حب الرماد

بارت 💕38💕

مروة : ااااا ..دارت لأمين بيدها كيفاش ندير قالها قوليلها
صفية : اهدري عيش بنتي متخبيش عليا راهو قلبي شاعلة فيه نار
مروة : ااا نقولك طاطا بصح لازم تتهدني ياك
صفية : ايه قوليلي
مروة : ريم ومهدي دارو اكسيدون وخسرو لي بيبي
صفية : وشنوووو
مروة : اتهدني طاطا راهم ملاح دوك متخافيش صفية : ااااه ايما بنتي بنتي ...وكوبات
قاطمة : واش كاين غير الخير واش بيها بنتك
صفية تبكي وتخبط في صدرها : كبدتي راهي تتراما فالسبيطار وانا قاعدة هنا بنتي بنتي دارت اكسيدون واحفادي ماتو اا لازم نروح دوك لازم ايما قلبي 
فاطمة : اتهدني متتقلقيش دوك نقول للحاج (راجلها ) يشوفلك كروسة (طونوبيل )  تهزك
_______
كان قاعد قدامها يشوف فيها وهو يبكي على واش صرا (قالو طبيب لواش صرا في ريم وصراتلو حتى هو صدمة  كبييييرة جمداتو في بلاصتو بصح دايمن الراجل يبقى قوي ويخبي حزن تاعو ) مكانش حاب تفطن وتسمع بواش صرا مراحش تتحمل
ريم فتحت عينيها : م...مهدي .ااااه
مهدي مسح دموعو وطلع راسو : وي ياروح مهدي ريم راني هنا راكي مليحة
ريم : و..واش صرا وين رانا
مهدي : امبعد نحكيلك دوك كيفاش تحسي روحك
ريم : ..سطر في ..ف..في كرشي *تهدر ثقيل* مست كرشها بلعقل لقاتها فارغة مهدي وينهم بناتي
مهدي هبط راسو
ريم حست كاين حاجة هبطو دموعها بلا متحس : مهدي قتلك وينهم آلين ولين ( اسامي لي خيروهملهم باش يسمهوهم بيهم كي يزيدو 💔💔)
مهدي طلع قعد قدامها وهي ناضت شوية شدت روحها حط يدو على خدها وشاد دموعو بالسيف : اتهدني لازم تأمني بالقضاء والقدر وربي مشي كاتبلهم يعيشو معانا نلقاوهم فالجنة نشالله
ريم مشي مأمنة واش راهي تسمع : ك..ك.كيفاش لالا راك تتمسخر ياك راهم برا وراهم لاباس بيهم تتمسخر معايا برك ياك بعد خيليني نروح نشوفهم ...وتبكي
شدها مهدي : ريييم لازم تكوني قوية هذا واش حب ربي اتهدني متبكيش
ريم : لالا لااااااالااااااااا مهدي بعد خليني نروح نشوفهم بعد ...وهو شادها ويهدن فيها
مهدي يبكي معاها : ريم ياحبي هكا حب ربي معدنا مانديرو متبكيش راني معاك اششششت
ريم منحكيلكمش حالتها تبكي وتشهق وتعيط حتى تغاشات عيط مهدي لطبيب يجري دارولها مهدأ ورقدت باسها مهدي من راسها وخرج حتى مشي قادر يرفد روحو من العملية ومن الاكسيدون وزيد واش صرالهم مشي ساهل شاد روحو برك قدامها خرج برا يشم الهواء ويدعي في ربي يفرج حس بيد تحطت على كتافو
بيلال قعد قدامو  : عظم الله اجركم
مهدي رد بسيف مخنوق ويبكي : شكر الله سعيكم
بيلال : لازم تصبر خويا مهدي هذا مكتوب ربي مامنو هروب شد روحك
مهدي هز راسو بإيه منيش قادر نأمن واش صرا منيش قادر حتى نشوف في عينيها وهي تتعذب ومراهيش مأمنة واش صرا منيش قادر نخزر في عينيها منيش قادر حتى نرفد روحي
بيلال : مهدي تقدر مدام هذا مكتوب ربي كلش يجوز كي راكم نتوما ملاح الولاد يتعوضو بإذن الله كلش يقدر يصرا  متخافش صبر روحك وعاود اوقف على رجليك ريم راهي محتاجتك معاها دوك
مهدي ناض وعنقو بعضاهم تبسملو مهدي
جا أمين : واش مهدي راك هنا كنت نحوس عليك
مهدي : وي غير الخير
امين مقدرش يقولها : أااا ااا
مهدي : اهدر واش كاين
امين : طبيب يسحقك على جال دفينة باش تخرجهم
مهدي حس قلبو حايخرج موس ودخل لقلبو مكانش يتوقع نهار يصرالو هكا شد روحو بسيف ودخل عند طبيب وهدر معاه وكملو كلش بقا غير يخرجوهم راح لبيت ريم ملقاهاش تخلع ( مكان كاين حتى واحد فالسبيطار غير مهدي بيلال وامين الباقي كامل خرجو راخو لدار ).
خرج يعيط بأسمها ويحوس فكامل البيوت
شافو امين يجري راح ليه
امين : واش كاين مهدي وشبيك
مهدي يهدر بخوف : ريم ملقيتهاش فبيتها ني خايف كشما دير في روحها
زاد لحق بيلال : واش كاين ...قالولو وبداو يحوسو عليها في كل بلاصة ويسقسو فيهم كامل
مهدي صونا تيليفونو : وي امين
امين : ارواح لقسم الاطفال راني لقيتها
راحو يجرو لتحت شافوها لتم راح ليها مهدي وهوما قعدو بعيد يسناوه
مهدي : ريم علاش خرجتي من بيتك خوفتيني عليك
ريم : راني نشوف فيهم هامليك مهدي ياك يهبلو روح اهدر مع هاذيك مخلاتنيش ندخل نشوفهم مهدي حابة نشم ريحتهم 😭
مهدي شدها من كتافها : ريم اخزري فيا ريم 😥 هذا واش حب ربي لازم نصبرو تلقايهم فالجنة نشالله
هنا وصلت صفية (اكيد زادت سمعت بواش صرا )  وجات لقاتها مرمية فالارض وحالتها حالة راحت ليها ترمات ريم في حضنها وقعدت تبكي وصفية تسكت فيها 😭😭😭
ريم : راحو ياماما ياماما كبدتي ماتو ياماما ليوم ندفنهم ويديبرو فوقهم تراب ياماما مشبعتش منهم ومن ريحتهم ياماما علاش علاااش راهي نار تشعل فيا اااااااه 😭😭
طاحت تبكي ... 💔💔مهدي راح وخلاها مع صفية مقدرش يبكي قدامهم خرج وقعد يبكي هو تان 😭💔💔 شوية وفشلت من البكا خلاص داوها لبيتها ....لعشية خرجو وخرجها مهدي راحت لدار رقدت وكانو كامل لتم واكيد الجنازة جابهم مهدي شافتهم ريم ومحبتش تطلقهم تبكي وتعيط غير بسيف داوهم من يديها دفنهم مهدي والدمعة في خدو مشي قادر يوقف على رجليه 💔😓 صعيبة تخسر كبدتك لب مزال حتى مشبعتش منها ولا سمعت صوتها 😭 دفنهم وريم والباقي كامل فالدار في حالة متحكيلكمش وريم خطرة تتغاشى خطرة تعيط خطرة تحب تخرج حتى يشدوها ويديرولها دواء باش تتهدن  وهي اصلا مريضة تسما صرا فيها الباطل 💔💔
______
بعد مرور أسبوع (سمانة ) 💚💛
ريم تحسنت شووية ومهدي معاها كيفي كيف حالتو بصح شوية احسن من ريم هو قوي حزن تاعو ديما داخل وحبس هاذ ليامات لخدمة وقعد مع ريم كانو قاعدين يتفرجو صونا تيليفون مهدي
مهدي : الوو
امين : وي خو cv
مهدي : حمدلله ونتا
ريم كانت غايسة بعيد وتخمم
امين : مروة مجاتش عندكم
مهدي : لالا خو مجاتش
امين : يادين الله حانهبل
مهدي : علاش واش كاين
امين : صباح قاتلي بلي ايمان بعثتلها ميساج يتلاقاو يشربو قهوة على 9 ولدوك مبانتش راهي 3 تاع لعشية وتيليفونها مغلوق
مهدي : اووو و عيطت لإيمان
ريم هنا عرفت كاينة حاجة دنات عند مهدي وقاتلو واش كاين قالها دقيقة دوك نفهمك
امين : ايه وكيف كيف تيليفون مغلوق
مهدي : شوف مع يانيس عيطلو بالاك كشما علبالو
امين : يانيس راهو معايا  ومام هو قاتلو ايمان بلي مروة بعثتلها ميساج يتلاقاو وخرجت مع البيبي (ريماس )  ولدوك مبانتش وتيليفونها مغلوق وزدنا عيطنا لدار مروة وايمان تاني مراحوش عندهم  حانهبلو
مهدي : متقلقوش اني جاي ونلقاولها حل ان شالله
امين : اوك ازررب
ريم : واش كاين مهدي
مهدي : حكااها لحكاية وتخلعت ...راني خارج دوك منطولش
ريم : اديني معاك متخلينيش نبقى مقلقة وحدي هنا
مهدي : نو نتي راكي عيانة ومام تروحي معندك ماديري اقعدي هنا منطولش ،باسلها راسها
ريم : اوك كشما يصرا عيطلي
مهدي : اوك😚
قعدت تدعي ميكون صرالهم والو ....شوية سمععت دقديق فالباب
ريم : هذا مايكون غير مهدي نسى كشما حاجة ....راحت تفتحلو ملقاتو هو
ريم : ااااا😳😳😳😳😳😶😨😰😰👊👊💥🔥✨😈💀

_____
رأيكم فالبارات ....💬💖
يدا متفاعلتوس مانكملش ....💖
جايين لبارت نااار وتشويق بزااف 🔥💔
لي تدخل عندي متنسايش ابوني ياك باطل حبوبتي  ربي يفتحها في وجهك 💜😚
By نحبكم 💖