مبعد شوية كانو كامل قاعدين مروة وريم وإيمان وبيلال ريم غير تبكي وتدعي حتى خرج الطبيب راحو يجرو ليه
ريم : كيفاش راهي ماما
الطبيب : لاباس متتقلقيش سيطرنا على الوضع تاعها بصح لازم نديرولها العملية في أقرب وقت وتاني تبقا عندنا هنا حتى دير عمليتها
ريم رتاحت شوية وزادت تقلقت على عملية يماها لي معندهاش دراهمها : ولازم تبقا هنا منقدروش نخرجوها !??
الطبيب : لالا لازم تبقا هنا
ريم : صحا دكتور نقدر نشوفها 😢😢
الطبيب : وي
ريم : تعيش صحا
ودخلت شافتها قعدت غير تبكي وتدعيلها ومبعد خرجت قعدت برا مع مروة وإيمان وريم غير تخمم كيفاش دير
نروحو عند مهدي وعايلتو كانو كامل مجمعين فالصالون يهدرو
لميس : ماما معلبالكش وعلاش مجاتش ريم ليوم
ليلى : عيطتلي وقاتلي يماها راهي فسبيطار راح دير عملية على قلبها
لميس : ربي معاها غدوة نروح ليها نشوفها
امين : واتا نجي معاك
مهدي : هادي كامل محبة للالة ريم 😕😒
لميس : علاش حرام ??
امين : ونتي علاش ستغربتي علاش خوك معلبالكش بلي ميعرفش لمحبة كيفاش جايا اصلا
لميس : اه صح نسيت
مهدي : معندكم مادخلكم ودوك اغلقو عليا السيرة تاع ريم
امين : خلاص انا سكتنا وديجا نقولك اني طالع نرقد لميس تجي معايا نسحقك
لميس : اوك * وطلعو لبيت امين
ليلى : وشبيك مهدي مع ريم كشما دارتلك حتا راك كارها هكا
مهدي : انا نكره واحد يتحداني ولا يقولي راك غالط وهي توقف في وجهي لا خوف لاوالو وحابتني نحبها خليني منها تصبحي بخير انا نروح نرقد *وراح *
ليلى تبسمة بحزن وتهدر مع روحها : علبالي ياوليدي تحبها بصح تقسي في قلبك بصح يجي نهار وين هي لي توقف معاك وغير هيا لي تخرجك من ضلام تاعك
نرجعو لريم قعدت مع يماها فسبيطار وغير تبكي ومبعد عطاولها دوا لازم تشريه ليماها تمتم وهي نسات ساكها في دار ليلى حكمت طاكسي وراحت خايفة باسك رايحا فالليل لحقت خافت دقدق تنوضهم عيطت للميس مرفدتش عاليها مبعد عيطت لأمين يفتحلها لباب هبط امين كان مزال مرقدش
أمين : يااه ريم واش جابك دوك واقيل توحشتيني اه قولي متحشميش 😏😂
ريم : ناقصني غير نتا 😒 نسيت ساك ديالي هنا ولازم نديه فيه دراهم باه نشري دوا لماما
أمين : اااا فهمت ووين حطيتيه ??
ريم : والله معلبالي نحوس
امين : هيا دخلي وانا نعاونك أجري بصح يفيقو بينا خلات هههه
ريم : علبالي والله امشي امشي
دخلو وحوسو فالصالون والكوزينة مبعد طلعو الفوق دخلو لبيت نذير وليلى بللعقل
ريم : يا االوخذة نتا والله عيب ندخلو ليهم هكا
امين : بلعي على جدي نغمصو عينينا وخلاص هكا منشوفوش 😌😏
ريم خبطت راسها : حمار وهكا كيفاش نحوسو وعينينا مغمضين 😒🙂🙂
أمين حك راسو وخزر فيها : هذي مخممتش فيها ههه خلاص امشي نحوسو
حوسو وملقاوهش مبعد دخلو لوحد البيت يديرو فيها الدوا ودوزان الطبية تاع سي نذير قعدو يحوسو ومبعد لقاوه عنقو بعضاهم في نفس الوقت مهدي كان خارج من بيتو سمع الحس فالبيت هديك راح دخل وشعل الضو شافهم هكاك
ريم تخلعت وخزرت فيه وامين كيف كيف
مهدي : واش راكم ديرو 😤😡
ريم : اااا...م..مهد...
مهدي : بلعي نتي منسحقش تهدر معايا وحدة خامجة كيما نتي ونتا واش هاذ الحالة تحب دير عفايس هكا مشي هنا فالدار سمعت وغدوة نتفاهم مع قسامك
امين جا يهدر سكتو
مهدي : بلع على جدي * وراح
ريم تعمرو عينيها بدموع حست روحها رخيسة وهي مكانت دير والو حكمت ساكها وخرجت تجري وتبكي
امين : ريم ريييم اسناي ريييم نعدين الزهر اااااف
أنت تقرأ
حب الرماد
Proză scurtăأنا حين ... اعتدت عليك💖 أحببت الحياة....💖 باتت الأيام جميلة....💖 وأبحث عن الغير بكل قلب شغوف....💖 وروح تهوى لقاءك ....💔😪 أنا منذ أن اعتدتك ..💛 صارت السعادة مستقرا لقلبي ...💙 والطمأنينة توأم روحي الصادقة..... 🎀🔮 أحببت الدنيا منك....�...
