرب .
جاسر بغموض : واضح ان خالتي مش هترضي تقول بس حد تاني هيقول .
قصي بحيرة : مين هو تقصد....
قاطعه رنين هاتف جاسر ليلتقطه بخفه فوجد والده احمد يتصل به .
قال : ثواني هرد علي الفون .
اومأ قصي ليجيب جاسر علي هاتفه : السلام عليكم.
احمد سريعا : وعليكم السلام جاسر دعاء مرات سيف بتولد في مستشفي **** انا رايح وانت حصلني .
جاسر : حاضر ي بابا .
اغلق هاتفه ونظر لقصي قائلا : مرات سيف بتولد ..
قصي : ربنا معاها المهم قولي مين الشخص اللي هيقولنا .
جاسر بغموض : بص انا عندي خطه نعرف بيها الحقيقه ............................................
لمعت عيني قصي بعبث وقال : تسلم دماغك علي الخطه دي .
نظر امامه بشرود وقال : ياتري اي الحقيقه .
جاسر : مش هينفع نستعجل بالخطه انهاردة اصبر لبكرا عشان تكون ممهد نفسك ونا كمان وزي ما قولتك تعمل بالضبط .
قصي : ماشي اطلع بينا علي المستشفي عشان نكون جنب سيف ..
اومأ جاسر وانطلق ..
وفي وسط الطريق قال قصي بتفكير : يعني لو طلع والدك هو نفسه والدي معني كده اننا اخوات .
نظر له جاسر نظره جانبيه وقال : مفيش تفسير غير كده وخصوصا الشبه اللي ما بينا دا ..
قصي بشرود : معاك حق بس نفسي اعرف ماما خبت عليا كل السنين دي ليه ..
جاسر : بكرا هنعرف كل حاجه اصبر انت بس .
اومأ قصي بشرود ..
____________________
بالمشفي كانت دعاء بغرفه العمليات ويقف بالخارج سيف وبجانبه مها ومنه واحمد ..
وصل جاسر وقصي واستعلموا عن غرفه العمليات وصعدوا ..
نظرت منه لجاسر الذي يأتي ومعه قصي فأشاحت وجهها للناحيه الاخري وهي قلقه علي أختها دعاء ..
تقدم كلا من جاسر وقصي من سيف فقال جاسر : ان شاء الله هتبقي بخير ..
قصي بمرح : بقولك اي متقلقش كده هي اول مرة بس وبعد كده هتتعود ..
ابتسم سيف ممتنا لوجودهم معه في هذا الوقت .
نظر قصي لوالده احمد ودمعت عيناه اشتياقا له ..
تفهم جاسر حالته فمال علي اذن قصي : نفسك تروح تحضنه صح .
قصي : اووي .
جاسر : روح سلم عليه واحضنه كأنك مشتاق ليه لما مشوفتهوش بقالك فترة .
قصي : طب مش كده هيشك .
جاسر بنفي : لا عشان عارفك انك صحبي وانت قولتلي انكوا اتقابلتوا كذا مره وقعدتوا مع بعض فمش هيشك ..
اومأ قصي وذهب لاحمد وسلم عليه ..
تفاجأ احمد بقصي الذي يحتضنه فأبتسم وبادله العناق .
ابتسم جاسر بتأثر وعينيه تلمعان بوميض الدموع .
تعجبت منه من نظرات قصي لاحمد واحتضانه هكذا ونظرت لجاسر وجدته متأثرا بهم .
منه بداخلها : اي الحكايه ..
ابتعد قصي عنه بمضض وذهب ليقف بجانب جاسر ..
نظر لمنه والقي تحيه قائلا : ازيك ي بشمهندسه ..
منه : بخير شهد عامله اي واريان مجوش ليه ..
قصي : كويسين والله بس هما لسه ميعرفوش وكده .
اومأت منه بتفهم وصمتت.
انتبهوا جميعهم علي قدوم عائله حازم جميعهم ..
جاءت ليلي بلهفه وقالت : فين دعاء هي خرجت ي منه .
منه بنفي : لسه ي ماما .
ليلي بقلق : طب هي كويسه ..
سيف : ان شاء الله هتبقي بخير ..
انتبهوا جميعا علي صوت نحنحه جاسر قائلا بإحراج : السلام عليكم .
جميع عائله حازم بصدمه : وعليكم السلام .
مريم وهي تلقي بنفسها في احضان شقيقها بإشتياق : جاسر حبيبي وحشتني اووووووي جيت امتي .
احتضنها جاسر بحب وقال : انتي اللي وحشتيني اكتر عامله اي ي حبيبتي .
مريم وهي تبتعد عنه : الحمدلله كويسه جيت امتي .
جاسر : انهاردة ..
مريم بعتاب : بقالك كتير مسألتش عليا ولا حتي بتتصل ولا بتنزل ..
جاسر : سامحيني محبتش اعمل مشاكل وبعدين انا جيت اهه ..
مريم : عامل اي ومالك خاسس كده ليه .
جاسر بضحكه : من اولها ..
مريم بحنق مصتنع : اسكت ومتتكلمش .
جاسر بحنو : حبايب خالو عاملين اي .
قالها وهو يضع يده علي معدتها قالت مريم بتعجب : حبايب خالوا دا هو طفل واحد ي حبيبي .
جاسر : لا هما توأم .
مريم بحيرة : توأم وانت عرفت منين منا لسه كاشفه من فترة .
جاسر : مش عارف بس حلمت بيكي حامل بتوأم ..
مريم بضحكه : يبقي توأم ي جاسر .
ضحك بخفه فقال حازم بغيرة وضيق : خلصتوا ضحك وهزار .
صمتوا الاثنين ونظرت مريم لحازم بإستعطاف كي يسامح شقيقها ..
ذهب جاسر اولا لمحمود وقال وهو ينظر ارضا واذنيه تحتقن خجلا : ازيك ي عمي ..
محمود : كويس ي بني انت اخبارك ..
جاسر : الحمدلله ..
ذهب لليلي وقال : ازيك ي .. صمت بتردد وقال : ماما ..
ابتسمت بحنو وقالت : الحمدلله ي حبيبي انت عامل اي .
تعجب جاسر من تعاملهم معه بلطف ولكنه قال : الحمدلله بخير ..
سلم علي محمد ايضا والقي تحيه لمروة وبقي حازم ..
ذهب له وقال بخفوت : اخبارك ي حازم ..
حازم بجمود : تعالي معايا دقيقتين .
ذهب خلفه جاسر بينما توجست منه قلقا من ردة فعل حازم وايضا الجميع ولكن كانت متعجبه بشده من ردة فعل والدها ووالدتها بل الجميع ايضا ..
بينما تذكر محمود ...
Flash back .
كانوا متجمعين ليله امس جميعهم عدا منه .
وكان كريم معهم .
قال كريم متحدثا بهدوء : عايز الكل يسمعني بدون مقاطعه ..
صمت واكمل : احنا عارفين ان كل واخد بيغلط وكل واحد لازم نديله فرصه تانيه يعني مثلا ..
نظر لحازم وقال : انت ي حازم سامحت مراتك ليه مع انها خبت عليك حاجه مهمه ..
كاد يقاطعه ولكن قال كريم : متقاطعنيش نا مش جاي عشان اخرب ما بينكم لا ابدا انا بسألك سؤال وانت رد .
صمت حازم وقال : عشان مراتي وبحبها وهي وعدتني انها مش هتخبي عني حاجه تانيه ..
كريم بعقلانيه : طيب معني كده انك عطيتها فرصه تانيه .
هز حازم رأسه بالايجاب فقال كريم : ليه بقي متديش فرصه تانيه لجاسر صحبك واخو مراتك اللي سامحتها وعطيتها فرصه تانيه ..
تهجم وجه حازم بشده فقال كريم : جاسر بيحب منه ومنه بتحبه لغايه الان ..
قاطعه حازم بتهجم : منه مش بتحبه ..
كريم : لا بتحبه ي حازم ومتحاولش تنكر الحقيقه وانت بتشوف منه كل يوم بتمسك صورة جاسر وتقعد تتكلم معاه وكأنه موجود .. كل يوم بتقرأ رسالته اللي بعتهالها ومبتنامش الا وصورته في حضنها صح ولا لا .
لم يستطع حازم الرد فقال كريم بتنهيدة : انا كل اللي عايز اقولهولكم ان منه مازالت بتحب جاسر وجاسر بيحبها ونفسه في فرصه تانيه يعوضها بيها عن كل اللي شافته منه وانا جاي عشان اقولكوا اني عني نفسي سامحته وهو نازل بكرا بس مخصوص عشان منه عشان يرجعها ليه ويخليها تسامحه ..
حازم : وبالنسبه للي عمله ..
كريم : مش هرد عليك بس هسيك لوحدك تفكر في اللي عمله جاسر ولو انت كنت مكانه كنت هتعمل ... كان هيبقي نفسك بس في فرصه تانيه تعوض بيها مراتك عن اللي شافته وتعيشها ملكه صح .. حط نفسك مكان جاسر ي حازم ومتظلمهوش وفكر كويس في كلامي عشان بجد جاسر ومنه يستحقوا فرصه تانيه مع بعض يعيشوا سوا ..
اكمل : انا مسامح جاسر ومش بس كده نا هساعده يرجع منه ليه .
محمود : منكرش ان جاسر غلط بس انا شايف انه يستحق فرصه تانيه وخصوصا لما شوفته ندمان بجد وغير كده منه بنتي لسه بتحبه وكلنا عارفين دا كويس وانا هسامحه عشان خاطر منه عشان يرجعوا لبعض من تاني ..
وافقه الجميع في كلامه عدا حازم الذي لم يقل شىء وصعد لغرفته يفكر مع نفسه في كلام كريم  ..