في المطعم
توجهت ملك الي ليلي لتحتضنا و تصافحها ثم صافحت ادم و تجاهلت حازم
حازم ببرود: اهلا يا انسه ملك شايف ان نظرك ضعيف و مشوفتنيش
نظرت له ملك بلامبالاه: اهلا
ثم جلسو يتحدثون في الكثير من الامور تحت النظارات المتبادله بين ملك و حازم
وفي اثناء حديثهم رن هاتف حازم برقم محمد صديقه ف رد حازم
محمد: جبتلك معلومات البنت الي اسمها ملك
حازم: قول
محمد: ساكنه في كومبوند (****) و بنت عيله كويسه اتخرجت من قريب من كليه هندسه بس بتشتغل بعيد عن محالها خالص فاتحه كافيه هي صاحبته بس بتحب تشتغل فيه و باباها عنده شركة كبيره في مجال الهندسه و اخر حاجة رقمها (***********)
نظر حازم الي ملك التي كانت تتحدث الي ليلي و قد ادرك انها صاحبة ذلك الكافيه وليست تعمل به فقط
حازم: طيب تسلم يا محمد تعبتك
محمد: ولا تعب ولا حاجة ابقي طمني عليك… سلام
ثم اغلق الخط و نظر الي ملك ثم اكملو حديثهم
ملك الي ليلي: تعالي نطلع الدور التاني نقف في البلكونه شويه
ليلي: تعالي… ادم انا طالعه اقف مع ملك فوق شويه
ادم: تمام
صعدو الي الطابق الثاني ف تحرك حازم و جلس امام ادم الذي كان ينظر الي ليلي الي ان اختفت من امامه و سرح بها
حازم: الي واخد عقلك
فاق ادم: عايز ايه
حازم: بتحبها ؟
تنهد ادم و قال: مش عارف
حازم: مينفعش… انت لازم تبقي اتخطيت مرحلة معرفش دي انت بقالك كتير معاها لازم تبقي عرفت مشاعرك
ادم: عايز تقولي انك عارف مشاعرك تجاه ملك
حازم: تفرق
ادم: ف ايه
حازم: ف ان انا و ملك علاقتنا سطحيه انا لسه متعرف عليها في فرحك اه منكرش اني مشدود ليها و ساعات كتير بفكر فيها بس مقدرش احدد ده انبهار بالشخصيه ولا اعجاب ولا حب ده غير اني مبشوفهاش انما انت ليلي مراتك و غير اني خارج من علاقه انت عارف الي حصل فيها… تفرق في كتير اوي
