حب الرماد

بارت 💞28💞

أمين : وانا قلت تروح معايا
سفيان : امين البنت بنتي وهدرة بابا تمشي قال متروحش يتسما نحي بنتي من مخك ووجد روحك نتلاقاو في المحكمة
في هذا الوقت دخلت مروة تبكي
سفيان : مروة طلعي لبيتك
مروة : بابا خليني نهدر تعيش هذي حياتي لالا
سفيان : وليتي تعارضي فيا اطلعي لبيتك مروة ( قالها بالعياط )
مروة : منطلعش قلت هاذي حياتي ومشي منحقكم تتحكمو فيها ولا دك بانتلكم مروة منقبل مكنتوش سامعين بيا ودوك وليت مليحة وتخممو فيا اه وليت دوك نبان علاش راكم تدخلو في حياتي علااااش
سفيان راح ليها مدلها كف وجها دار شداتو بيدها : طلعت مربيتكش مليح ، وكان حايزيد يضربها
راح ليه امين ووقف قدامو تسما مروة ولات مور امين في ضهرو
امين : مدامني هنا واحد مايقيسها هبط يدك
سفيان : وشنو هاذي بنتي سمعت
كريم : سفيان اتهدن مشي قدامهم تضربها
سفيان : بايا مشفتهاش كيفاش هدرت
( مروة مهبطة راسها وتبكي والباقي مخلوعين )
امين دار لمروة ومسحلها دموعها : اششت مروة خلاص ميزيدش يقيسك مدامني هنا خلاص ، مقدرش يعنقها قدامهم
مروة خرجت وطلعت فالدروج وكانت دايخة تشوف فالدروج ضباب كي لحق لدرجة لخرة خلاص ضلاكت دنيا بين عينيها وطاحت من الدرج حتى لتحت تتكور قريب 10 درجات
__ كانو يعيطو حتى سمعو حس تاع الطيحة خرجو يجرو وأولهم اكين كي شافها جمد ، ومبعد راح وطاح عمدها حط يدو تحت راسها ويخبط في خدها بلعقل باش تفطن : مروة مروة مروة تعيش نوضي مروة مروة افطني مرووووووووة
كريم : مروة حبيبتي مروة ياروح جدك نوضي
سفيان مشوكي ونذير تاني
جبد يدو من تحت راسها لقاها معمرة دم تخلع وعينيه دموع
مهدي شاف تاني دم : امين نوض لازم ندوها لسبيطار امييييين " عيط عليه كان مخلوع "
ناض امين رفدها والباقي موراه كامل خرجو مهدي يسوق وامين حاطها في حضنو ويفطن فيها وقريب يبكي ، بعد ربع ساعة وصلو دخلوها وديركت غرفت العمليات ، قعدو يسناو وامين في حالة
___ زادو شوية وعيطت ريم تشوف واش صرا معاهم حكالها مهدي وتخلعت ، سمعو كامل الغاشي وبعد 10 دقايق كانو كامل لتم يستناو
مهدي حط يدو على كتف امين : متخافش نشالله تخرج بخير
امين دارلو براسو إيه وهو يبكي بالسر دمعة طيح يمسحها ويدعي داخلو
الجو مكهرب وناس كامل تبكي وتدعي لمروة تخرج بخير بعد ساعة خرج طبيب راحو يجرو ليه وأولهم امين
امين : طبيب طمني تعيش كيفاش راهي
طبيب : منخبيش عليكم حالتها متبشرش بالخير
امين : ك..ك..كيفاش لالا راك تكذب
كريم : وعلاش دكتور تعيش ماتقولش هاد لكلام
سفيان : اهدر متهبلنيش
الطبيب : المريضة صحتها مكانتش مليحة ، باينة مكانتش تاكل مليح صحتها ونفسيتها مدمرين وزيد الضربة لي داتها على راسها قوية بزاف بزاف قدرنا نوقو النزيف بصح منضكنش والباقي على ربي صبحانو
امين تقلق خلاص شد الطبيب من تريكو : لالا ميصرالها والو راك تكذب راهي مليحة ملازمش يصؤالها والو سمعت
مهدي يهدي فيها ويشد فيه : امين نحي يدك امين الطبيب معندو مادخلو ، نحا يدو
مهدي : سمحلنا دكتور
الطبيب : معليش مقدر وضعو بشفا عليها
( تخلعو كامل وطاحو فالارض يبكو على حالت مروة وامين منحكيش (
امين دار ليهم وعينيه دموع وحمورااااا : هادا كامل على جالكم هادا كامل بسبابكم بسبابكم راهي لداخل بسباب جياحتكم والله كون كشما يصرالها غير نحرڨ الدنيا والله منجوزهالكم غير تخلصوها بالواحد
مهدي شدو : امين مشي وقتها الهدرة هاذي هيا نخرجو برا ، شدو وخرجو برا
_____