حب الرماد

بارت 💞30💞

بيلال يهدر :
مكانش علبالي واش كنت ندير مكنتش في عقلي منهار الي صرا واش صرا فالحانوت وانا مشي مليح لميس محملتش نشوفها معاه اول حاجة واش دارت نهار الحانوت ، وكي زادت خرجت وتلاققات بيه واليوم زدت كي شفتها معاه زدت هبلت انا كنت جاي ليها نواسيها حتى نشوفها قاعدة مع سي خونا قلبي يقولي كيفاش تخليها تكون مع غيرك وعقلي يقولي بوشمن حق تدخل فيها ونتا مابينك وبينها والو هي مزال متعرفنيش واش هي بالنسبة ليا المهم ديتها ورحت اليوم لازم نتفاهم معاها

لميس : بيلال نقص شوية تعيش
نقص كي شافها خايفة ، جازت نص ساعة حبسو في لاصة عااالية يعني كي توقف تشوف الديرور والبحر الشجر مهم بلاصة تهوبل 😍 ، هبط وهي قعدت تخزر كي شافها مهبطتش راح فتحلها الباب
بيلال : حتى نعرضوك اهبطي
لميس : منهبطش بيلال وين جبتني رجعني
بيلال شافها خافت كان حايضحك بصح شد روحو دار يديه في جيبو وجبد ڨارو 🚬 شعلو جبد وهوووف (😂😂 مهم خرج الدخان ياك فهمتوني )
بيلال : اهبطي نهدر معاك منيش حاناكلك ، وراح وقف بعيد
لميس هبطت وغلق الباب وراحت قريب ليه : اهدر ني نسمع
بيلال : علاش راكي ديري هكا
لميس : واش درت
بيلال : راكي تزكري فيا
لميس : منيش نزكر فيك نتا لي فهمتها هكاك انا واش دخلني
بيلال خزر فيها : علاش راكي تتلاقاي بيه وانا قتلك متتلاقايش بيه واش حكايتك معاه
لميس : نسيم ?
بيلال : 🙂
لميس : ررانا كيف كيف مخطوبين واش نزيد نفسرلك كثر
بيلال تقلق بصح شد روحو : مشي وقت تمسخير لميس كيفاش يخطبك وانا مانسمعش
لميس : هكا قصدي خطبة بيناتنا ومبعد كي تهدا الحالة فدارنا يجي يخطب رسمي
بيلال : كي حابة نكسرلك فمك نتي واقيل ياربك انا نقولك متتلاقايش بربو ونتي تقولي خطبة حاتخرجيني من عقلي
لميس خافت : وعلاش منتتلاقاش بيه ياربي راك عاقد عليا وانا معلباليش افففف فهمني نفهمك
بيلال يتهرب : صحاوواش معنتها هو بذات
لميس : باسك يفهمني
بيلال : هههه منوقتاش
لميس : 😒😒
بيلال : ايه صح من قتاش السيد معندكش شهر تعرفيه
لميس : وي عندي شهر وانا نعرفو على الاقل عطاني قيمة وقف معايا جامخافش وقالي يدا تكوني معايا مشي ......
بيلال : كملي ....مشي كيما انا
لميس : معلباليش ... تعيش منيش قادرة نزيد نهدر رجعني بيلال تعيش
بيلال : شوفي لميس انا صح معنديش الحق ندخل في حياتك وبالاك تشوفيني مهبول نتصرف هكا بصح انا الحاجة كي نبغ....
جاحايكمل صونا تيليفون تاع لميس ، قعدت تسب داخلها وهو تاني
بيلال : ارفدي
لميس شافت شكون لقاتها يماها
ليلى : الوو لميس
لميس : وي ماما واش كاين وشبيه صوتك
ليلى : ارواحي وين راكي
لميس : خرجت نشم شوية هواء مع صحبتي ، واش كاين كشما صرا لمروة
ليلى : ............
_____
في جيهة اخرى فسبيطار كانو كامل لتم يسناو يمدلهم طبيب تسريح باش يشوفو مروة واولهم امين شافو فرملية دخلت لعندها شوية وخرجت تعيط ...طيبيب ....طبيببب ، جاو كامل وامين والباقي تهلعو وقعد يقولولها واش كاين .... جاالطبيب ومعاه الفرمليات دخلو ومبع خرجوها يجرو بيها فسرير هادا ،،، امين مشوكي حكم فرملية
امين : واش كااااين ياالرب فهميني واش بيها مروة
فرملية : صرالها نزيف في راصها لازملها عملية بالخف مسيو تعيش اطلقني نروح
امين ترخف يدو شد راصو بيديه وطاح فالأرض دار رلصو بين رجليه وقعد صدمة
سفيان : ياربي بنتي ياربي اشفيهالي ياربي كون معاها ياربي
كريب شد قلبو وطاح فالكرسي : ااااه اااه قلبي ياللله راح ليه سفيان ومرتو ريم يعاونو فيه داوه لبيت وهتمو بيه ( اف يقلق كامل علجالك ودوك قلبي قلبي 😒 مديروش عليا هع هع هع 😂 )
المهم قعدو كامل شادين قلوبهم ويدعو ايمان ريم وليلى صفية علجو يبكو ورجالهم يسكتو فيهم ........... ( حسبتلكم حنا تريحي تندبي نتي والحيط كيف كيف 😭🙂)
_____
نرجعو للميس قالتلها ليلى واش صرا غللقت التيليفون وهي مخلوعة وبدات تبكي
بيلال : واش كاين لميس لمييس ، .. شدها من يدها
لميس : م.. م... مروة دخلوها للعمليات صرالها نزيف فراصها ، ب... بيلال راني خايفة كشما ي...يصرالها
بيلال عنقها كانت تبكي وتترعد : اشششت خلاص متبكيش.....مروة قوية وراح تتجاوزها علبالي متخافيش وفي عوض راكي تبكي ادعيلها
لميس قعدت تبكي وهو معنقها ويمسح على شعرها .... شوية بعدت عليه
بيلال : خلاص امسحي دموعك وليتي حمرة
لميس : هيا نرجعو تعيش
بيلال : هيا اطلعي
طلعو ورجعو لسبيطار
بيلال : اهبطي نتي ادخلي دوك نڨاري طونوبيل فكاش بلاصة ونلحقك
لميس : اوك ، ودخلت عندهم لقات الحالة باين بكا ❌بكا ، شوية وزاد دخل بيلال لاقالو واحد لتما
.?...????. : بيلال
بيلال : اهلا دكتور
....???.: : وشراك
بيلال : نحمدو ربي ونتا
...... : لاباس حمدلله ، واش علاش موليتش ليا ياك قتلك عاود ولي
بيلال : والله مراني حاب نزيد نكمل حاب نخليها على ربي وخلاص
.......: بصح يا بيلال ياوليدي هادي مفيهاش لعب ونتا مراكش في حالة تسمحلك تستنا لازم تبدا العلاج
بيلال : نشالله نشالله راني نجي ، دكتور انا نخليك بقا على خير
........ : مع السلامة وبالاك متوليش ولا راني نتصرف تصرف اخر سمعت باباك راهو صاحبي
بيلال : لالا تعيش غير متخبر حتى واحد
......: لالا راني غير نقصر بضح اوعدني تجي
بيلال : نشالله
خلاه وراح لعندهم . ⁉يادرا شاكاين وبيلال وشبيه ?? اقتراحتكم بنات !!

.. ______...
قعدو عام وهوما يسناو "نقصر ساعتين برك 🙄 " خرج الطبيب
امين : تعيش بشر
الطبيب : متخافش راهي مليحة قدرنا نوقفو النزيق والمريضة قوية الله يبارك راح نراقبو حالتها ويلا منا لغدوة نشالله بقات حالتها مليحة وفطنت تقدرو نخرجوها من الكومة ونديروها في غرفة عادية وطبعا تقدرو تشوفوها
،،،، فرحو كامل. وعنقو بعضاهم اما امين ولا ببكي من الفرحة
[ زعما نلقا واحد يبكي عليا اهئ اهئ 😭😂 ]
المهم
______
راحو كامل بعد ماطمنو على مروة وبقا معاها امين وسفيان بابها ،،،،
______
لميس دوشت وتكسلت في بلاصتها قعد تخمم :
زعما واش كان حايهدر ياربي النحس الزهر لي عندي اواه انا زهري كليتو فالخبز اهئ اهئ ، بعتلها نسيم ميساج يدا نعطليك قاتلو وي ، شوية وعيطلها
نسيم : وي سلعة
لميس : واش واش
نسيم : ههههه نقصر برك ، واش العسل 😋
لميس : اححممم 😒
نسيم : نقصر برك واش الزين 😊
لميس : واقيل انا نروح نرقد خير
نسيم : ههههههه خلاص خلاص اني نقصر والله حابك تضحكي برك
لميس : والله ماني حابة نضحك راني قانطة افففف
نسيم : علاش وشبيك احكيلي ، صح واش صرا ليوم كاش اكشن
لميس : سامط ، قالو اكشن مااكشن ماولو صرا انو ..........وحكاتلو واش صرا
نسيم : هههههه معندكش الزهر والو ههههه
لميس : زيد زيد اضحك استشفا استشفا
نسيم : خصارة عليك نورمال ياقلبي نهار اخر علبلالي مبقاش بزاف ويهنيك ويقولك ياو نحبك ا
لميس : خلاص غم عليا
نسيم : صح لميس نسيت مقتلكش ليوم
لميس : واش كاين
نسيم : غدوة anniversaire تاعي وحبيتك تجي حانديرها في مطعم شباب ياك تجي
لميس : وعلاش نجي
نسيم : اهاااا هادي الهدرة العيانة وشبيك نسيتي خطتنا ، وزيد بلا هادي.راكي دوك amis تاعي متخافيش منطولزش هيا والله نفرج كون تجي
لميس : صحا غدوة لعشية باسك صباح نروحو لمروة نسيم : مشي مشكل لعشية وجدي روحك ونجي نديك ، بصح لميس. لازم تكوني زلة اه بلاكي
لميس : اصلا انا زلة وزيد علاش
نسيم : نتي واقيل عندك الزهايمر ياربي علجال احم احم لي نبغيها انا طرم طرررم
لميس : ههههه اوك اوك فهمت هيا انا نخليك نروح نرقد
نسيم : bn8 زين
لميس : سامط باي
نسيم : هههه باي باي سلام
______
Günaydın 💙🎤
صباح جديد عند ريم
ريم : هيا مهددددي نووووووض
مهدي : ريم كون مجيتيش اونسانت نجيبك تحتي ونرقد والله متنوضي للعام الجي خليني نرقد ( بلاكو تخمامكم يروح بعيد علبالي فهمتوها .... اصطغفر الله 😒😂قصدو يعهنقها ويرقد باش متقدرش تنوض )
ريم : هههه جايح نوووض
مهدي : هاني نضت
ريم : زيد نوض دوش ولبس خف باش نروحو
مهدي : ارواحي هنا 😊
ريم : علاااش مفيكش لامان منجيش 😊😂
مهدي : تندمي
ريم : هاه قولي منتم وعلاش حتى نجي
مهدي : باش تشوفي
ريم : واش نشوف يقول
مهدي : خلاص والو روحي ، راحت لعندو وقعدت قدامو
ريم : هاني جيت واش
مهدي : هههه ، جبد باطة ومدهالها
ريم : 🙄😕
مهدي : افتحيها ، فتحتها لقات فيها مفتاح ، رفداتو
ريم : واش هادا
مهدي : مفتاح دارنا الجديدة حنا وولادنا نشالله
ريم : صح مهدي شريت دار ، وعلاش هداوين تقولي
مهدي : درتهالك سوربريز ولبارح كونت حانقولك ونديك تشوفيها بصح شفتي واش صرا الله غالب اليوم بعد مانروحو لسبيطار نديك تشوفيها وتمديلي رايك عندي بزاف وانا نوجد فيها و معلباليش يدا تعجبك
ريم : 😊🥺 يعمري باينة تعجبيني ربي يخليك ليا نحبك
مهدي : ويخليييك ليا وانا نموت عليك 😚
عنقو بعضاهم ممبعد لبسو وهبطو لقاوهم كامل واجدين شربو قهوتهم وراحو كامل للسبيطار زادو لقاو سفيان ومرتو وسي كريم ،،،،،،