حب الرماد

بارت 💞16💞

رجع لدار ميت بالعيا خرج كامل زعافو برا وسهرات وبنات باش ينسى واش راهو عايش مع مروة , دخل شافها راقدة فالفوتاي راح ليها بلعقل حط كاسك وركع قدامها وقعد يخزر فيها عينيه حمووورا وعيان
يلعبلها بشعرها ويهدر وصوتو مبحوح ....💔😞

أمين : وعلاش مقدرتش نبعد عليك قلبي 💔💔💔 ديتيه وبعدتي ربيتيني وليت منقدرش نشوف طفلة منغيرك علاش , وحط راسو عندها محسش بروحو حتى رقد .

كانت تسمع والدمعة شادتها بالسيف , هو يحبها ومام هس تعشقو ومتقدرش تشوفو بهاد الحالة بصح كبريائها ميخليهاش , فتحت عينيها وحطت يدها على شعرو مبعد ناضت وعاوناتو رقد في بلاصتها هو محس بوالو كان عيان حطت راسو في حجرها * حضنها * وقعدت تبكي بسكات وتمسح على شعرو

💔💔💔💔💔💔💔

______

: كيفاش في شركة كبيرة كيما هادي وموضفين كبار كيما نتوما ويصرا هكا اه أهدري ... وخبط الطابلة

السكرتيرا : مسيو مهدي حنا مدرنا والو مسيو منير الشريك الجديد تاع الشركة هو لي دمر الشركة بالإنسحاب تاعو والأسهم تاع الشركة كامل هبطو للأرض وزيد نص الموظفين كامل داو رشاوي من عندو وقدر يكسبهم لصف تاعو

مهدي خبط يدو على الطابلة وبدا يكسر ويعيط , السكرتيرا خافت وخرجت

مهدي : علاش علااااااش والله نشرب من دمك يامنيررر يالكللللللب الرخيس , وقعد يكسر فكلش
مبعد خرج وهو يمشي ويشوف الشركة فارغة وكانت مقبل معمرة والعروض تاع الشركات الأخرى يجوهم ب10000 , قنط خلاص واليوم الشركة لي أسسها طاحت فالأرض وخسرت سمعتها , ومنير مزادش بان خلاض , خرج طلع فالطونوبيل حتى صونا تيليفون تاعو
مهدي : وي
سامي : وي مهدي ياخو لازم تجي دوك
(( سامي يسكن قدام مهدي وصاحبو تاني ))
مهدي : وعلاش واش كاين ياخو
سامي : ياو ازرب مشي وقت الهدرة دارك راهي تتحرق
مهدي حبس مخو خلاص جمد وزيد ريم راهي لتم رمى التيليفون وقلع بأقصى سرعة عندو ,

بعد شوية لحق لقى الدنيا معمرة غاشي و لابوليس والحماية ولومبيلونس تخلع حبس طونوبيل وهبط يجري حبسو العون
مهدي : بعد بعد مرتي راهي الداخل بعععد ر****
العون : متقدرش تدخل مسيو
مهدي طبعو وراح بصح حبسوه الأعوان بزاف وهو يضرب ويعيط بعدو بعدو ريم راهي الداخل

شوية وطفاو النار لي كلات كامل الدار ودخلو الشرطة العلمية وخرجو هداك الساشي الكحلة لي يديرو فيها الميت وغالقينها يعني مايبان والو , مهدي كي شافهم خلاص صدمة دارت في مخو خلاص حبس مبعد فطن كي شافهم طلعوها فاللومبيلونس
راح يجري
مهدي : بعد نتا بعد رييييم ريييم خليني نشوفها ياو بعددد نعدي**** قسااا****
العون : مسيو بالعقل تبعنا للمستشفى وتفهم كلش تفضل هنا خلاص متقدر دير والو
مهدي : متحوس تفهم بعد قتلك نشوف ولا خلي قسامي نطلع معاها
العون : ممنوع ياخويا ممنوع تبعنا ياك نفس الطريق هيا
مهدي راح طلع فطونوبيلتو وتبعهم عيطلو أمين وقالهم كلش , شوية ولحقو مهدي دخل تاني قلب الدنيا بالعياط وقالولو لازم تسنا النتائج التحليل حتى تخرج تاع الجثة وهو زاد كثر كي قالولو جثة

💔💔💔💔💔💔💔💔

بعد ساعة تجمعت كاااامل العايلة لتم وناس كامل تبكي وصفية يمات ريم داروها في غرفة بسك غير سمعت تغاشات
مروة تبكي ومعنقا أمين , لميس مع يماها , بيلال واقف ومهبط راسو يدعيلها , يانيس معنق إيمان وهي تبكي , ومهدي قاعد فالأرض وداير راسو بسن يديه ويبكي بعيد عليهم من جيهة يقول مشي هي بالاك هربت ودوك تبان ولا تعيطلو , ومن جيهة يقول غير هي كانت فالدار وهادي الجثة تاعمن ????