حب الرماد

بارت 💕37💕

........ ¶ بعد ماطمنو على مهدي بقات ريم خرج طبيب مع عمليتها راخو لعندو وكلهم خوف وقلق يدعو ربي ميكونش صرالها ولي في كرشها حاجة مشي مليح
أمين : بشر طبيب واش حالها ريم ولي في كرشها
***** : ملقيتش كيفاش نقولكم لكن  للأسف درنا لي علينا بصح  خسرنا  ليبيبي لزوج لحقنا عليهم متأخرين بزاف
ليلى : لالااااا ياربي وعلاش وعلاااش ..وطاحت شدتها مروة يبكو ومعنقين بعضاهم وامين شد راسو
مروة : وريم وريم كيفاش راهي 😭
***** : راهي بخير لكن...
أمين : كمل واش كاين واش بيها
***** : واش صرا أثرلها على الرحم تاعها وضطرينا نستأصلوه للأسف
مروة حطت يدها على فمها من الصدمة يعني ريم مراحش تجيب ولاد مرة اخرى هذا راح يكون صاعقة ليها ولمهدي
***** : ربي يصبركم ويشفيها نشالله
امين : نشالله يعطيك الصحة طبيب
***** : خدمتي بلا مزية ...وراح قعدو مصدومين ويبكو ....صعيبة 💔
______
#
#
#
بدات تفتح في عينيها وتحس ضلام  وتحس بدوخة  حست يد شادتها من يدها شوية شوية بدا يوضح كلش قدامها وشافتو قاعد
بيلال : صباحوو
لميس  جات تنوض : و..واش صرا وين راني واش كاين
بيلال شدها : اشششت ريحي في بلاصتك ممنوع تنوضي راكي عيانة ..لي صرا انو خرجتي منا وتغاشيتي وانا جبتك هنا وتغاشيتي باسك مكليتيش باش تغوضي دم لي خسراتيه علاش يا شطورة 😒
لميس : منيش حابة ناكل . ودورت وجهها
بيلال حاب الماكلة وحطها قدامها : نو لازم تاكلي بسيف خسرتي دم ولازم تعوضي باش مطيحيش مرة اخرى ولازم باش يدا سحقت ريم تعاودي تمديلها ولالا هيا كولي
خزرت فيه خزرة وعينيها مدمعين وكلهم حب  فشلاتو كان حاب يبوسها ويعنقها بصح شد روحو وتنحنح حممم هيا كولي ...وكلها وهي كلات بعدها راحو وين العايلة وزادو سمعو واش صرا 💔💔💔😭

_______
****** : المريض بدا يفطن تقدرو تدخلو تشوفوه
دخلو كامل عندو وبدا يفطن شوية بشوية
ليلى راحت تجري شدتلو يدو ودارو كامل بيه بيلال لميس مروة امين و يانيس اما ايمان باينة راهي تعبانة : وليدي مهدي كيفاش راك تحس روحك
مهدي : ااااي راسي ررريم ريم واش صرا وين راني
امين :صرا اكسيدون وريم راهي مليحة بلعقل متتخركش سايس روحم
مهدي : وين راهي ريم ووواش صرا
لميس : راهي مليحة ودوك شوية نقدرة نشوفوها متتقلقش
امين : انا لقيت طونوبيل مقلوبة بيكم واش صرا مهدي نتا لازم تقووللنا
يانيس ضربو بشوية : مشي وقتها امين خليه يريح ويحكيلنا هيا نخرجو خلوه يرتاح
مهدي : خلوني نروح نشوفها منقدرش نبقا هنا
امين شدو : مهدي والله راهي مليحة ريح شوية وروح شوفها تعيش علاش راك دير هكا
يانيس : امين عندو الحق خليها تفطن وروح شوفها نتا تاني هذاوين خرجت من عملية ريح ومبعد ساهل علبالنا قلبك راه محروق بصح اصبر
مهدي قعد  يخمم في ريم ويدعي ربي مراهمش يكذبو عليه  وراهي مليح هي وبناتو 2 دخلت ممرضة دارتلو مهدأ ورقد وهوما خرجو ....محبوش يصارحوها بلي خسر اولادو وريم واش صرالها لأنو الطبيب وصاهم ملازمش دوك مراحش يستحمل لا هو لا ريم ...
____
**** : صفية وشبيك شادة قلبك وجهك راهو صفر من الصباح  غير الخير
صفية : معلباليش علاش قلبي راهو مزير عليا  حاسة حاجة صرات
*****: كيفاش ليمن حايصرا
صفية : قلبي مراهوش مطمن حاسة ريم صرالها حاجة نفس راهي ضايقة فيا يافاطمة
فاطمة (لي هي فاميلية تلع صفية بصح من بعييييييد كانو يسكنو فالدشرة بصح علاقتهم مقطوعة مع صفية وريم لانو بابات ريم كي تزوج نتقل للعاصمة وخلا فاميلتو فالدشرة وبعد ما مات مزادوش صفية وريم رجعو لتم بصح هاذ ليامات عيطولها باسك الجد لكبير قبل مايموت وصاهم يعطولها حقها على جال ريم .)
ف

اطمة : لااا متخافيش استغفري نشالله تكون مليحة
صفية شادة قلبها : لالا تكون حاجة دوك نعيطلها ، عيطتلها والو يصوني ومتهزش ،
هااه قتلك بيها حاجة
فاطمة : عيطي لراجلها ولا كاش واحد
صفية : حتى مهدي مراهش يهز  قتلك صرات حاجة قتلك بنتي بيها حاجة قتلك 😢😢
صفية : ااه تفكرت عندي رقم تاع مروة دوك نعيطلها ، راه يصوني ياربي ياربي بنتي تكون مليحة ياربي
____
من جهة اخرى.....
مروة : امين طاطا صفية راهي تعيط
امين : غير لخير زعما كشما تكون سمعت
مروة : معلباليش بصح مشكيتش شكون حايقولها
امين : ارفدي عليها وسيي متبينيش
مروة : ألووو مساء الخير طاطا صفية
صفية : اهلاا بنتي لباس
مروة : حمدلله طاطا ونتي *تهدر وتترعد*
صفية : منيش مليحة يامروة قلبي مزير على ريم واش بيها طمنني عليها راهي مليحة نعيطلها هي ومهدي ميهزوش عليا
مروة خزرت في امين لي حتى هو كان يسمع كانو دايرين 🔈 ملقاوش واش يقوللولها
صفية شافتها سكتت زاد قلبها تزير : مروة بنتي متخبيش عليها راه قلبي تحرق يدا كشما كاين قوليلي
مروة :............

Yda habin nkmel lazm ttfa3lo svp mb9ach bzaf o nkmelha nhbkom 💕😚