The Other Face

انتقام

باليوم التالي
سما: استني انت مودية الشاي ده لمين؟
الخادمة: لمدام فرح
سما: سيبيه هنا انا هوديه اعمليلي شاي
الخادمة: حاضر
رجاء: خدي حطيلها الخلطة دي في الشاي واديهولها متكتريش
سما: تمام
سما بداخلها: هكتر عشان تتعب شوية كدة
ووضعت من مركب الأدوية ذلك ثم أعطت الكوب للخادمة وقالت لها أن تعطيه لفرح
الخادمة: مدام فرح الشاي
فرح: ميرسي يا حبيبتي
وأخذت رشفة وسما تتابع ما يحدث بابتسامة خبيثة
انهت فرح الشاي وبعد نصف ساعة بدأ جسدها في الرعشة والبرودة قليلا
زياد: فرح مالك
فرح: مش عارفة تعبانة شوية
شعرت بالدوار وهمت لتقف فوقعت على الكرسي
زياد بقلق: فرح فيه ايه
فرح بتعب: مش عارفة
وجسدها بارد كالثلك ويرتجف بشدة
فرح بتعب: بطني بتوجعني اوي يا زياد
زياد بداخله: انت حامل ولا ايه
حملها وهم بالخروج
رجاء: زياد فيه ايه مالها
زياد بقلق: معرفش تعبانة اوي انا رايح المستشفى
وذهب
رجاء: سما البنت شكلها مفيصة انت حطيتي كتير ولا ايه!؟؟
سما: اه عادي عشان تتعب شوية بس
رجاء: انت مجنونة دي ممكن تروح فيها يخربيتك..طب لو ماتت والطب الشرعي عرف سبب الوفاة..ينهار اسود هتروحي في ستين داهية
إيمان: اصلا مكانش ينفع تتعب لدرجة أنها تروح المستشفى ده زياد لو عرف هيبهدل الدنيا
سما بخوف ويداها ترتجفان: طب..خلينا نروح نشوفها
رجاء وإيمان: يلا
...
في المشفى
الطبيب: عندها تسمم بسبب خلطة أدوية بتاخدها اخدت منها جرعة زيادة والخلطة مضرة اصلا!..عملنالها غسيل معدة وهى دلوقتي احسن بس هتفضل في العناية المركزة يوم قبل ما تقدر تروح عشان لو ظهر عليها أي تعب..واهم حاجة تاكل اكل صحي عشان تسترد عافيتها
زياد: أدوية..طيب يا دكتور متشكر اوي
جاءت سما ونظرت له بقلق
سما ويداها ترتجفان بشدة: هى عاملة ايه؟
زياد: اتعملها غسيل معدة جالها تسمم بسبب خلطة أدوية مش فاهم ايه ده..انت وشك اصفر كدة ليه وبتترعشي؟
سما بتوتر: مفيش كنت قلقانة بس
زياد بسخرية وشك: سبحان الله الي يشوفك وانت قلقانة ميقولش أنك بتكرهيها
إيمان: فيه ايه يا ابني هو ده وقته؟
زياد: عندك حق مش وقته
بالمساء
الطبيب: شخص واحد بس يقدر يدخلها ويبات معاها
زياد: تمام انا هفضل معاها روحوا انتوا
رجاء: ماشي
هاتفت سميرة فرح فلم تجاوبها فهاتفت زياد بقلق
زياد: الو يا طنط
سميرة: ايه يا حبيبي فرح فين؟ مش بترد عليا خالص
زياد: متقلقيش هى بس تعبانة شوية واحنا عند الدكتور
سميرة بخوف: تعبانة ازاي؟..عايزة اكلمها اطمن عليها
زياد: مش هينفع..اهدي بس يا طنط
سميرة: مش هينفع ليه فهمني يا ابني
زياد: هى في العناية المركزة بس هى كويسة والله متقلقيش
سميرة بهلع: العناية المركزة!! اديني اسم المستشفى بسرعة
هنا: ماما فيه ايه؟
زياد: حاضر حاضر اهدي بس ونبي هى مش هتحب تشوفك كدة
سميرة: حاضر
ثم أعطاها عنوان المشفى وذهبت هى وهنا بقلق
هنا: خير يا زياد
قص لهم زياد ما حدث
سميرة: حبيبتي يا بنتي
هنا: بس يا زياد هى مكانتش بتاخد أدوية اصلا عشان يحصل فيها كدة
زياد: ما أنا عارف ده الي مستغربله
هنا بداخلها: بصراحة بقى انا حاسة أن الحرباية سما دي عملتلها كدة
باليوم التالي أفاقت فرح ونظرت بجانبها وجدت زياد ممسك بيدها ونائم
فرح: زياد
زياد: فرح انت كويسة؟
فرح: احسن شوية
زياد: شوفتي مين برا ونفسهم يشوفوكي؟
فرح: ماما سميرة وهنا؟
زياد: ايوا
زياد: اتفضلوا يا جماعة صحيت
سميرة: كدة يا حبيبتي توقعي قلبي عليكي
هنا: فرح ايه الي حصل
فرح: والله مش عارفة انا شربت شاي الصبح وبعديها تعبت اوي وبس
زياد: مين جابلك الشاي؟
فرح: دينا البنت الي بتشتغل هنا
زياد: تمام..تعرفي أن الدكتور قال الي حصلك ده بسبب خلطة أدوية
فرح: انا مش باخد حاجة
زياد: عارف
هنا: زياد بقى بصراحة متزعلش مني بس اكيد فيه حد عندك في البيت عملها كدة
نظر لها زياد بحرج وعم الصمت
سميرة: ايه الي بتقوليه ده عيب كدة
زياد: لا يا طنط هى احتمال كبير يكون عندها حق
باليوم التالي عادوا إلى المنزل وزياد على وجهه علامات الغضب الشديد
زياد: قوليلي مين الي ادتك الشاي؟
فرح: دي..بس براحة ونبي براحة ها
زياد: انت يا دينا الي حطيتي الدوا في الشاي؟؟
دينا: والله لا آنسة سما هى الي قالتلي أديه لمدام فرح
سما: انا اه بكره فرح بس مش هروح احطلها سم في الشاي يعني بلاش غباء هى تلاقيها بس اتلغبطت وهى بتدي الشاي عشان زي ما انت عارف انا باخد أدوية عشان مناعتي وكدة فا بحطهم في الشاي الاخضر
دينا: ايوا صح
سما: حتى انا قولت لنور تعملي شاي مش كدة يا نور
نور: حصل يا آنسة
زياد: ماشي يا سما هعمل نفسي مصدقك المرادي
ونظر لها بكره وصعدوا إلى غرفتهم
إيمان: يلهوي الحمدلله عدت على خير
سما: كنت مرعوبة معرفش عرفت احور الكلام كدة ازاي
إيمان: الحمدلله
رجاء: حوار الادوية ده طلع فاشل
سما: انا مش هعمل حاجة تاني وفي الاخر ألبسها!!
رجاء: يا هبلة زياد مسافر ايطاليا بعد بكرة وهى هتبقى لوحدها معانا
سما: لا يا خالتو هياخدها معاه هو قالها كدة سمعتهم
رجاء: طيب مصيرها تبقى معانا في يوم لوحدها
سما: اها