ذهبوا إلى المنزل وهو ممسك بيديها لكي لا تخاف بينما هى قلبها ينتفض بشدة وممسكة بيده أيضا
رجاء: اهلا وسهلا يا حبيبي نورت بيتك..اهلا وسهلا؟
فرح: اهلا يا طنط
زياد: دي ماما يا فرح..ماما دي فرح الي قولتلك عليها الصبح
رجاء بداخلها: هى دي بقى الي بتحبها..لا يا واد طلعت قمر..بس لا مش موافقة بنت خالتك احلى بردو
رجاء: اهلا يا حبيبتي زياد مبيبطلش كلام عليكي اتفضلوا
ابتسمت فرح وذهبت إلى الداخل ولازالت ممسكة بيده بشدة
زياد: لسة مكسوفة
فرح ضاحكة: شوية..الي في الصورة ده بباك؟
زياد: اه بس هو بيشتغل مدير فندق في مرسى علم مش هنا هو وجوز خالتو بيشتغلوا مع بعض
فرح: اه فهمت نفسي اشوفه اكيد عسول زي طنط
زياد: هتشوفيه قريب
وابتسم لها بحب
"خالته إيمان"
إيمان: حبيبي رجعت اخيرا واحشني اوي
واحتضنته
زياد: وانت كمان يا خالتو
إيمان بضيق: مين دي
زياد: فرح..فرح دي ايمان خالتو
فرح بابتسامة: اهلا يا طنط
إيمان: اهلا
وهى تحدق بها اما سما فكانت تراقب الوضع من فوق ثم ذهبت إليهم
سما بدلع: زياد وحشتني اوي كل ده تأخير
وابعدت ايدي فرح عنه ونظرت لها بغرور
زياد: ازيك يا سما..دي بنت خالتو سما..سما دي فرح
وأمسك بيدها مجددا
سما: هاي
فرح بابتسامة: هاي
سما: ايه هتفضلي ماسكة في أيده كدة كتير!؟
زياد: انا الي ماسكها سما ما تجيبي عصير لو سمحتي لفرح
سما: انا اجيب لحد حاجة ليه خدامة عند الهانم؟
فرح بحرج: لا طبعا..متجيبيش حاجة مش لازم تتعبي نفسك..
واحمرت وجنتاها بشدة وأصبحت تريد الذهاب فهى تشعر منذ الوهلة الأولى انها غير مرحب بها هنا
زياد: سما اتكلمي عدل!!..انا اسف يا فرح اعدي
جلست بهدوء وعيناها امتلأت بالدموع
زياد: انا اسف..ايه انت هتعيطي..والله اسف اوي
رجاء: اتفضلي يا حبيبتي عملتلكوا هوت شوكليت يجنن
فرح: ميرسي يا طنط
زياد: يلا دوقي ماما عليها هوت شوكليت تحفة
ابتسمت فرح بحزن وأخذت رشفة منه ثم نظرت إلى والدته
فرح: جميل اوي تسلم ايد حضرتك
رجاء: تسلمي يا حبيبتي
رجاء بوشوشة: هو مين ضايقها؟
سما: انا
رجاء: ياريت تكملي عايزاها تطفش..بس عامليها حلو قدام زياد..لكن من وراه اقرفيها
سما: تمام يا خالتو
فرح: مامتك عسولة
زياد: والله وخالتو وسما بس هم لسة مش عارفينك
ابتسمت فرح وحركت رأسها بالايجاب
زياد: تحبي اروحك؟
إيمان: تروحها ايه لسة هتتعشى معانا الاول
سما: كمان هتتعشى
فرح: بقولك ايه انا مش جعانة اصلا زياد مخرجني ومأكلني برا
والدموع تنهمر على خديها
سما بغيرة: خرجك!!
زياد بغضب شديد: ما تحترمي نفسك بقى انت مش لاقية حد يلمك ولا ايه!!!
أمسكت سما بكوب القهوة خاصتها وسكبته على فستان فرح وذهبت إلى غرفتها بدون ولا كلمة
فرح: اااه رجلي..انت متخلفة!!!
وبكت بشدة
رجاء: يلهوي استني هنضفلك الفستان واعملك رجلك انا اسفة يا بنتي والله دي اتجننت
زياد بحرج: فرح انا محروج منك اوي انا اسف سامحيني
أما فرح فتبكي بصمت
داوت رجاء الحروق على أرجلها وحاولت تنضيف الفستان
زياد: يلا عشان اروحك
وأمسك بيدها وهى ذهبت إلى السيارة في صمت
زياد: فرح انا اسف اوي سامحيني
فرح: مش زعلانة منك يا زياد
زياد: بجد
فرح: ايوا انت ذنبك ايه
زياد: استني
وأخرج من السيارة باقة زهور جميلة
زياد: اتفضلي كنت عايز اديهالك في اخر اليوم بس اليوم باظ
فرح بابتسامة: ميرسي اوي جميل ذوقك يجنن بجد
زياد: يارب تقبلي اعتذاري
فرح: مش زعلانة منك والله
زياد: تمام
ثم ذهبوا إلى منزلها
زياد: باي
فرح: باي
وذهبت للداخل
هنا: ايه ده الفستان ماله
قصت لها فرح كل ما حدث
هنا: ايه الكلبة دي..بس فكك الواد ده عسل..وبيحبك على فكرة
فرح: عسول اوي اوي اوي
هنا: يلا يا بختك يا قمر
اختتمت كلامها بغمزة فضحكت فرح
هنا: يلا هسيبك تنامي بقى
فرح: اوك باي
...
رجاء: انت هبلة يا سما قولتلك عامليها وحش وهو مش موجود ايه الهبل ده!!
إيمان: خالتك عندها حق وريني كدة هيبصلك ازاي
سما: الي حصل حصل بقى اووف
...
عاد زياد إلى المنزل وكلمة غضب لا تصف شعوره في تلك اللحظة
زياد بغضب شديد: سما!!!
سما: نعم
زياد: ايه التخلف الي عملتيه ده ما تحترمي نفسك انت بتعملي كل ده عشان غيرانة مش كدة؟..انا بقى بقولهالك في وشك مش هتجوزك ومش هتجوز غيرها استريحي بقى
صدمت سما من حديثه وظلت صامتة بينما هو ذهب إلي غرفته بعصبية وهاتف فرح
فرح: الو
زياد: كنت بطمن عليكي منمتيش ليه
فرح: كنت بتفرج على الصور جميلة اوي يا زياد
زياد: عشان انت فيها بس
فرح: ميرسي
وضحكت
زياد: ضحكتك قمر..انا هنام وهشوفك بكرة الساعة 7 عشان تقدمي في الشغل
فرح بحب: تمام تصبح على خير
زياد: وانت من أهله يا قمر
واغلقوا الهاتف وخلدوا إلى النوم
أنت تقرأ
The Other Face
Romanceارجوك يا حضرة الظابط ساعدني قالتها ببكاء شديد وهى تتوسل اليه قوليلي بالظبط ايه الي حصل عرفيني الحكاية من اولها عشان اقدر اساعدك هحكيلك حكايتي من الاول خالص
