الموظفون ينظروف له بابتسامة و يتهامسون عليه و هو يمشي بسنهم ليدلف الي مكتبه
ادم و قد دلف الي مكتبه ضغط علي زر لتدلف اليه السكرتيره
السكرتيره: افندم ادم بيه
ادم: اندهيلي حازم بسرعه و خليه يجيب الموظفه الجديده معاه
السكرتيره: حاضر ادم بيه اي اوامر تانيه؟
ادم: لا شكرا اتفضلي انتي
خرجت السكرتيره من مكتب ادم و دقائق و دلف حازم اليه
حازم: اخيرا صحيت و جيت مش عوايدك يعني تتاخر و تروح عليك نومة
ادم: مش عارف ازاي مسمعتش المنبه يمكن علشان امبارح نمت متاخر… المهم فين الموظفه الجديده؟
حازم: بره… ثواني
علي حازم صوته و هو ينادي علي الموظقه الجديده "رحاب"
دلفت رحاب الي المكتب بدلع
كانت رحاب ترتدي ملابس غير لائقة بالعمل ابدا
كانت ترتدي چيب تصل فوق الركبه بكثير و شميز ابيض مفتوح الازرار من فوق و چاكت اسود قصير مفتوح… و تضع الكثير من المكياچ
نظر لها ادم بشمأزاز من منظرها
ادم: طيب تقدر تخرج انت يا حازم… بس قولي الشركة الفرنسيه هتيجي امتا
حازم: هتيجي الساعه 10
ادم: تمام اتفضل انت
خرج حازم من مكتب ادم
تقف رحاب بابتسامة دلع امام ادم… وادم يسند ظهره علي الكرسي و يتطلع اليها
ادم بنبره جاده: اسمك؟
رحاب بصوت رقيق و دلع: رحاب
ادم: سنك؟
رحاب: 25 سنه انفع؟
ادم بشمأزاز: نعم؟
رحاب: احم اقصد يعني سني ينفع للشغل مش كده؟
ادم بنبره جاده: انتي مكتبك هيبقي هنا (شاور علي اوضة جوه اوضة مكتبه) وتقدري تقولي انك هتبقي دراعي اليمين مش. عارف ازاي بس ده المفروض… مواعيد الشغل هيبقي من الساعه 6 الصبح لحد ما وخلصي شغلك الي هو في حدود الساعه 1 ولو لسه قدامنا شغل هتفضلي قاعده… انتي هنا في تدريب لمدة 10 ايام هشوف لو شغلك تمام هتكملي لو مش تمام هتتفضلي… بحبش اي تقصير في الشغل و مبحبش الغلطات و الكلام الي بقوله مبحبش اقوله مرتين
رحاب: تمام يا ادم.. احم اقصد ادم بيه وانشاءالله انول اعجاب حضرتك
ادم باستغراب: نعم!؟ ت ايه؟
رحاب: اقصد يعني في الشغل
ادم: اتفضلي علي مكتبك
ذهبت رحاب الي مكتبها و عاد ادم الي عمله
_____________________________________________
في منزل ليلي
ليلي تجلس علي فراشها امام اللاب و امامها طبق فشار كبير… شعرها علي هيئة قططين يمينا و يسارا و ترتدي بچامة مرسوم عليها ارنب ممسكا ب جزره… تطلع الي اللاب و تاكل فشار… قاطعتها والدتها و هي تدلف الي غرفتها
سمية: يابنتي بقالك ساعتين حاطة وشك في اللاب ده قومي سعديني انا تعبت
ليلي وهي مازلت تنظر الي اللاب بتركيز: ماشي يا ماما
سمية: ماشي ايه بس… يابنتي فوقي كده و بصيلي و قومي بقي انا تعبت
ليلي و قد اوقفت ما تتفرج عليه و نظرت لوالدتها: نعم يا ماما خير
سمية: قومي بقي بقالك ساعتين بتتفرجي علي ايه
ليلي: بتفرج علي كرتون يا ماما وانتي فصلتيني
سمية: كرتون!؟ في واحده في سنك تتفرج علي كرتون و عاملة شعرها قطتين و لابسه ارنب!؟
ليلي: فيها ايه يعني؟
سميه: لا ابدا مفهاش حاجة… يارب صبرني
ليلي: يا ماما انتي بتقطعيني في اهم حته علشان تقولي يارب صبرني… عايزه ايه يا وليه انجزي عايزه اتفرج علي الكرتون
سمية: قومي ساعديني في توضيب الشقه… و بعدين انتي مش قولتي هتروحي تقدمي في الشركة؟
ليلي: اولا شويه و هقوم… ثانيا موضوع الشركة ده الوظيقه اتاخدت
سمية: طيب يلا بقي قومي وضبي اوضتك و حصليني علي بره
ليلي وهي تعود للاب مره اخري: ماشي ماشي
