حب الرماد

بارت 💞31💞

بعد ماوصلو كامل وقعدو يسناو في نتيجة لي راح يقوللهم عليها الطبيب عند بيت تاع مروة
امين : 😳😳😳 مهدي مهدي
مهدي جا ليه : واش بيك
امين : شوف شوف مروة راهي تفطن فتحت عينيها شووووف
جاو كامل يطلو عليها
مهدي : والله غير صح 😍😍
ريم : ياعمري ، وبدات تبكي مالفرحة
مهدي : نروح انا نعيط لطبيب ونولي
كريم : حمدلله ياربي حمدلله ياربي
ليلى عنقت لميس وايمان مع ريم سفيان مع كريم فرحو كامل
شوية وجا مهدي مع الطبيب دخل يفحص فيها هدر معاها وهوما يشوفو شوية وخرج
امين : بشر كيفاش راهي
الطبيب : حمدلله ياربي حالتها تحسنت وتقدرو تشوفوها بصح قبل ننقلوها لغرفة عادية ومبعد ساهل ،
امين : ايه خلاص حمدلله. ياربي
مهدي +سفيان + كريم : يعطيك الصحة دكتور
الطبيب : واجبي بلا مزية
___****
بعد شوية خرجوها وداوها لبيت عادي ودخلت فرملية ومدتلها دواء وخرجت
امين : خلتص نقدر ندخل نشوفها
الفرملية : وي بصح وصاتني قاتلي منشوف حتى واحد منغير امين
سفيان : كيفاش هذا منشوفش بنتي
كريم : اتهدن سفيان راهي مريضة بلعقل هي تقرر شكون تشوف ، سكت
دخل امين وخلاهم ياكلو في بعضاهم ،لقاها مغمضة عينيها قرب عندها حط يدو على شعرها فتحت عينيها
امين : حمدلاه علا سلامتك ياروحي
مروة : يسلمك ، باسلها راسها
امين : كيفاش راكي تحسي روحك دوك عندك سطر
مروة : اممم شوية في راسي ورجلي
امين : هاي مدتلك دواء دوك يحبس سطر ، متأمنيش شحال خفت عليك
مروة : واش صرا محسيت بوالو كي كنت طالعة دروج وليت نشوف ضلمة بعدها مشفيت لوالو
امين : خلينا منتفكروش خير مهم دوك راكي مليحة
مروة : وي 😊
امين : كون مشي راكي مريضة نعنقك ، بصح خلي حتا تريحي مش حاب نزيد عليك
مروة بفشلة : ههههه ايه
امين : مراكيش جيعانة
مروة : عطشانة برك مدلي نشرب
امين : من عيوني ، وجابلها كاس ماء وعاونها تشرب ورجعو وقعد معاها فسريرها وحطلها راسها على صدرو وشدلها يدها.......متحبيش تشوفي باباك....جدك ... ??
مروة : منيش حابة نشوفهم هوما الزوج الباقي نورمال قولهم يدخلو بصح امبعد دوك ابقى معايا نتا
امين : كيما تحبي هاني معاك اصلا منزيدش نبعد عليك......وباسلها راسها ...وقعدو محضنين بعضهم.........شوية رقدت سقمها في بلاصتها وخرج
.....
مهدي : كيفاش راهي
امين : حمدلله حمدلله
ريم : واش قاتلك ندخلو نشوفوها
امين : قاتلي نتوما ادخلو كي تنوض شوفوها باسك رقدت ، اما .....خزر في سفيان لي عينيه حمورا وسي كريم تان ......مراهيش حابة تشوفهم
صفية : عندها الحق بعد واش صرالها كامل
مايا : مسكينةوالله
لميس : مكتوب ربي المهم هي دوك راهي مليحة الباقي كلش يتحل
مايا : وي صح
امين : نروح نجيب شوية حوايج لمروة ونجي هاديك هي تكون فطنت ندخلو كامل نشوفوها مهدي ارا مفاتح طنوبيلتك
مهدي : علاش مشي راك بالموطو واشبيها
امين : ياودي طاحتلي اومپان
مهدي : اااا صحا ....جبد مفاتح ورماهملو ....حكمهم وخرج ، وزاد خرج سفيان ومرتو مقلق ....اما سي كريم فبقا لتم قعد يخزر في علجو وهي تخزر فيه وكأنهم يحكو بنضراتهم انهم هوما السبة في واش راهو صاري .....خرج برا غمض عينيه وتنفس الهواء بارد مبعد حط يدو على قلبو شوية وحسها وقفت قدامو
علجو : مزالك متبدلتش
كريم : مشي انا لي نتبدل ، هاذي الصفة تابعا ليك مشي ليا
علجو : راسك يابس ومزتفهمش ، خزر فيها مقلق
علجو : هييه عندي الحق مزالك مراكش حاب تفهم وشاد صحيح فهدرتك وحقدك لدرجة تعماو عينيك وشوف واش درت فالأولاد
كريم : مدرت والو .....الحاجة لي درتها كانت خوف على حفيدتي برك خفت تتعذب كي حالتي خفت يصرالها واش صرالي وخاصة من عايلة كيما نتوما ديروها عادي
علجو : يا عبد الله اسمع الحكاية ممبعد قرر واحكم مشي تروح تحكم من راصك
كريم : معندي مانسمع لي فات فات صاي منقدروش نرجعوه
علجو : خليني نهدر ، انا عمري مانسيتك وعمري ماحبيت غيرك وعمري ماتمنيت نكون لغيرك ياسي كريم انا مخلفتش بوعدي غير هكاك كان الشي بسيف عليا كلش بسيف عليا جبروني باش نتزوج بغيرك كي سمعو بحكايتنا وقالولي ياتتزوجي يانقتلوه ، وانا منقدرش نفرط فيك ونخليهم يقتلوك ولايمسو شعرة منك كنت نتا الروح ونتا النفس لي نتنفسو تزوجت وقتلك هكاك غير باش تكرهني وتبعد على مكامش بغرضي نخليك ... قلت نتزوج ونسي عايلتي ومبعد نهرب ونجي لعندك بصح سمعت بلي بظلت البلاد وملقيتش ليك اثر كعرفتش واش ندير غير نستسلم لحياتي ونكملها خاصة بعد مافقدت الامل باش نلقاك ......مسحت دمعة هبطت من خدها فيها كامل الوجاع تاع السنين لي فاتو وراحت وخلاتو واقف مدهووش من هدرتها وهو لي حسبها بدلاتو ونساتو وتخلات عليه
📎📎📎📎📎
كان قاعد فحانوتو يرحي فالدخان ويخمم فضلام لي راهو حاط روحو فيه مشي قادر يصارحها.... مشي قادر يقولها نحبك ....وبأعلى صوت .....ويكون معاها..... علاش ديما تفسد في وجهو علاش هو بذات يصرالو هكا ...شايفها مع غيرو بصح مقادر يدير والو اصلا ردت الفعل تاعو وراهي بسيف لازم يخليها تعيش حياتها لازم ميطمعهاش فيه لازم ميدخلش لحياتها ويخرج ويخليها محروقة علبالو تحبو وعلبالو تعشق فيه برك راهي تزكر ودير هكا باش تقويه يعترفلها
بيلال : بصح اااااااااه يا لميس متقدريش تعرفي بلي راني حاب نقولها كثر منك ...... مكتوب ربي
كان يجبد فالدخان مبعد تخنق مقدرش يرجع النفس بدا يسعل يسعل يسعل يسعل يسعل يسعل وجهو ولا حمرررررر وعينيه بالدموع حط مشوار على فمو وبدا يسعل حس عمرو وروح لي داخلو حاتخرج رجعلو النفس قعد فالكرسي جبد المشوار من على فمو وشافو كي العادة مشافش حاجة جديدة غير انو زاد
شاف الدم وكثر من لي كان يشوفو قبل كان يشوف قطرة زوج بصح دوك كثر ......تنهد رفد لمفتاح ديالو وغلق باب الحانوت وخرج.....💔

******
دقدقت قتلهم ادخلو دخلو كامل ليها
راحت تجري ليها ريم : حمدلله على سلامتك ياروحي
مروة : يسلمك حبيبتي
ايمان : كلبة خوفتينا عليك ...وباستها
مروة : ههه نتي ديركت بديتي بالشتائم يستناي نريح مبعد سبيني
ايمان : بلعي بلعي كي تريحي نمدلك طريحة مشي
مروة : هههه
مايا : حمدلله على سلامتك مروة كيفاش راكي تحسي فروحك ... وباستها
مروة : حمدلله ...cvcv
زادو سلمو عليها صفية نذير وليلى لميس ومهدي بعدها قعدو يقصرو باش ينحو شوية على مروة دخل سي كريم سكتو كامل مروة خزرت فيه دمعو عينيها ودورت وجهها
كريم : معليش تخلوني شوية وحدي مع بنتي...خزورو كامل في مروة وهي مدورة وجهها باستها ريم وقتلعا في ودنها : متعييش روحك بالهدرة اسمعيلو ومبعد احكمي راهوو حتى هو خاف عليك .....داؤتلها براسها اوك ، تبسمتلها وخرجو كامل تقدم سي كريم وباسلها راسها
كريم : حمدلله على سلامتك ياروحي
مروة بلا متخزر فيه : يسلمك ( مكانتش متكسلة فسريرها كانت كشغل قاعدة فهمتوني ياك هاربي 😂🙂)
كريم : خوفتينا عليك
مروة خزرت فيه بإستهزاء : هه صح شوية امنتك
كريم : مروة بنتي علبالك بلي درنا هذا الكل علجال مصلاحتك ، وزيد كون شفتلك الخير معاهم منجيبكش لعندي ونبعدك عليهم
مروة : وشمن خير ، نتا مزالك شاد الحقد تاعك من قصة عندها 50 سنة ولا كثر معندي حتا ذنب لا انا لا امين فيها علبالك بلي نحبو ويحبني علاش تبعدونا على بعضانا كيف مابعدوكم نتا وعلجو بكري حتى شوف واش صارلي
كريم :سمحيلي يابنتي علبالي غلطة بصح ديري في بالك بلي درت كلش علجال مصلاحتك ....وناض باش يخرج ...
_____
جا امين سقساهم يدا دخلو شافوها ومبعد جا داخل قالولو بلي سي كريم راهو لداخل تقلق
امين : كيفاش هادي خليتو يدخل مهدي ياك وصيتك مراهيش حابة تشوفهم 😡 ....وجا داخل لبيتها
مهدي شدو من يدو : اسنا وشبيك مقلق حب يشوفها من حقو راهو محروق عليهاياو وزيد هي خلاتو يدخل ويهدر معاها اتهدن ..... هوما هكاك حتى خرج كريم حزيييين وعيان في وجهو ودموع في عينيه خزر في امين ....وراح امين غاضو بصح قسح قلبو ،،. دخل عندها حط الحوايج لي جابهملها وراح عندها
امين : كيفاش راهي حبي
مروة : حمدلله وين رحت
امين قعد قدامها : رحت شريتلك شوية حوايج وماكلة وجيت ياك مطولتش
مروة: اممم شوية برك
امين : هههه مزية لي شوية مشي بزاف
مروة: وقتاش نخرج
امين : بعد غدوة نشالله صباح هدرت مع الطبيب
مروة : نشالله
امين : علبالك بلي توحشتك ولا لالا
مروة : معلباليش 😊
امين : امممم زعما
مروة : امممم ايه
امين عضها من خدها : وهكا 😋
مروة : اي اييييي سامط خدي طيرتو ياو نسحقو
امين : مام انا نسحقو وزيد راني جيعان هديك هي شبعت 😋😚
مروة: 😒 مممم نوض نوض جيبلي ناكل انا راني جيعانة ......
امين 😂😂..... وناض راح جابلها تاكل
في جهة اخرى كانت رايحة لتولات حتى سمعتصووت جاي مالبيت صوت تعرفو مشي غريب عليها قربت تسمع حتىعرفاتو شكون حطت يدها على فمها مصدومةمن واش راهي تسمع حست الدنيا دارت بيها ..
......: وعلاشياوليدي ياك قتلك خبرهم
_______: منقدرش صعيبة عليا يادكتور
______: مشي صعيبة قدر ما راح يتوجعو نهار يعرفو بلي كانو لازم يوقفو معاك ومخليتهمش في ياماتك اللخرين
______: اااااه معليش على الأقل منعذبهمش معايا ويشوفوني نتعذب وميقدرو يديرو والو
______: مراحش يقدرو يديرو حاجة لأنو المرض راهو في حالة متقدمة لكن يقدرو يوقفو معاك في العلاج يكونوسند ليك
____: معليش دكتور انا راني حاب هكانخلوها على ربي
______: سبحانو هيا نوض لازم نبداو تبعني
ناض معاه وهي غير سمعتهم خارجين راحت تجري للتولات غلقت الباب وبدات تبكييييييي .......??

هالاو حلوفات نشالله تكونو ملاح شوفو هاني هبطت 3 بارت علجالكم بصح يدا ملقتش تفاعل منزيدش نهبط 🐸 والو والو 🙊 كومونتيو وجمجمو ياك نحبكم 😚😚