حب الرماد

بارت 💞20💞

ريم جات حاتهدر طلعت راسها تخلعت : مهدي مهدي بالاك مورررراك
مهدي جايدور خبطو واحد بحطبة في ظهرو مهدي شد ظهرو وشد راسو داخ , جاحا يزيد يضربو هداك.السيد بصح مهدي حكمو رمالو الحطبة وضربو بدبزة طاح السيد دار لريم يحاول يفتحلها الحبل وهو دايخ حتى طاح وقعد يسيلو دم
ريم مربوطة و تبكي : مهديييييييي مهدي نووووض 😭😭 مهدييييييي عاونوناااااااا مهديييييي
______

فالطونوبيل قاعدين يسناو فيه
أمين : جماعة والله كون دخلنا معاه مشي خير تقلقت عليه طول
يانيس: ياك الرجال كامل قضينا عليهم تسما بقى يجيب مرتو ويخرج عيب تشوفهم يعنقو فبعضاهم ياخو
أمين : جايح حق ربي 😒
بيلال : واش الخاوة نعاودو ندخلو
أمين : نوض , يانيس نتا ريح هنا عس كشما يصرا
يانيس : روح خو عليا

عاودو دخلو بلعقل حتى لحقو قريب للبيت سمعو ريم تعيط وتبكي طلعو يجررررو لقوها مزالت مربوطة ومهدي طايح والراجل هداك بدا يفطن , أمين راح يجري لخوه
أمين : مهدي مهدي ,ويخبط فيه فوجهو باش يفطن
مهدي مهدييي
بيلال كان يفتح لريم فالحبل غير فتحلها ترمات على مهدي تعنق فيه وتبكي : مهددي نووووض نوووض مهدي أمين دير حاجة دم راهو يسيح في راصو

أمين : متتقلقيش نتي راكي مليحة مدارولك والو
ريم : مليحة برك شوف مهدي تعيييش
بيلال : هيا أمين عاوني نرفدوه نوض اتحرك
أمين : شوف قبل نفروها مع هادا لي فطن (( السيد لي ظرب مهدي فطن ووقف ))
بيلال تبسملو تبسيمة صفرا : صباح الخيييير
ددددددب طاح دزدربق ششششخ
عطالو بوكس في وجهو طاح ديراكت

رفدو مهدي وطلعوه فالطونوبيل وريم معاه داوه لسبيطار وعيطو لابوليس حكمو رجال منير لي كانو حابسين ريم ومنير تاني رجعوه للحبس ومهدي راهو متابع قضائيا بتهمة تهريب سجين برك كي راهو فسبسطار ميقدروش يدوه ,,,,, لحقو لتم ودخلوه للعمليات وريم غير تبكي , شوية وزادو جاو العايلة كامل (( تعرفوهم بلا مانقولهم كامل🐸 ))
مروة وإيمان يبكو ويجرو لريم
مروة : رييييييم
وعنقو بعضاهم ويبكو مسكتوش
لميس تبكي كي شافت ريم قدامها مشيانة ووجها مذبال : يبعدو خلوني نعنقها توحشتها
بعدو في 2 وعنقتها بالبكا , بعد ماكملو عنقت ليلى وسي نذير تاني بعد نديب دام ساعتين 🙂😂 سقساتهم على صفية قالولها راهي فدار عيانة محبوش يقلقوها ويزيدو عليها خلي حتى تريح , حكاتلهم ريم واش صرا وقعدو يسناو العملية تخلاص ساعة وخرج طبيب
ريم : كيفاش راهو مهدي
الطبيب : أنعم تجاوز مرحلة الخطر
ريم :أووووه حمدلله الحمدلله ياربي
الطبيب : كان عندو جرح غي راسو ونزف دم بزاف لكن سيطرنا على الوضع وراهو فغرفة
ليلى : حمدلله ياربي نحمدك ونشكرك لي رجعتلي وليدي
ريم : نقدر نشوفو دكتور تعيش
الطبيب : نتي برك ملازمش بزاف الغاشي ومطوليش عندو
ريم : متخافش
ااطبيب : تبعيني
داها للشومبر تاعو دخلت شافتو مكل رلبومسمو على راسو طاحو دمعاتها وقربت ليه شدت يدو وقعدت
ريم : مهدي عمري متأمنش شحال توحشتك مهدي تسمع فيا مهدي
قعدت تبكي وحطت راسها على يدو شوية حست بيدو تتحرك طلعت راسها شافتو يفتح فعينيه بلعقل
مهدي : ر...ر..ريم
ريم ناضت : هاني ياروح ريم مهدي راني معاك
مهدي خزر فيها شافها تبكي طلع يدو ومسحلها دمعتها : متبكيش ديجا راكي مذبالة كي حبت طوماطيش لي عندها عام فالفريجيدار
ريم ظحكت وهي تبكي : توحشتك
مهدي : أرواحي عندي
ترمات عليه وعنقو بعضاهم وهي تبكي مبعد تكسلت معاه وهي يلعبلها بشعرها
ريم : مهدي مرانيش واجعاتك هكا خليني نوض
مهدي زير عليها : لالا ريحي هكا راني مليح
ريم : ........
مهدي طلعلها راسها بيدو : مصرالك والو مدارولك والو
ريم : لالا راني مليحة
مهدي : و..وو , مقدرش يهدر
ريم فهمت حطت يدها على كرشها : وليدنا مزالو هنا مهدي راهو يكبر حط يدك
مهدي فرح من قلبو وأخير رجعتلو ريم ووليدو لابس عليهم حط يدو على كرشها الصغيرة , مبعد عنقو بعضاهم ورقدو
____
شوية دخل الطبيب لقاهم هكاك فطنت ريم كي تفتح الباب ناضت حشمانة
الطبيب : لازم ندير كونطرول سمحولي ديرونجيتكم
مهدي : معليش متعاودهاش برك
ريم دارت لمهدي بخزرة تاع أحشم هو ضحك : لالا نتا لي سمحلنا دكتور
مخدي مهدي : دكتور وقتاش نقدر نخرج
ريم : الله مزالك مريض وحاب تخرج
الطبيب : بعد يومين تقدر تخرج نشالله
مهدي : اه اوووو بزاف على كون نزيد دقيقة نهبل نخرج دوك
الطبيب : مزالك عيان مكاش كيفاش مسيو
مهدي: كاين شكون يتهلا فيا خليني نخرج برك ,غمز لريم 😉
ريم :😊😊😶😳
مهدي عرفها حشمت : 😂😂😂 هيا دكتور نخرج
الطبيب : داكور بصح ارجع للرنديوف باش نعاود نشوفك
مهدي : اوووك
ريم : انا نخرج نغسل وجهي ونجي منطولش
مهدي : اوك روحي

<<<<<<<<

ريم غسلت رجعت لقاتهم كااامل عندو فالبيت
مهدي : هيا خرجو خلوني نبدل هيااا
ليلى : كيفاش تخرج هكا مزالك تعبان
مهدي : اهاااا اودي راني مليح يايما
ليلى : علبالي راسك يابس مالا نخرج خير
خرجو وريم جات خارجا جبدها مهدي وقعد ساكت حتى خرجو ڤاع
مهدي : وين بيها نتي نسيتي بلي مرتي
ريم : لا منسيتش
مهدي : اممم هيا عاونيني نلبس
راحت جابت ساك لي جابتلو فيه لميس حوايج وقعدت تعاون فيه وهو راخي روحو بلعاني ويخزر فيها
ريم : أطلقني بعينيك خليني نعرف نخدم ياو
مهدي : توحشتك تساليني 😍
ريم قربت من وجهو : لا منسالكش بص...
قبل ماتكمل باسها بوسة خفيفة فشواربها
مهدي : كملي ولا نزيدك 2 هيا
حشمت وكملت تعان فيه لبس تريكو فلزرق وبونطاكوغ جين مقطع وقف وعنقها
مهدي : هكا مليح
ريم : وشن لي مليح
مهدي : التعنيقة مقبيل كنت مدوخ ومتكسل محسيتش روحي شبعت
ريم ضحكت وعنقاتو كملو رومنسياتهم وخرجو وديراكت لدار الليل , ليلى يمات مهدي كامت حادير عشى بصح قالها مهدي حتى نريح
كانو قاعدين فصالون ريم دوشت وقعدت قدام مهدي وهو معنقها قدامهم ني حشمة ني حيا
ريم : مهدي حابا نشوف ماما
مهدي تزير قلبو : غدوة ريم نديك لعندها
مهدي : وين راحت
مهدي : راحت لداركم لقديمة
ريم : كيفاش خليتوها تروح وحدها
مهدي : خلاص ريم والله راسي راهو يوجع غدوة نقولك (( بلعاني ))
ريم تزير قلبها عرفت يماها مراهيش مليحة وراهم يخبو عليها بصح سكتت وتدعي في قلبها تكون مليحة
لحق الرقاد رقدو أبطالنا في أحضان بعضهم البعض 😂😛
غدوة منداك ناضت ريم قبل مهدي دوشت ولبست وهبطت لتحت لقاتهم كامل لتم يشربو فالقهوة
ريم قعدت : صباح الخير
الكل : صباح النور
ليلى : ريم بنتي رقدتي مليح
ريم : الحمدلله يما
ليلى : الحمدلله ياربي ومهدي ناض ?
ريم : مزال راهو عيان
ليلى : خليه يرتاح
لميس : ريم شينتي كولي حببتي تردي صحتك
مروة : وي صح كولي حبيبتي
ريم : هاني ناكل , قعدت تلعب بالماكلة.وهي قلبها مزير على يماها لبارح مرقدت مليح من المنامات
ليلى : بنتي ريم معليش نسقسيك
ريم : انعم تفضلي يما
ليلى : حفيدي مزالو , حكمها البكا
ريم تبسمتلها : إيه يما مزالو عايش وراهو يكبر
ليلى فرحت وفرحو ڤاع : يوووووويويويويويوويوييييييي زغرتت

هبط مهدي : اووو واش هاد تزغريت مع ااصباح هادا ڤاع فرحة كي نضت , وقعد قدام ريم
ليلى : لالا مشي علجالك علجال حفيدي
امين : حرڤة فالشباب 😂😂
مهدي : بلع نتا 🙂😒 رما عليه مغرف
قعدو يضحكو كامل

______
شوية وخرجو ريم ومهدي بسيف باش قبلت ريم يوصلها قاتلو راك مريض يديني امين بصح هو محبش وكان حاب يقوللها فالطريق باش تستوعب حالت يماها
_______

هاااااااي بناااات🙋
شتأتلكم بزاف بزافات والله
علبالي راكم زعفانين مني قتلكم نحبسها بصح كانت كامير ا كاشي هع هع هع هع 😂🐸
المهم واش رأيكم فالبارت زين ولا لاء
أطفاعلو يامهبولات نبغيكم باااي 😉😛😛😍