حب الرماد

بارت 💞2💞

جازو يامات لحق لخميس نهار يبداو الخدمة العرس
كملو البنات الخدمة في السبيطار وخرجو برا يسناو في بيلال هو حب يوصلهم دايمن ياك حكيتلكم عليه خو إيمان جا بيلال طلعو وديمارا

*بيلال* زل وسمر وطويل بزاااف انتيك عقليتو فووور هو وإيمان تقول مشي خاوا صحاب يخدم عندو حانوت تاع تيليفونات يعني ريباراتور يحب ريم يموت عليها من لي كانو صغار مي هي لالا وإيمان باينا علبالها

نولو للأحداث *_*
وصلهم لصالة وراح وباينا طول الطريق وهو يخزر في ريم
وصلو دخلو لقاو ليلى لتم دخلو لبيرو وراتلهم وين يبدلو لبسو كامل كيف كيف جيب كحلا وشوميزي بيضا وطالون كحل ودارو كوتشفال كامل وراتلهم لاصال جزء النسا وكيفاش يسربو ....إلخ بداو الغاشي يجو وهوما بداو الخدمة جوايه 8:30 كملو بدلو وراحو للمرا قاتلهم بلي عجبتها خدمتهم بزاف وخلصتهم مبعد خرجو لبرا يسناو في بيلال
مروة : أاااه ظهري تقسم ياجدكم
إيمان : مام انا رجليا خلاص منيش نحس بيهم
ريم : هههه شفتو العريس خخخ كيش داير
مروة : 😂😂 خااااه كوستيم ديالو من عام جدودي ربي يرحمهم
إيمان : لالا اكدولي على العروسة وخذوها فالماكياج تقولشي كلون 😂😛
فعدو يضحكو حتا جا بيلال طلعو وراحو

🎻🎻🎻جازو يامات ناضت ريم صباح روطار لبست تم تم وخرجت تجري باسك كون طول تسمع ما لا يرضيها كانت تجري وتشوف في الوقت
في نفس الوقت ناص مهدي لابس كوستيم زرق غامق مع شوميزي كحلا مي هو نيديرش كرفاطا 😅 خرج من الدار ركب طونوبيلتو وديمارا لشركة
حتا صونا تيليفون ديالو رفد
مهدي : وي بابا
سي نذير : ان...انعم و...وليدي أ..ارواح .....
مهدي : الووو الووو بابا وشبيك الووو وين راك الووو بابا ونقطع الإتصال وخبط تيليفون وزاد لافيتاس عيط ليماه باش يسقسي على باباه قاتلو خرج يتمشا ومزال مارجعش مهدي قالها علاش تخلوه يخرج وحدو ياك علبالكم بلي مريض علااااش ويعيط

نولو عند ريم كانت تمشي وخطرة تجري حتا شافت فالجنينة وحد السيد كبير طاح راحت تجري ليه تفطن فيه
ريم : عمووو عمووو نوض عموو وشبيك (( وتخبط في وجهو مبعد قاستلو نبض تاعو لقاتو ضعيف عاوناتو حتا ناض حبست تاكسي وداتو لسبيطار لي تخدم فيه دخلوه لغرفة الإنعاش وهي راحت تلبس ومبعد جات لقاتهم سيطرو على الحالة تاعو
في نفس الوقت سمع مهدي جا يجري مع يماه وختو وخوه دخلو سقساو وراحو لبيت تاعو لقاوه مع ريم
مهدي : بابا لاباس كيفاش راك
سي نذير : لاباس لاباس متتقلقوش عليا
ليلى : حمدلله على سلامتك هاه شفت وين وصلت روحك قتلك متخرجش وحدك
نذير : خلاص منزيدش نعاود الفضل كامل يعود لهاد الطفلة كون مشي هي كون معلباليش واش يصرالي
(( وخزر في ريم وهي تبسمتلو ☺))
ليلى : اه هذي نتي ريم ربي يطيك ما تتمناي صحيتي كون مشي نتي معلباليش واش راهو صرا
ريم : مدرت والو طاطا هاذا واجب 😇
لميس : مرسي ريم سلكتيلنا بابا
ريم : بلا مزية حببتي انا نخليكم نروح حمدلله على سلامتك عمو
نذير : الله يسلمك بنتي
وخرجت مهدي خرج موراها وغلق لباب وعيطلها دارت ليه
ريم : انعم
مهدي : حبيت نقولك مرسي على بابا
ريم : بلامزية هادا واجب
مهدي جبدلها دراهم ومد يدو
ريم : وشنو هاذا !!!!!!!
مهدي : حق تاعك وصحيتي
ريم غاضتها مي مبينتش
ريم : شد دراهم عندك درت هذا واجب عليا كإنسانة مشي علجال دراهمك وشنفت وراحت وخلاتو
هو رجع دراهم ومهتمش بزاف دار ودخل لبيت باباه
ريم تمشي وتسب فيه : جايح حاسب كلش يتشرا بدراهمو خي ماديين زبل هبطلي المورال افففف هبطت للمطعم لقات مروة وإيمان لتم حكاتلهم كلش