နံနက်စောစောစီးစီးဖုန်းသံကြား၍ လန့်နိုးလာသည်။ အလွန်အိပ်ချင်နေသေး၍ မျက်လုံးများကိုပွတ်သပ်ပြီး ကြိုးစားဖွင့်ရသည်။ ဖုန်းကိုကြည့်လိုက်ရာ ပိုင့်ဆီကဖုန်းဖြစ်နေသည်။ နာရီကိုကြည့်လိုက်ရာ နံနက် ၅နာရီခွဲသာရှိသေးသည်။
"ဟဲ့...ငါပင်ပန်းရတဲ့ကြားထဲ နင်က ဒီအချိန်ကြီးဘာအရူးထပြီးဖုန်းဆက်တာလဲ''
"အရေးကြီးနေလို့''
"ဘာအရေးကြီးတာလဲ''
"ငါ့ကို ငါ့ အဖေက ဘုရားသွားမယ်ဆိုပြီး အစောကြီး လာနှိုးတယ်''
"အေးသွားပေါ့ အဲ့တာဘာဖြစ်လဲ''
"ဘာဖြစ်လဲဆိုတော့ သူ့သူငယ်ချင်းရဲ့သမီးနဲ့ မိတ်ဆက်ပေးမယ်ဆိုတာလေ နင့်ကိုငါပြောပြထားသေးတယ်လေ''
"အေး အဲ့တော့''
"အခု ဘုရားကို အဲ့မိသားစုကိုပါချိန်းထားတာ အခုတွေ့နေရပြီ''
"အမလေးဟယ် ဒီအချိန်ကြီး အန်ကယ်ကလည်း လုပ်လိုက်ရင် ပေါက်ပေါက်ရှာရှာနော်''
"အေး အဲ့မိသားစုက အရင် ချိန်းထားတာတဲ့ ငါ့ကိုအခုမှပြောပြတယ် ကြိုပြောရင်မလိုက်မှာစိုးလို့တဲ့''
"အိုး ခိုင် မော့...''
"အိုး မိုင် ဂေါ့ ပါကွာ''
" ငါထိုင်းကားကြည့်ထားတာမကြာသေးဘူး ယောင်သွားလို့ပါဟယ်''
"ငါမယူချင်ဘူး အဲ့ကောင်မလေးပုံစံကလေ အေးအေးချမ်းချမ်းနဲ့ တောထွက်တော့မယ့်အတိုင်းပဲ''
"နင်က ဘယ်လိုပုံဖြစ်ဖြစ် မိန်းမဆို မယူဘူးမလား''
"အေးဟုတ်တယ် နင်ပြောတဲ့အတိုင်းပဲ''
"ဘာပဲဖြစ်ဖြစ် အလိုက်အထိုက်တော့ ခဏနေလိုက်ပေါ့...တွေ့နေရပြီပဲလေ''
"ပြီးရင် မနက်စာသွားစားကြမှာ''
"အေး စားကြ...ငါပြန်အိပ်တော့မယ်''
"နင်ကလည်း အားကိုမကိုးရဘူး''
"ဟဲ့ အဲ့တော့ ငါက ဘာလုပ်ပေးရမှာလဲ''
"မသိဘူး နင်နေမကောင်းဘူးဆိုပြီး ထွက်လာရင်ကောင်းမလားလို့''
YOU ARE READING
ဆိုး (GL 🌈)
RomanceUnicode cafeတစ်ခုမှာ မထင်မှတ်ပဲ တွေ့ခဲ့ရတဲ့ အမည်မသိ ခပ်ဆိုးဆိုးချာတိတ်မလေးကို စိတ်ဝင်စားမိတဲ့ တည်ငြိမ်ရင့်ကျက်တဲ့ business womanမမ Grace တစ်ယောက် အဲဒီ့ ချာတိတ်မလေးနဲ့ ဘယ်လို အကြောင်းပါလာမယ်ထင်လဲ 🙄🌈♥ ''အမည်လေးမသိတာမို့ ဒီခပ်ဆိုးဆိုးကောင်မလေးကို ''...
