نولو عند ريم ومهدي 😔
وصلو لوتيل هبطو من الطونوبيل مهدي رفد لي فاليس تاعو وتاع ريم وسبقها وريم تمشي بلعقل باسك راهي بلاغوب وصلو للغرفة دخلو وريم قعدت فوك السرير ومهدي حط لافاليس ودخل لادوش
ريم : اااااوف ياربي جوز هاد الليلة على خير منيش حابا نهدر معاه اااااه ياريم وين وصلتي
خرج مهدي لابس شوغت وملفوقق عريان وينشف في شعرو راح ياكل وريم تخزر فيه
مهدي : تبقاي تخزري فيا راكي مطولة
ريم فطنت على روحها : قالولك راني ميتا عليك واقيل
مهدي خزر فيها خزرة تقتل ريم خافت ومبعد هدر
مهدي : زيدي كثري مع جدي الهدرة نتفاهم معاك
ريم : منيش خايفا منك وزيد مدرت والو باش نخاف نتي لي راك تاكل فروحك وحدك
مهدي تقلق وراح ليها شدلها يدها وزير عليها
مهدي : شوفي يكفي تزوجت بيك بسيف عليا تسما مكلاه تزيدي على قسامي ياك منيش ناقصك
ريم وجتها هدرتو تعمرو عينيها بالدموع نحات يدها من يدو وراحت تجري للدوش غلقت الباب نحات لاغوب بالبكا وفتحت الما وقعدت تبكي..... مبعد شوية مسحت دموعها لبست بيجاما وجدتهالها إيمان خاطرش علبالها لافاليس تاعها فيها غير المعري
لبستها وخرجت وشعرها خلاتو نشفاتو شوية وطلقاتو وخرجت لقاتو مريح فالفوتاي يتفرج
راحت تكسلت فالسرير وبكات شوية مبعد رقدة من التعب ..... مهدي ناض شافها راقدة قعد يخزر فيها مبعد غطاها وتكسل قدامها ورقد
بلاصة بععععيدة في فرنسا عند سيرين ....ياك شفيتو عليها الهدرة بالفرنسية بصح ترجمتها
سيرين : اه واش راك تهدر
سامي : إيه هوما تزوجو ونتي ريحي مقابلتني هنا
سيرين : دوك نوريلك يامهدي شكون هيا سيرين هكا خليتك يومين تزوجت والله ندمك سامي احجزلي تذكرة لغدوة نهبط lalge
سامي : اوك كيما تحبي
* نشرحلكم شوية سيرين سافرت لفرنسا يامات ومعلبالهاش بزواج حتا لليوم و *سامي * هو صديق تاعها برك
نروحو لإيمان كانت مريحا حتا صونا تيليفونها
إيمان : الو
يانيس : الووو سلام
إيمان : شكون معايا شون نتا
يانيس : هههه انا يانيس ياك تلاقينا ليوم فالعرس
إيمان تفكراتو : مين جبت نيميرو ديالي
يانيس : ميهمش مشي حاجة صعيبة عليا كيفاش راكي صفا
إيمان : راني لاباس بيا ودوك حانكوبي ومدابيك متزيدش تعيطلي داكوغ منيش ملبنات هادوك ياك
يانيس : علبالي علبالي إيمان والله صح عجبتيني وراني ناوي الخير مدابيا كون نتلاقاو ونهدرو خير من التيليفون
إيمان : لالا مكاش كيفاش
يانيس : تعيشي إيمان والله مانجوزو نص ساعة
إيمان : سامط نتا قتلك لالا باااي ..... وكوبات عليه وقعدت تضحك
غد منداك صباح عند ريم ومهدي ....ريم ناضت ملقاتش مهدي مهتمتش راحت غسلت ودارت قهوة مبعد لبست حوايجها هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
حب الرماد
Short Storyأنا حين ... اعتدت عليك💖 أحببت الحياة....💖 باتت الأيام جميلة....💖 وأبحث عن الغير بكل قلب شغوف....💖 وروح تهوى لقاءك ....💔😪 أنا منذ أن اعتدتك ..💛 صارت السعادة مستقرا لقلبي ...💙 والطمأنينة توأم روحي الصادقة..... 🎀🔮 أحببت الدنيا منك....�...
