كانو فالطريق وريم قلبها قريب يخرج من بلاصتو شوية وحبست طونوبيل عند البحر ريم ستغربت
ريم : واش كاين مهدي علاش حبست
مهدي : أهبطي عينيا
هبطت وقفو عند البحر تنهد هو ودار يديه في جيبو وريم تخزر فيه تاع واش كاين بسك حست حاجة مخبيينها عليها
ريم : مهدي واش كاين
مهدي : ريم شوفي نقولك بصح اوعديني متتقلقيش ومديري والو وخمي فلي فكرشك ياك
ريم عينيها وفتحتهم جاتها البكية : صحا قولي واش كاين واش صرالها ماما
مهدي : يما صفية بعد ماسمعت بواش صرا والحريق وموتك نتي تش
ريم تبكي شدت فيه : و..واش صرالها
مهدي : تشلت متتحرك ماتهدر يعني مادير والو فاتحا عينيها برك
ريم صدمة طاحت عليها حست قلبها دخل فيه موس صاي جات طيح شدها مهدي
بدات تبكي وتشد في حوايجو : ماما😢😭😭😭 ااااااه أديني لعندها مهدي تعييييش اهئ اهئ 😭😭😭
مهدي يعنق فيها : خلاص عينيا خلاص متبكيش خمي فلي في كرشك ريم حبي خلاص
ريم : ااااهئ م...مهدي تعيش ديني لعندها
مهدي : هيا بلعقل
طلعو فالطونوبيل وهو شادلها يدها وهي تبكي وتشهق حتى وصلو دخلت تجري ومهدي معاها مخلاوهمش يشوفوها ريم بدات تعيط حتى جاطبيب المهتم بحالتها دخلهم للبيرو يهدر معاهم وريم قلبها حايخرج من بلاصتو
______
نروحو عند أمييبببن ومروة عندي بزاف محكيتش عليهم كانو فالدار هو راقد وهي كانت تتفرج حتى دقدق الباب
مروة : اوو شكون زعما جا , ناضت تفتح حتى لقات مرا شوية كبيرة لابسا شال كحل وتخزر فيها
العجوزة : واش تبقاي تخزري فيا مدخلينيش واقيل ياخي بنات ضرك ياخي , وطبعتها بلعقل ودخلت وقعدت فصالون
مروة : 😳😳😳
العجوزة : وشبيك تخزري فيا جيبيلي كاس ماء أزربي
مروة راحت للبيت امين تجري خايفة وشكون هاد المرا
مروة تنوض فيه : أمييين امييين نوووض ياشكارة رقاد
امين : ممم اممم شبيييك
مروة : نووووض مرا راهي فصالون
امين : شكون
مروة خبطت راسها : أربي نوض منعرفهاش نوووض ,, ناض مشي لابس تريكو عين مفتوحة وعين مغمضة راح لصالون شاف مرا قاعدة راح مقابلها ولحقاتو مروة
أمين : 😳😳😳😳
علجية : واش.ياوجه البقراج مجيش تسلم عليا وزيد متحشمش خارج قدامي عريان هك كي الطرزان
أمين : م...م..ماني ياك مرانيش نحلم
علجية : تحب نجي نعطيك كف يفطنك مشي مشكل 🙂
أمين : لالا علجو مكلاه
علجية : بلع متقوليش علجو راني زعفانة عليك
راح ليها وباسها من راسها وهي مشنفة مروة كانت هكا 😳
أمين : مروة أرواحي هاذي علجو اااقصدي علجية ماني
مروة جات لعندها باستها : أسمحيلي ماني مكانش علبالي
علجية : معليش.معليش حسابكم منبعد .ونتا يابوركايب يالخانز ماعيت نبدلك فالكوش كبرت ومتعرضنيش لعرسك
مروة : 😂😂😂
أمين حشم : مااااني مشي وقتها وأصلا مقدرتش.نعرضك باسكو مكنتيش لهن وديجا نسيتي كنتي فلبلاد ومحبيتيش ترجعي
علجية : بلع عليا بلع ذاك الفم ونوض تڤعد من قدامي لانرفسك برجلي نجيبك فلأمازون تسرح بالمعيز هيا تڤعد أقضي الخضرا لدار
مروة طبعا ميتا بالضحك
أمين : بفففف صحا ني نايض
علجية دارت لمروة وهي سكتت مالخوف : ونتي واش أسمك وعرفيني بروحك مرتو لهاذ الثور
مروة : انا مروة وقارية تمريض يعني ممرضة
علجية : هيا مليح بلامانشقا لذوك مكسرين اايدين تاع السبيطار نوزن هنا لاطونسيون كي تهبط منكم
مروة : صحا
أمين : هاني خارج
علجية : روح تعرف الباب ولا نوريهلك 🙂
_ ونتي أأ رومي نوضي تشوف تڤعدي النهار راح
مروة : واش نديرو
علجية : نشطحو ها باينة الشغل الدار نوضي قبل لايجي راجلك باه يلقى الدنيا نقية ونديرو الفطور
مروة في قلبها " اليوم تخلا أااااه ياربي كون معايا كرشي راهي فظهري من الخوف بصح تبان انتيك هاد علجو ااااها بلعي دوك تسمعك "
راحت موراها وواقفا عند راسها خدمت كلش غبرة مسيح تطباق حوايج تخمال غسيل هههه بعد ساعتين كملو
مروة : ااااه ظهري
علجية : واش بيك لي يشوفك يقول خدمتي قيس سمانة شغل هادا غير شوية مسيح
مروة :😑 ڤاع واااش درت تسما مسيح برك
علجية : راني نزعق معاك صحيتي مرت ولدي هاكا نسميك مرا ,مروة فرحت , هيا ضرك تڤعدي وحدي الماعن جا مكسر اليدين ديري الغدا
ناضت بعد معانات كبييييرة راحت للكوزينة
أنت تقرأ
حب الرماد
Short Storyأنا حين ... اعتدت عليك💖 أحببت الحياة....💖 باتت الأيام جميلة....💖 وأبحث عن الغير بكل قلب شغوف....💖 وروح تهوى لقاءك ....💔😪 أنا منذ أن اعتدتك ..💛 صارت السعادة مستقرا لقلبي ...💙 والطمأنينة توأم روحي الصادقة..... 🎀🔮 أحببت الدنيا منك....�...
