(بعد ساعة ونصف في الغرفه)
حازم: انا عارف انه مش وقته خالص بس بالمنسبه السعيده دي انا طالب ايد الانسه ملك
نظرت له ملك بصدمة و خجلت من نظرات جميع من حولها
والد ملك: مش وقته يابني احنا في المستشفي
حازم باصرار: يا عمي انا بحب ملك و عايز الكل يعرف و مش حابب فكرة اننا نتقابل منغير ما انتو تعرفو انا عايز كل حاجة تبقي باينه قدام عيلتها كلها علشان منبقاش بنعمل حاجة غلط
اعجب والد ملك بتفكيره و نظر له: وانا معاك يابني في تفكيرك ده... بكره تعالي البيت و نتكلم
ابتسم حازم و نظر لملك: وانا موافق
____________________________________
(في فيلة ادم و ليلي)
استيقظت ليلي ابكر من ادم فنظرت له و قبلت جبينه بهدوء ثم نهضت دلفت الي الحمام لترتدي ملابسها و تركت الي ادم ورقة بجانبه ثم خرجت واخذت سيارتها وانطلقت
استيقظ ادم يمد يده ليحتضن ليلي وجد مكانها فارغ فأفتح عينيه وجد ورقة مكتوب فيها
(صباح الخير يا حبيبي... انا نزلت علشان محتاجة اشوف كام حاجة قبل ما نسافر.. الفطار موجود في التلاجه)
نهض ادم و اغتسل ثم توجه الي الثلاجه بكسل ليخرج الاكل و بعد انتهائه جلس ينتظر ليلي لكنها لم تعد بعد ف نهض يتجه الي المطبخ ليحضر شئ يشربه
عادت ليلي لتدلف الي الداخل سمعت صوت يأتي من المطبخ ف اتجهت اليه لتجد ادم يقف يعد شئ ما اتجهت اليه و احتضنته من الخلف دافنه رأسها في ظهره
ف لف اليها ادم سريعا و احاطها بين ذراعيه و هي تحيط خصره بذراعها دافنه راسها في صدره فربط ادم علي شعرها
ادم: عامله ايه
ليلي بصوت متحشرج: الحمدلله
استغرب ادم صوتها: مالك؟
نفت ليلي براسها و اخذت تضم نفسها اليه وهي تتذكر ما حدث
ضمها ادم اليه اكثر و ربط علي شعرها و اقترب من اذنها يتحدث بهمس: في حاجة حصلت
تذكرت ليلي ما حدث ف نزلت دمعه من عينيها لكن ادم لم يراها فرأسها مدفون في صدره
(FLASH BACK)
استيقظت ليلي و اردت ملابسها و اخذت سيارتها و انطلقت متوجهه الي المستشفي فهي اصبحت تشعر بألم حاد في صدرها و تشعر كما ان الدنيا تدور من حولها واصبح الموضوع يتكرر كثيرا ف اتجهت الي المستشفي لتعرف ما بها
دلفت ليلي الي الطبيب و طلب منها تحاليل بسبب شكه في امر ما
فعلت ليلي ما طلبه منها الدكتور ثم عادت له بالتحاليل
