حب الرماد

بارت 💞29💞

جازو يومين حالت مروة متحسنتش وراهي غير تزيد 💔 مفطنتش وأمين مسكين يقسم القلب مياكل مايشرب يروح لدار يبدل حوايجو ويرجع يجري مفارقهاش مسبيطار يطل عليها ومينداك يقعد يبكي اما البقية فالدار ومينداك يجو يطلو عليها ويروحو يعني السبيطار مخلاوهمش يقعدو معاها ....كان قاعد يطل عليه من تاقة تاع بيتها فيها زجاج ويهدر
امين : مروة عيييت هيا افطني وريحي قلبي والله راني نتحرق مروة... يبكي ،،،، قعد يهدر هكاك حتى حس يد تحطت على كتافو مسح دموعو و دار
مهدي : متخافش مروة راح تولي لاباس لازمك نتا تكون قوي
ريم : عندو الحق مهدي امين لازمك نتا تكون قوي باش عي تولي لاباس هيا منحبوش نشوفوك هكا... ومروة نعرفها قوية وراح ترجعلنا بخير نشالله
امين : نشالله نشالله ، ريم تعيشي نطلب منك حاجة
ريم : اطلب واش تحب
امين : نتي تعرفي الأطباء هنا تعيش اهدريلي معاهم بلاك يخلوني ندخل نشوفها
ريم تنهدت : بصح علبالك بلي راهي فاالكومة يا امين مستحيل يخلوك تدخل ليها
امين : علبالي وراني دايمن نضارب مع طبيب ومخلاونيش ، تعيشي تعيشي ريم شوفي كيفاش والله مانطول 10 دقايق برك
ريم خزرت في مهدي
مهدي : روحي شوفي كيفاش ويدا مخلاوكش عاودي ولي
ريم : صحا دوك شويةة ونولي
راحت ريم وهي كرشها كبرت باينة هههه تمشي بلعقل .....وهوما قعدو فالكرسي لي لتم
مهدي : مجاش سفيان اليوم
امين : متهدرليش عليهم يرحم باباك
مهدي : بصح جاوبني جاو ولا لالا
امين : جاو وهدرو مع طبيب شافوها وخرجو ميقدروش يريحو هنا
مهدي : معليش خو اصبر متضغطش عليهم بزاف حتى هوما يحبوها و راهم مجروحين عليها
امين : منيتك مهدي كون جاو يحبوها ميوقفوش فطريق فرحتها ميخلوهاش تبكي ميخلوهاش تبعد عليا وهوما علبالهم بلي تحبني ميفرقوهاش عليا بسبب تافه معندهاش دخل فيه لا هي لا انا وشوف وين وصلها كون مشي هوما مراهيش لداخل تعاني ....
مهدي ملقا مايهدر خوه عندو الحق فكامل واش قال صح كون مشي هوما مراهمش واصلين لهاذي الحالة
مهدي : صح خو عندك الحق بصح واش نديرو مكتبة معليش اصبر وربي مافيه غير الخير ،،،، دارلو إيه براصو ... شوية جات ريم ناضو ف2
امين : هاه ريم واش درتي فيها
ريم : خصارة عليك هيا روح مع هاديك الفرملية تمدلك واش تلبس وروح دخل شوفها بصح مطولش
امين عنقها : صحيتي صحيتي ريم والله ريحتيني
ريم مسحت على ضهرو : مدرت والو مهم هيا ادخل

راح يلبس ، مهدي عنق ريم بيد وحدة يعند دار يدو على كتفا
ريم : منيش قادرة نزيد نشوفها هكا والله قلبي راهو يتقطع واش تتحمل مسكينة ، وتبكي
مهدي : متخافيش نشالله تتحسن حالتها وتولي بخير متبكيش حبيبي متنسايش لي في كرشك
ريم : مشي بيدي
مهدي : ارواحي نخرجو نشمو شوية هواء نقي برا حتى امين يخرج
ريم : هيا
_____
لميس : الووو
.......: اخرجي راني برا
لميس : ناس تقول سلام
......: ههههه حبيت نخلعك قلت متعرفيش نيميرو تاعي
لميس : هه حسبتلك جاهلة ياك عيطتلي مقبل بيه وتم كتبت اسمك
نسيم : هاااه راكي شاطرة منخافش عليك ، صحا هيا اخرجي
لميس : وين نخرج يا بنادم
نسيم : راني قدام داركم اخرجي نروحو نفطرو كيف كيف وتقوليلي واش قررتي
لميس خممت مبعد حبت تخرج تبدل شوية هواء راهي وحدها وحابة تحكي خاصة هي معندهاش صحابات غير ريم مروة وايمان بصح هاد ليامات راهم كامل مشي ملاح
لميس : اعطيني 10 دقايق نوجد روحي دوك نجي
نسيم : راني نستنا
........لبست وخرجت مشات شوية وشافت طونوبيل شابة خرج منها هو فتحلها لباب وطلعو راهو مطعم دخلو قعدو وطلبو واش ياكلو
نسيم : إيهيه صفا شوية
لميس : نقولو حمدلله
نسيم : اواااه منيش حاسك مليحة احكيلي واش بيك ، متخافيش هدرتنا تبقى هنا والله لميس ديريني amisتاعك واحكي
لميس : مروة مرت خويا راهي فالسبيطار
نسيم : علاش غير الخير
لميس : ( حكاتلو واش صرا )
نسيم : 💔💔💔 مسكينة والاه كي هيا كي خوك بصح هادو جدها ولا باباها عقلهم صغير على مشكل عندو سنين داؤو كامل هكا
لميس : ايه راك تشوف
نسيم : معليش لي فات مات نشالله ترجعلكم بخير وتولي كيكا قبل ولا خير ياك
لميس : نشالله
نسيم : هيا متقلقيش روحك نتي ادعيلها زعافك مراحش يبدل من حالتها
لميس : اممم
قعدو يحكو وفطرو كيف كيف ومرات يضحكو ولميس تضحك بسيف ومداخل ربي يعلم ، بصح حست روحها ولات خير كي حكات مع نسيم صح طفل هايل بزاف وحلو مشي كيما ضناتو مع اللول
_____
نولو لأمين دخل عندها وهو يترعد مشي قادر يوقف وهو يشوف فيها هكا ضعيقة وراسها ملوين عليه الشاش الأبيض وفي يديها سيروم وهداك تلفيزيون قدامها يدي طيط طيط ( 😂 اكدولي على تلفزيون والله معلبالي واش اسمو 🙂srx ياجماعة )
قعد قدامها حكم يدها باسها لقاها باااااردة كي الثلج
مسح بيدو على خدها باسها من راسها عينيها فمها خدودها يديها كلش مخلا حتى بلاصة
امين : مروة توحشتك توحشت ضحكتك مروة عينيا افطني والله منزيد نحلي واحد يزعفك ولا ينزل دمعة من خدك مروة عمري دنيا تاعي افطني
..... قعد قدامها يشبع منها يحكي معاها وكأنها تسمع فيه شوية وجات ليه فرملية قاتلو اخرج خلاص
امين باسلها راسها حط وجهك وعلى وجهها : نحبك
خرج بدل حوايجو وعاود ولا يقد لتم ،
_____
كانو مريحين يقصرو ويضحكو
لميس : بصح نتا مهبول تاع صح
نسيم : هيه الصغر لازم تتمرد شوية
لميس : انا مكنت...... وسكتت ، نسيم شافها سكتت وتخلعت
نسيم : وشبيك علاش سكتي
شافتو مقابلها ومزير على يدو من التقلاق وعينيه حمورا ، دار نسيم وشاف شكون ،
نسيم : ماخافيش انا وصلتلو الخبر باش يجي
لميس : علااااش هبلت
نسيم : مهبلتش لازم نسيتي خطتنا لازم يشوفنا كيف كيف
جا بيلال ليهم : اووووه قعدة شابة هنا واش لالاة لميس. عاجبك الحال
نسيم : بيلال احترك روحك
بيلال : مهدرتش مع قسامك نتا
لميس : بيلال اسنا
بيلال : لالا قوليلي واش هدرت معاك مشي قتلك متتلاقايش بيه
نسيم : وعلاش نشالله واش تكون نتا باش تسمعلك الهدرة اه
بيلال : دوك نقولك ، ومدلو بوكس على وجهو 👊طاح راحت ليه لميس
لميس : نسيم صفا نسيم
نسيم شد نيفو بالدم : صفا صفا
دارت ليه : وشبيك نتا هبلت
بيلال : نتي لي هبلتي مشي انا يا لالاة
لميس رفدت ساك ديالها وخرجت وبيلال خرج مورها اما نسيم خلص وخرج
يجري موراها حتى لحقو للكاج لي يقاريو فيها طونوبيلات ، شدها من يدها
بيلال : علاش راكي هاربة اسناي نهدر معاك
لميس : واش تهدر معايا بقات هدرة
بيلال : مشي قتلك متتلاقايش بيه اه انطقي
لميس : ونتا واش راحلك نتلاقا بيه ولا بغيرو ياربي شكونك نتا باش تتحكم فيا
بيلال : انا لي نكسرلك راسك كون تزيدي تتلاقاي بيه سمعتي
لميس : نتلاقا بيه ونشوفو هكا ومزيدلك رانا كيف كيف
بيلال : واش معنتها راكم كيف كيف اه اهدريييي
لميس : كيما سمعت رانا كيف كيف ،
راحت وخلاتو وهي ترجف من الخوف حكمت طاكسي ووراحت للسبيطار تشوف مروة عيطلها فالطريق نسيم وحكاتلو واش صرا
بيلال يغلي خبط البوطو لي قدامو قريب رجلو تكسرت وراح رجع لدار يستهل هو لي حب
______
جازت سمانت ، كانو كامل فالسبيطار كانت جوايه 11 تاع صباح
ريم : مهدي وينو امين وين خرج
مهدي : والله ماعلبالي قالي نروح لدار 2 دقايق ونولي يدا كشما صرا عيطلي مقاليش علاش راهو رايح
ريم : معليش
مهدي : ونتي كيفاش تحسي فروحك راحلك السطر
ريم : خير مالبارح حمدلله
مهدي : ياك قتلك متجيش كرشك قريب توصل لفمك وزيد لبارح مرقدتيش مالسطر بصخ نتي راسك خشين
ريم : والله غير راني مليحة ، وزيد معطانيش قلبي نخلي مروة والله راهي ختي وكثر راك تعرف يكفي راني نروح فالليل لدار
مهدي : معليش صحا ريحي هنا مدوريش بزاف
ريم : صحا 😊

____
لميس كانت واقفة مع يماها وبابها
......: لميس ، دارت عي تشوف شكون عيطلها
لميس : نسيم !!!! واش جابك
نسيم : مساء الخير
لميس : مساء النور
نذير + ليلى : 😕😕
نسيم : 😊😊
لميس : أااا ( تلفتلها واش تقوللهم ))
نسيم : انا زميل لميس يعني صديقها من يامات الليسي
نذير : اهلا وليدي محبا بيك ، وخمس معاه
ليلى : الله يبارك اهلا بيك
نسيم : لميس تقدري تجي دقيقة نحتاجك
لميس خزرت في باباها : روخي بنتي مطوليش باش نرجعو لدار
لميس : اوك دوك نولي
خرجو برا لجنينة كان الجو شوية بارد قعدو فكرسي
نسيم : واقيل خلعتك كي جيت
لميس : وي ههه متوقعتش تجي
نسيم : مفيها والو لازم نوقف معاك في وقت كيما هكا ، الصحاب وقت الضيق ولا مرناش صحاب ?
لميس : هههه تأمن جامي كان عندي amis طفل قصدي مكنتش نحب نختلط معاهم بزاف
نسيم : امممم وكنتيش تحبي واحد يعني بيلال هو الاول
لميس وجها ولا حمر دورت وجهها شافت امين : شوف امين مسكين والله راهو قاسملي قلبي 😢
نسيم : راهو يبان عيان وجهو صفر ربي يصبرو ويكون معاه مشي ساهلة ربي يشافيها ويرجعهالو سالمة ، هاه لميس كنا نهدرو عليه جا
لميس طلعت راسها شافت بيلال ، وهو تاني شافهم جا ليهم
بيلال : واش جماعة حلوة راهي هنا
نسيم : انضم الينا صديقي
بيلال : مننضمش لرخس انا
لميس وقفت : واش راك تقصد
بيلال : كيما فهمتي
نسيم شدها من يدها : بلعقل لميس مترديش عليه
بيلال نحالو يدو لي شدها بيها : اجبد يدك عليها
لميس : ونتا واش دخلك حنا رخس ياك الطريق قدامك روح
بيلال : لميس ارواخي نهدر معاك
نسيم : بصقتك واش تهدر معاها
بيلال قرب وجهو من وجه نسيم وهو مقلق : ونتا بصفتك واش تدخل بيني وبينها وتريح معاها
نسيم : بصفتي خطيبها
بيلال : 🙁😤😤😤😤 واش راك تهدر روح ولا نفسدلك وجهك روح ، وطبعو
لميس : صح واش راهو يهدر
بيلال مولاش يشوف قدامو شدها من يدها وبدا يجر فيها وعينيه حموراااااا
نسيم جا يسلكها دارتلو بيدها ✋ انا نتفاهم معاه
جبدها حتى لطونوبلتو فتح الباب وطلعها طلع وديمارا يجري حرقها الطريق ولميس يدها على قلبها خايفة جامي تحطت فموقف كيما هادا