مروة
ناضت صباح كارهة حياتها ، غسلت وجهها بدلت حوايجها وهبطت لتحت لقاتهم يشربو فالقهوة
مروة : صباح الخير
ردو كامل : صباح النور
كريم : مروة وجدي روحك تروحي معايا
مروة حبستلها اللقمة : و....وين نروح معاك
كريم : وين يعني هاعند المحامي نطلبو وراق الطلاق
مروة : منروحش جدي
كريم : كيفاش هادي متروحيش راكي تعصي فيا اه
مروة : مشي هكاك جدو بصح مشي منحقك تدخل في حياتي هكا وتتصرف في بلاصتي
كريم : هكا وليتي متحتارمينيش ، اتأدبي وهدرتي منعاودهاش سمعتي
مروة ناضت : بابا اهدر حاجة
سفيان بابات مروة : معندي منهدر مروة جدك عندو الحق ونتي ملازمش ترجعي لهاديك العايلة صاي هدرت جدك كبيرة ، وناض خرج
مروة بدات تبكي طلعت لبيتها وجبدت خوايج بدلت وخرجت من الدار تبكي عيطت لأمين تخلع من صوتها وقالها تسناه عند الدار دوك يجي
بعد ما نوضاتو مروة وكي سمعها تبكي عرف كشما صرا ناض لبس تمتم وهبط لقاهم كامل يشربو فقهوة
امين : صباح الخير
الكل : صباح النور
ليلى : ارواح وليدي نسربيلك قهوة
امين : لالا يما صحيتي نخرج عندي شغل
مهدي : وشمن شغل على صباح ربي اليوم السبت خو
امين : شغل إيرجو نقضيه ونولي منطولش
مهدي : نجي معاك ?
امين :لالا مكلاه خو ، ايا انا نروح بقاو على خير
ليلى : تهلا في روحك
امين باس راسها : صحا ، وخرج
لميس : حتا انا نخرج
ليلى : وين نتي تاني
لميس : حابة نروح مع صحباتي نفطرو برا ليوم كرهت
ليلى : النهار لي تتلم فيه العايلة يحبو تخرجو فيه اجليها
لميس : يما منقدرش وعدتهم ، مهدي اهدر حاجة
مهدي : يما خليها راهي كبيرة تخرج تبدل شوية
لميس : 😚😚
ليلى : واش حانقلك روحي بصح مطوليش لعشيا جايين عندنا ضياف ولازم تكوني هنا
لميس : اوك ، ناضت حتى هي وخرجت ، والباقي قعدو فالدار مهدي ريم ليلى نذير علجو
كنت تستنا حتى جا ليها هبط شافعا تبكي وفي حالة
امين : مروة عينيا وشبيك ، ودار يديه على خدودها
مروة : أ...اديني منا امين تعيش
امين عنقها وطلعها فالطونوبيل وراحو من تم داها للبحر هبطو وقعدو في بلاصة
امين عنقها وقعد يهدن فيها : هلااص مروة شششت راني معاك اتهدني وحكيلي شاصرا ، شوية وسكتت
مروة : صباح ضاربت مع جدي ، حاب نروحو للمحامي نجيبو ورق تاع طلاق باش نطلقو ويبعدني عليك
امين : خلاص سكتي مصرا والو ومزال مزادش لي يبعدني عليك غير الموت مديريش عليه راهو زعفان غدوة رانا جايين ونهدرو معاه
مروة : نشالله
امين : خلاص حبسي متوليش شابة كي تبكي 😂
مروة ضحكت وضرباتو : اسكت عليا جايح
امين : راكي طوماطيشة نوضي تغسلي وجهك
مروة : خلينا من وجهي نوض جيبلي ناكل ني جيعانة
امين : ونتي كاش نهار مكنتيش جيعانة
مروة : إيه الله غالب كرشي مشي انا 🙂
امين : هههه باللاكي كشما نهار تاكليني انا 😂😳
مروة : هعهعهع مناكلكش متخافش اصلا نتا مشي بنين
امين : هكااا
مروة : مممم
امين غضها من خدها قريب طيرو وهي تخلعت مزية مكان حتى واحد لتم وشافهم ، بعد عليها
مروة : ااااااااححح ياسامط خدي نسحقو
امين : اااااوه شح تستهلي
مروة : متوحش خدي طيرتو
امين : مزال مشفتي والو 😉😂
مروة : سامط احشم
امين قرصها من خدها وناضو راحو ياكلو
_____
أنت تقرأ
حب الرماد
Historia Cortaأنا حين ... اعتدت عليك💖 أحببت الحياة....💖 باتت الأيام جميلة....💖 وأبحث عن الغير بكل قلب شغوف....💖 وروح تهوى لقاءك ....💔😪 أنا منذ أن اعتدتك ..💛 صارت السعادة مستقرا لقلبي ...💙 والطمأنينة توأم روحي الصادقة..... 🎀🔮 أحببت الدنيا منك....�...
