حب الرماد

بارت 💞26💞

لميس دخلت بيناتهم : صح عندو الحق مبيناتنا والو علاش راك تتصرف هكا ( لميس بلعاني هدرت هكا )
نسيم سڤم حوايجو وشاف في بيلال بإنتصار
بيلال : مدخليش روحك نتي لميس
لميس : نسيم تقدر تروح
نسيم : بصح نتلاقاو ممبعد ولا كيفاش
لميس : اوك روح برك
بيلال : واش معنتها اوك
نسيم غمز لبيلال لي شداتو لميس كان حايزيد يصربو وخرج
لميس : نتا لي واش دخلك فيا وبواشمن حق تهدر عليا هكاك
بيلال : لالا قوليلي عجبك الحال نتي اهدري
لميس : اااوه ونتا علاش نهمك انا باش راك تهدر هكا بيلال : مشي هاذي هدرتنا دوك والله يالميس ونسمع تلاقيتي بيه نتفاهم معاك
لميس حبت تزيد تهدرو : بيلال منسمحلكش تدخل فيا بيناتنا خدمة برك متخطاش حدودك
بيلال : صار هكا مالا صحا روحي تلاقي بيه وتشوفي شايصرالك
لميس : معندك مادخلك فيا كنت محتارماتك لصح نتا زدت عليها عجبني صفا هكا ونزيدلك نتلاقا بيه
بيلال مولاش يشوف قدامو حكمها من يدها وجبدها حتى خبطت فيه ولاو يتنفسو نفس واخد وقلوبهم تضرب ف 100
بيلال : لميس مترديش الهدرة ومزكريش مزال متعرفينيش كي نتقلق والله نلقاك هدرتي معاه ولا شفتيه تشوفي واش ندير ماتلومي غير روحك
لميس خافت بصح محبتش تبين نحات يدها من يدو : معندك مادخلك ندير واش نحب منسمحلكش تدخل فيا ، وخرجت
طلعت فالطونوبيل قعدت تعيط من الفرحة والزعاف في نفس الوقت : يااااااه جايح سامط غار بصح حابة نفهم علاش مراهوش حاب يهدر لالا لميس نتي حمارة مايحبك ماوالو راكي تتخايلي ، نوضت طونوبيل وراحت ،
عند بيلال لي كان يغلي من القلق قعد يخمم حتى تحرق راصو غلق الحانوت وخرج ،

______
بعد نهار شباب لي جاز ومحسوش بيه وصلو لبلاصة لي تلاقاو فيها صباح باش مروة ترجع لدار
مروة : هيا نا نخليك تهلا في روحك وكي تهدر مع ماما ليلى عيطلي
أمين : مرانيش حاب نخليك ونروح هيا نهربو منا كلش سامط كي متكونيش معايا
مروة جاها البكا : الله غالب ياأمين شوف ياك قتلك بالاك كي نفهمو الحكاية نسيو نحلوها ، وعلبالك بلي منقدرش نوقف في وجه جدي في خاطري صبر شوية
امين شدلها يدها وباسها : وانا علجالك راني ساكت 😚
مروة : ربي يخليك ليا
أمين : ويخليك ليا
مروة : هيا انا طولت نرووح ، هي جات هابطة شافت جدها واقف ويخزر فيهم وعينيه حمورا من الزعاف جمدت في بلاصتها ، اكين شافها هكاك خزر وين راهي تخزر مخافش بصح خاف على مروة ، هبطو لزوج وراحو عند
كريم : وليتي تكذبي عليا علجال هذا
مروة : ا..اسنا نفهمك جدي ان....
كريم : ششششت ولا كلمة ، شدها من يدها وجبدها موراه ، وانتا مشي قتلك متقربش من حفيدتي قول اهدر
امين : متنساش بلي راهي مرتي منسناش حتى تسمحلي باش نشوفها يكفي راني ساكت كيي راهي عندك
كريم : والله ماتحشم وتهدر في وجهي ، شوف والله ونزيد نسمع بلي هدرت معاها ولا قابلتها نتفاهم معاك بالاك نزيد نشوفك هنا هيا روح روح ، وجبد مروة وراحو ،
امين خبط طونوبيل برجلو قريب تكسر مبعد طلع فالطونوبيل ديركسيون لدار باباه باش يفهم لحكاية اليوم قبل غدوة ،،،،، بعد نص ساعة وصل لقاهم كامل لتم دخل مقلق
امين : شوفو ياواحد يفهمني الحكاية ياوالله ندير تصرف ميعجبكمش
ليلى ناضت ليه وكامل يخزرو وكشي فاهمين ااحكاية
ليلى : وشبيك وليدي واش صار
امين : سقسي ماني بلاك هي تتكرم وتفهمنا
نذير : يما واش كاين واش راهو صاري
علجو : ...........
ريم : متقلقش روحك بابا متنساش صحتك
نذير دارلها براصو تاع صحا
مهدي راح لأمين : ريح امين وفهمنا
قعدو كامل
امين : حكالهم كامل واش صرا
ليلى : هذا كامل صاري وانا لا خبر امين
امين : حكيتلكم دوك واش صرا واحد فيكم يفهمني واش صرا قبل 50 سنة وواش سبب العداوة
علجو ناضت بالزعاف : نتا متفهمش قتلك مهما تفهم مراكش راح تقدر توقف في وجهو ،
امين ناض وبالعياط : فهميني برك وممبعد ساهل
نذير : قصة طويلة امين ممبعد يماك تفهمك
ليلى : إيه أمين غلق الحكاية دوك ممبعد وتتحل مراكش تشوف صحة باباك متستحملش العياط والزعاف ، هيا نوضو تتعشاو
امين : مناكلش يما راني في بيتي كملي ورواحي ، وطلع والباقي رحو ياكلو
_______
مروة كي لحقت لدار بهدلها جدها وهي تاني هدرت مبعد سكتها باباها طلعت وقعدت تبكي دخلت دارت دوش وبدلت حوايجها وتكسلت تستنا في امين يعيطلها ،
_____
كان مريح يخمم متكسل فوق سرير تاعو حتى دقدق الباب
أمين : أدخل
دخلت ليلى : مزال مرقدتش امين
أمين ناض وسڤم روحو : ارواحي يما مزال راني نستنا فيك
دخلت ليلى وقعدت قدامو : ريحت شوية تهدنت
أمين : راني مليح يما تقدري تهدري لازم تفهميني
ليلى طلقت تنهيدة طويلة : صحا دوك نحكيلك ، عايلة مانك ياك علبالك كانو يسكنو فالدوار ومانك كي كانت صغيرة كانت تحب واحد وهو تاني يحبها وديما كيف كيف لكن هاد الشي باين كان بتخبيا على ناس كامل لخطر كون سمعو بيهم راك تعرف شاقادر يصرا
امين : إيه كملي يما
ليلى : إيه كانو ئحپو پعضاهم كثر من كلش وكانو تاني يتلاقاو بالسرقة وكانو واعدين بعضاهم انهم يكونو ﻻبعضاهم ومتفرقهم حتى حاجة غير الموت
لگن تعرف انو كاين ناس متحبش لبعضاها لخير ايا بيعو لبابآت جداتك لي كي سمع غضب بزاف وتقلق وكان حاپ يقتلها ﻻجداتك ضربها وحبسها من القراية وحتى خوالها وعمومها عندهم مدارو فيها من ضرب وتبهدايل وووو
أمين : وهذآ لي كانت معاه وتحپو هو نفسو سي كريم ياك
ليلى إيه هو , نكملك بعد يامات راح بابت مانك ليها وقالها ياتتزوجي بولد خالتك ينقتل هذآك الكلب وواحد مايسمع بيه ، هو مقلهاش باتتروجي بوليد خالتك يانقتلك نتي باسكو كون قالها هكاك كانت راح تفضل الموت ولا تدي راجل منغير كريم ، ايا مانك قبلت وتزوجت وسافرت وجات هنا للعاصمة ومنهذاك الوقت مزادتش سمعت على كريم ولا شافتو ، وعلى هاذي كريم كرههم وكره العايلة اكل وراهو يتصرف هكذا
امين يسمع ومخلوع في حكاية مانو : هذا كامل صرا كون نديروها مسلسل والله يجي فور ، بصح كريم مسياش يحوس عليها ولا يتزوج بيها هو
ليلى : باينة حاول بصح باباها مقبلش ، وحرڤ الدنيا كامل بصح هي راحت ليه وقاتلو متزيدش تحوس عليا وانا مكنتش نحبك ونحب ولد خالتي وراح نتزوج بيه ، وهو بعد هذي الهدرة خلاص تحطم وقريب هبل ممبعد يماه ماتت من الخلعة عليه خاطر خطفوه عموم مانك وحاولو يقتلوه وصرات عداوات ومضاربات معندهاش نهاية ولتم نتاشرت القصة وباينة هذا يتسما عندهم عار كبير علبيها رحل جد مروة وعاود حياتو من جديد وكره عايلة مانك
امين : ونتي شكون حكالك هذي الحكاية
ليلى : مانك هي حكاتلي بكري كي تزوجت بباباك
امين : صحيتي كي حكيتيلي يما ربي يخليك ليا
ليلى : انا درت لي عليا وفهمتك دوك نتا وشطارتك ترجع مرتك
امين : صحا بصح تعاونيني
ليلى : باينة هاذي هيا انا نخلبك راني تعبانة نروح نريح
امين باس راصها : روحي يما تصبحي بخير وربي يخليك ليا
ليلى ويخليك ليا يا نور عينيا تغطا مليح وسلملي على كنتي ياك 😉😂
امين : 😅 يبلغ يما
خرجت ليلى وهو تكسل وقعد يخمم فالحكاية الأسطورية تاع مانو وجد مروة وكيفاش راح يحلها
شاف تيليفون يصوني مروة كوبا وعاودلها حكالها كلش وهي مخلوعة كيما هو قعدو يهدرو يخممو في حل حتى طلع الصباح............✨🌹
___
فالليل كانت داخلة لبيتها بكاس ماء في يدها وكانت نعسانة دخلت وغلقت الباب شافت تيليفونها يصوني حطت الكاس وراحت رفداتو شافت نيميرو غريب راحت تربعت فالسرير وتخمم ترفد ولا نن
مبعد حطاتو محبتش تربوندي قعد يعاود ويعاود حتى قررت تريبوندي
لميس : ألوو
........: ألووو لميس ( صوت راجل )
لميس : وي شكون معايا
.......: ههه معرفتينيش
لميس : بلا هدرة زيادة شكون نتا معنديش وقت
......: متقلقيش انا نسيم
لميس : شكون نسيم ،
نسيم : اتفكري تلاقينا ليوم
لميس : قعدت تتفكر حتى تفكراتو تخلعت , وي تفكرتك مي منين جبت نيميرو ديالي شكون مدهولك !!!!!
نسيم : ساهلة متنسايش انا نخدم في هادو العفايس وفهمك يكفي
لميس : واش تسحق وعلاش عيطتلي
نسيم : منطولش عليك حاب نحكي معاك واش رايك غدوة نتلاقاو
لميس : وعلاش نتلاقاو نشالله
نسيم : نتلاقو نفطرو كيف كيف ولا نشربو قهوة كيما تحبي
لميس : معنديش وقت دزولي ودوك بون وي ني عيانة ومدابيك متزيدش تعيط
نسيم : اسناي اسناي متكوبيش
لميس : واش
نسيم : تعيشي خمي قبل وغدوة نبعتلك بلاصة يدا حبيتي نتلاقاو واسمعي نسحقك في عفسة والله نيتي مليحة
لميس : قول واش تسحق دوك منجيش
نسيم : هدرة مشي تاع تيليفون svp .نتلاقاو ونقولك ، ايا نخليك bn8
لميس : bn8
حطت تيليفون وبعد شوية بعثلها نسيم موقع البلاصة لي يتلاقاو فيها شافتها وحطت تيليفون
قعدت تخمم لميس ممبعد تفكرت بيلال سيات تنحيه من مخها تكسلت وبعد عذاب رقدت
_____

لميس تهدر
بعد تخمام طويل قررت نروح ونقابل نسيم ونشوف واش يسحق معلباليش واش راهو يستنا فيا وصلت للبلاصة ڨاريت الطونوبيل ودخلت كان مطعم على شط البحر صغير وشباب دخلت وقعدت نحوس بعينيا عليه حتى شافني ناض وانا رحت ليه
نسيم : صباح الخير
لميس : صباح النور ، وقعدو
نسيم : مزية جيتي
لميس : معنديش بزاف وقت نسيم اهدر واش تسحق خليني نروح
نسيم : متقلقيش مزال الحال والهدرة طويلة نشربو حاجة لالا
لميس : نشرب قهوة
نسيم : واحلى قهوة 😉
عيط لسارفور جابلهم 2 قهاوي
لميس : ودوك متهدرش
نسيم : بون حبيتك اول حاجة قوليلي يدا كينة حاجة بينك وبين بيلال
لميس : ههه ونتا واش دخلك ، جابلي ربي حاجة ماخصكش.لالا
نسيم : يعني انا عندي la réponse بلي مكاين حتى حاجة مي حبيت نزيد نتأكد برك هه
لميس ناضت ورفدت ساك تاعها : نتا راك تتمسخر وانا حسبتك صح تسحق حاجة important نروح خير
نسيم ناض وحكمها : تعيشي متروحيش مزال مكملتش هدرة تاعي
لميس قعدت : ازرب
نسيم قعد : 😈😈