ليلي باستغراب: مستر ادم!!!؟؟
ادم بابتسامة و هو يجلس امامها: يادي مستر ادم دي… مش قولنا برا الشغل اسمي ادم وانتي ليلي
ليلي تجاهلت الي هو قالو: خير حضرتك عايز ايه بعد ما هنتني و رفدتني
ادم: ده انتي مضايقه اوي بقي
ليلي: خير يا مستر ادم
ادم: تاني مستر؟ المهم ياستي جي اقولك انا اسف
ليلي: علي ايه و ليه
ادم بجديه: انا عرفت كل حاجة
ليلي: عرفت ايه؟
حكي لها ادم عن ذهاب والدتها اليه و ما قالت له
ليلي: و حضرتك جي تقولي ده ليه
ادم: عارف يا ليلي اني غلطت و اتسرعت لما رفدتك و فكرت غلط بس انا كنت متعصب و انتي الي كنتي قدامي و طلع فيكي غير ان كلام الحيوان ده عصبني اكتر… انا اسف
بكت ليلي و سكتت… مسك اد ايديها و قال: ليلي متزعليش مني انا اسف بجد مقصدش
سحب ليلي ايديها سريعا و قالت ببكاء: انا مبكرهش في حياتي قد مصطفي ده… انا تعبتت ورايا في كل حته وانا خلاص زهقت… الله اعلم هيعمل ايه تاني
ادم: انا عندي حل
نظرت له ليلي: ايه هو
ادم:……………..
ليلي بصدمة: وانت ليه تعمل كده؟ لا انا مش موافقه
ادم: منا حكتلك و فهمتك كل حاجة
ليلي: مش عارفه… مش عارفه يا مستر ادم
ادم: بلاش مستر دي بقي… عموما شوفي و فكري و قوليلي… وهترجعي شغلك تاني
ليلي: لا اسفه
ادم: ليه
ليلي: لان الي حصل ده حصل قدام الشركة كلها اترفدت قدام الشركة و كلو فهم و لو رجعت هيقولو عليا معنديش كرامة
ادم: ملكيش دعوه انا هحلها
ليلي: ازاي
ادم: ملكيش دعوه… لما تيجي الشركة هتعرفي… ممكن بقي نطلب اتنين قهوه نشربهم سوا بدل قهوتك الي بردت دي
ابتسمت ليلي… وطلب ادم من الجرسون اتنين قهوه و جلسو يتحدثون الي ان عاد ادم الي المنزل و عادت ليلي الي منزل اختها و كل منهما يوجد سعاده كبيره في قلبه
_____________________________________________
رجعت ليلي الي المنزل مبتسمة و جلست بجانب شقيقتها والتي كانت تجلس امام التيليفزيون و علي قدمها طبق كبير من الفشار تاكله بشراهه
ليلي بضحكة عاليه: يابنتي كفااايه الواد هيتحشر جوه من كتر ماهو هيتخن من كتر اكلك
ساره بضحكة ساخره: هاهاها خليكي في نفسك يا مسلوعه… و بعدين تعالي هنا مالك يعني راجعه مبسوطه اوي كده غريبه…. ثم غمزت لها بعينيها
ليلي: هحكيلك يا زنانه
وحكت ليلي ما حدث لشقيقتها و قررت ان تعود الي منزلها
_____________________________________________
عاد ادم الي منزله مبتسم و سعيد للغايه اتصل بحازم صديقه
ادم: فينك ياعم
حازم: لسه مخلص شغل اهو و مروح
ادم: ياااه كل ده مكنتش خلصت
حازم: مش سبتها فوق دماغي و مجتش يا اخويا
ادم بضحكة: ههههههه علشان تعرف بس من غيري تضيع
حازم :اه يا خويا… المهم انت فينك روحت ل ليلي؟
ادم: اه روحت
حازم: لا طب انا جيلك بقي نحكي بالتفصيل جهز الغدا يا باشا
ادم: طفس طول عمرك
حازم بضحكة: بحب اغذي نفسي ههههههههههه
