حب الرماد

بارت 💞5💞

مروة : مشي وقتها دوك كشما نهار نحكيلكم
إيمان : مروة خوفتيني والله واش كاين أحكيلنا ياك حنا نعرفو كلش عليك وجامي خبيتي علينا
ريم : إيه صح قولينا هكا نعاونوك مروة حنا جامي خبينا على بعضانا حاجة كلش نحكوه بركاي ملجياحة وأهدري
مروة بداو ينزلو دموعها وتهدر : منقدرش نهدر أفهموني لبنات
إيمان : ااااا مروة علاش راكي تبكي اواه سيغ عفسة كبيرة احكيلنا هيا فرغي قلبك وشبيك
ريم : هيا أحكيلنا من وقتاش تعرفيه وكيفاش وواش دارلك هيااا
مروة : اوك دوك نهدر وهاد لحكاية واحد مايعرفها من غيري وبلاكو تهدرو ( تبكي وتهدر ♥💔😓) قبل ماتموت ماما ربي يرحمها ياك علبالكم بلي كانت مريضة بلكونسار (( عافافكم الله )) وكي كانت فالسبيطار كانت تحتاج عملية بزاف خطيرة فالمخ وحنا مكانش عدنا دراهم ومام بابا ملقا مايدير حتا المدير تاع الشركة تاعو محبش يمدلو والشركة هاذي لي كان يخدم فيها بابا هي نفسها تاع مهدي بصح مهدي هذاك الوقت مكانش لتم كان في بلاصتو أمين وهو لي محبش يسلف لبابا دراهم وانا هداك نهار كنت مع بابا وشفت كلش ومبعد امين قالو نمدلك دراهم بصح بشرط تمدلي بنتك لليلة (( راكو فاهمين 🙄)) انا لتم حسية بواحد كشغل دارلي موس في قلبي وبابا سبو وجبدني وخرجنا وامين قعد يضحك وانا ملتم كرهتو ونهار لي شفتو في دار طاطا ليلى عرفتو تم تم
ريم مشوكية : راكي منيتك مروة هدا كامل حنا منعرفوهش وهلاش محكيتيلناش
إيمان : انا مخي حبس بصح حبسي مروة أمين كيفاش نتي عرفتيه وهو معرفكش هدي لي مفهمتهاش
مروة : هادي لحكاية عندها عامين وانا في هداك الوقت كان شعري مصبوغ متشفايش وكنت رقيقة على هكا وكنت دايرا نواضر علبيها وزيد جابلي ربي مكانش في عقلو كان شارب ولا زاطل معلباليش
ريم : إيه صح بصح والله دخت كيفاش امين يخرج منو هكا والله يبان هاااايل
مروة : متغركش المظاهر هذاك خام*** من طفلة لطفلة خالعينو دراهمو
إيمان : ربي وكيلو أنساي حببتي وخليك منو
ريم : إيه مروة مديريش في بالك أنساي ونحيه من مخك
مروة : معليش يجي نهارو غير متخافوش
(( ريم وإيمان خزرو في بعضاهم مبعد عنقوها وقعدو يڤصرو وفالليل كل وحدة راحت لدارهم ))

نروحو لدار إيمان راحت لشمبرة خوها ملقاتوش طلعت لسطح لقاتو لتم راحت ليه كان قاعد يتكيف
إيمان : بيلالووو توحشتك
بيلال خزر فيها ومبعد هبط راسو وتنهد وهي عرفاتو زعفان على خطبة ريم تعرفو يعشقها
بلال : شفتي قتلك مهيش ليا 💔
إيمان : مكتوب ربي هذا بلال متزعفش روحك والله ربي يعوضك بماخير نشالله 😓💔
بلال : منسحق حتا وحدة منغيرها وحتا طفلة متدي بلاصتها هاد القلب دتو هيا (( يهدر وصوتو مبحوح من العياط ))
إيمان وجعها قلبها عليه طاحولها دموع مسحتهم ودارت يدها على ظهرو
إيمان: كوغاج تنساها نشالله بلال والله منقدر نشوفك هكا أنساها وربي يعوضك ماخير
بلال : ااااه يا إيمان مايحس بالجمرة غير لي كاوياتو قتلك منقدرش ننساها ساكنتلي في مخي منقدرش (( وطاحتلو دمعا مسحها تم تم ))
إيمان : خلاص منقدرش نشوفك هكا تعيش بيلال خلاص مديرش فروحك هكا (( وعنقاتو وهو عنقها ))
نروحو بلاصة وحدخرا أمين كان في بيتو يخمم ويتكيف
أمين : دوك هادي محبتش تخرج من مخي ولي راهي مدهشتني انو مرانيش عاجبها ولا محلبتني ياالزح انا لي لبنات كامل مطيحهم وميتين عليا القزمة هاذيك منعجبهاش بصح وين تروح مني جايبها جايبها وغير انا لي نديها والزمان طويل
أاااه يا مروة سكنتيلي فالمخ