نروحو عند إيمان كانت تمشي رايحا للخدمة حتا حبست قدامها طونوبيل هبط منها يانيس
يانيس: إيمان صباح الخير
إيمان : صباح النور واش جابك لهنا
يانيس : جيت نشوفك توحشتك
إيمان فرحت مالداخل بصح ريبوندات بتشناف
إيمان : يتوحشك الخير ودوك لازم نروح معنديش الوقت
يانيس : استناي إيمان علاش راكي تتهربي مني شفتي من عندي حاجة مشي مليحة كل مانجي نهدر معاك تتهربي
إيمان : يانيس منيش نتهرب قتلك منحبش هاد العفايس
يانيس : وشمن عفايس علاش رانا حانديرو الحرام ياك برك نتلاقاو ونهدرو مديلي فرصة وشبيك هكا حاب نكون قريب منك
إيمان : معلباليش معلباليش نخمم ونقلك ودوك باي....وراحت
يانيس : بااي اااايه ونسيت نقولك راكي زلة " قالها بشوية عياط باسك كانت بعدت عليه شوية "
إيمان بعدت عليه وقعدت تتبسم وفرحانة راحت تخدم مبعد وقت الفطور هبطت لمطعم لقات مروة مريحة وباين عليها عيانة وكانت غايسة قعدت قدامها .......💚
إيمان : مروووووة فاش راكي تخمي يا فايحة اه قولي
مروة : فوالو غايسة برك 😢💔
إيمان : هكااااا تخبي عليا اهدري قولي فرغي قلبك بالاك تريحي
مروة : كرهت يا إيمان كرهت علاش واش درت باش يصرالي هكا منيش خابا نتزوج بيه نكرهو وزدت كرهت بابا منهار قالي تديه بسيف عليك لوكان ماما راهي هنا ميصراش هكا كامل وين راكي ياماما ويين خليتيني وحدي 😭😭💔💔💔
إيمان : مراكيش وحدك مروة انا راني هنا معاك ومتزعفيش روحك هادا واش راهو كاتبلك ربي بالاك مع الوقت تتفاهمو وتولي تحبيه برك اصبري شوية الوقت يداوي كلش
مروة : نووو يا إيمان انا راح يدفنوني مشي يزوجوني منو قتلك منحملوش منقدرش نعيش معاه وزيد قاتلي لميس شرا دار باش نعيشو وحدنا تسما خلات عليا اااااه ياربي علااااش 😔😭
إيمان : معليش مروة اصبري برك دوك لي فات مات سيي تتأقلمي مع حياتك جديدة راكي مرتو خلاص
مروة : والله نكرهلو حياتو ونوريلو شكون مروة
* إيمان جات حاترد عليها صونا تيليفون تاعها شافت لقاتها ريم رفدت عليها
إيمان : ااااه واش الخاينة هداوين تتفكريني
ريم : بلعي البارح برك كنت نهدر معاك
إيمان :هههه الله غالب نتوحشك راكي شايفا مهم صفا
ريم : cvp توحشتكم وكرهت وحدي اسمعي لعشية جوزو عندي نتي وهديك القزمة لي راهي معاك
إيمان : ههههه اوك نشالله بصح ابعتيلي لادريس
ريم : اوك اوك ايا باي وسلميلي على مروة
إيمان : اوك مام هيا تسلم عليك باي حوبي
* كوبات إيمان ودارت لمروة
إيمان : مروة تجي معايا ريم قالتلنا ارواحو لعشيا عندي
مروة : نن منقدرش نجي راني عيانة روحي نتي برك
إيمان : اوك كيما تحبي 😊 ايا انا نروح وقت الفطور خلاص ايا تهلاي بب امبعد
مروة : باااي
* جات نايضا مروة شافتو جاي لعندها دورت وجهها وراحت تزرب جا موراها وشدها من يدها
مروة : نحي يدك
امين نحا يدو : هاااي بب صفا
مروة : راني خير منك وواش جابك دوك
امين : جيت نشوفك توحشتك
مروة : يتوحشك الشر نشالله " قالتها بلعقل "
امين : مسمعتكش واش قلتي
مروة : وااالو ودك لازم نروح عندي خدمة
امين : اوك بصح لعشيا تلقايني برا نستنا فيك باش نخرجو نشرو عفايس لعرسنا 😉😍
مروة : منيش حابا نخرج روح وحدك
امين : قلت تروحي معنتها تروحي وبلا تخشان الراص ياك ايا باي 😉......وراح
مروة ضربت رجلها فالأرض : نكرهك نكرهك نشالله تموت .....وراحت تخدم
أنت تقرأ
حب الرماد
Short Storyأنا حين ... اعتدت عليك💖 أحببت الحياة....💖 باتت الأيام جميلة....💖 وأبحث عن الغير بكل قلب شغوف....💖 وروح تهوى لقاءك ....💔😪 أنا منذ أن اعتدتك ..💛 صارت السعادة مستقرا لقلبي ...💙 والطمأنينة توأم روحي الصادقة..... 🎀🔮 أحببت الدنيا منك....�...
