The Other Face

خطة بديلة

إيمان: ناوية تعملي ايه
سما: لما تخلف هحرق قلبها على ابنها زي ما حرقت قلبي على حبيبي
إيمان: هى بت حرباية اصلا ومش لايقة عليه معرفش بصلها ازاي وانت موجودة
سما بسخرية: معندهوش ذوق
بعد قليل خرجت سما مسرعة إلى الدرج بينما كانت فرح تنزل بهدوء
سما: انا نازلة اهو سلام
وارتطمت في فرح بقوة
فرح بصراخ: اااه
وظلت تتدحرج بشدة حتى ارتطم ذراعها في الارض بشدة واغشي عليها
سما بذعر: يلهوي يلهوي مكانش قصدي وربنا اوعي تسقطي يخربيتك الخطة هتبوظ..يا زياااد يا زياااد
قالتها بصراخ شديد
زياد بذعر: فيه ايه يا سما..فرح!!! حبيبتي فرح!!!
ويحاول افاقتها ولكن لا جدوى
سما بخوف: انا طلبت الإسعاف
زياد: ايه الي حصل!!؟
سما: خبطتها غصب عني والله
زياد: أو حصلها حاجة يا سما مش هرحمك
سما ببكاء: والله غصب عني
في المشفى
الدكتور: البيبي كويس والمدام كويسة بس دراعها اتكسر وفيه كدمات بسيطة في جسمها
زياد: الحمدلله
سما: ينفع ادخلها؟
الدكتور: اتفضلي
سما: فرح والله انا اسفة اوي سامحيني مكنش قصدي
وبكت بشدة
سما لنفسها: لو البيبي كان حصله حاجة دلوقتي كنت هخسر زياد للأبد
نظرت لها فرح بألم ولم تعقب
سما: انا اسفة يا روحي والله
زياد: اخرجي وسيبيها دلوقتي
سما: حاضر
فرح بتعب: البيبي
زياد: كويس يا حبيبتي متخافيش
فرح: الحمدلله
....
عادت سما إلى المنزل بهدوء
رجاء بعصبية: تعالي هنا يا زبالة عملتي ايه في حفيدي ومرات ابني!!!
سما: والله يا خالتو مكانتش خطة انا والله خبطت فيها من غير قصد كنت مستعجلة ومشوفتهاش
رجاء: لو سمعت انك حاولتي تعملي فيها حاجة ولا في حفيدي هموتك
إيمان بغضب: من امتى ده يا رجاء!! مش انت بردو الي كنت بتحاولي تعملي مشاكل بينهم عشان يتطلقوا ويتجوز سما
رجاء: وربنا هداني ياختي!!
سما بعصبية: اهدوا بقى تعبت!!
وذهبت إلى غرفتها مباشرة
مرت الشهور وسما تنتظر موعد ولادة فرح يوما بعد يوم حتى جاء اليوم المنتظر
فرح بتعب: اااه بطني..زياد..الحقوني بولد
سما بقلق: استني محدش في البيت غيري هجيب الإسعاف واتصل بيهم
فرح بألم: بسرعة
وبالفعل جاء الإسعاف ونقلوا فرح إلى المشفى ثم هاتفت سما زياد ورجاء وإيمان
زياد: ايه انا جاي بسرعة..ماما فرح بتولد
رجاء: يا حبيبتي يا بنتي ومحدش معاها
فرح ببكاء شديد: انا عايزة جوزي
الدكتورة: آنسة سما قالت إنه جاي في الطريق يلا مش هينفع نستنى
فرح بخوف: ماشي
فرح بداخلها: انا مرعوبة حاسة اني هموت وانا بولد كان لازم تكون جمبي دلوقتي يا زياد
وتبكي بشدة
ذهبوا جميعا إلى المشفى بسرعة وزياد خارج الغرفة يتنقل بين طرقات المشفى بتوتر
رجاء: يا ابني استريح بقى خيلتني
زياد بقلق: مش قادر صوتها مقطع قلبي!!
بعد قليل هدأ المكان من صوت صرخات فرح وخرجت الطبيبة ونظرت إليهم
الدكتورة: مبروك الولد جه بالسلامة
زياد بقلق: فرح عاملة ايه؟؟
الدكتورة: المدام حالتها وحشة كانت ولادة صعبة اوي بس هى دلوقتي نايمة بترتاح
زياد: ينفع ادخلها؟
الدكتورة: لا مش دلوقتي
صمت زياد وحمل ابنه بسعادة وقبله من يده الصغيرة
زياد: ايه القمر ده يا ناس..هسميه زين زي ما كانت فرح عايزة
رجاء: انت هتفضل شايله كتير اديني اشوف حفيدي الله
زياد: ايه الغباء ده انا نسيت اتصل بطنط وهنا!!
وهاتفهم
زياد: فرح ولدت
هنا: ايه بتتكلم بجد!! انا جاية دلوقتي
زياد: تمام
واغلق الخط
هنا: ماما فرح ولدت يلا بسرعة
وذهبوا إلى المشفى
سميرة: يا روح قلبي
واحتضنت الطفل بسعادة
هنا: يا روحي قمر
سما بسعادة: الفرحة دي مش هتطول كتير
....
بعد قليل
فرح: زياد..زياد
الممرضة: يا مدام حضرتك عايزة حاجة؟..تعبانة؟
فرح: عايزة جوزي
الممرضة: حاضر
الممرضة: استاذ زياد مدام فرح عايزاك
زياد: حاضر
وذهب إليها وأمسك يدها وقبلها بحب
زياد: عاملة ايه دلوقتي
فرح: تعبانة اوي
زياد بحزن: معلش يا حبيبتي هتبقي كويسة
فرح: نفسي اشوفه
زياد: اجيبهولك؟
فرح: اه
وضعه زياد بين ذراعيها
فرح: تعبت مامي اوي يا قمر انت
زياد بابتسامة: نسميه زين زي ما كنتي عايزة؟
فرح بسعادة: ايوا
زياد: فرح
فرح: نعم
زياد: انا هسافر كمان يومين..حاولت اعتذر عن السفرية دي ومعرفتش
فرح والدموع تتجمع في أعينها: هتسيبني تاني؟ انا تعبانة اوي ومحتاجاك
زياد: عارف يا حبيبتي بس غصب عني والله
وهو يمسح على خصلات شعرها المتناثرة على وجهها
فرح بحزن:, ترجعلي بالسلامة
....
باليوم التالي عاد الزوجان الي منزلهما اخيرا وفرح تحمل طفلها
زياد: يلا نامي ارتاحي بقى
فرح: حاضر..خليك جنبي
زياد: مش هسيبك يا حبيبتي لغاية معاد السفر
وظل ممسكا بيدها ويمسح على شعرها لتنام