في المول عند ليلي و ملك
ملك بتعب: يابنتي لفينا المول 100 مره و مجبتيش حاجة تعبتت
ليلي بغيظ: ماهو مفيش حاجة عدله يعني اعمل ايه
ملك: ونبي في حاجات كتير انتي الي ذوقك غريب مبيعجبكيش العجب
ليلي: اتكتمي يا ملك انا اعمل الي انا عايزاه هو انا العروسه ولا انتي و بعدين ما تلفي معايا وانتي ساكته انتي تطولي اصلا
همت ملك علي الرد ولكن اوقفهم عن شجارهم رنين هاتف ليلي و كان المتصل ادم
ليلي: ده ادم
ملك بحماس: طب افتحي افتحي و سمعيني
فتحت ليلي الخط وقالت: الو
ادم ممازحا: صاحيه ولا نايمة كالعاده
ليلي بضحكة: صاحيه اهو
ادم: امم و ايه الدوشه دي انتي برا ولا ايه
ليلي: اه انا في المول بجيب شوية حاجات و معايا ملك صحبتي بس مجبتش حاجة و تعبت مش لاقيه حاجة حلوه خالص
ادم: طيب بصي انا كده كده كنت عايز انزل اجيب حاجات تحبي اعدي عليكي نجيب الي انتي عايزاه ولا صاحبتك تضايق
نظرت ليلي ل ملك التي كانت اذنها لازقه في التيليفون لكي تسمع ما يقوله ادم و اومأت براسها لليلي بحماس دليل علي الموافقه
ليلي بتردد: اممم لا مش هتضايق ولا حاجة هستناك تعالي
ادم بابتسامة: تمام ربعايه بالكتير و ابقي عندك و اول ما اوصل هرنلك نتقابل
ليلي: تمام
ثم اغلقو الخط و نظرت ليلي ل ملك وجدتها تكاد تقفز من الفرحه و الحماس
ليلي بضحكة: مالك يابت فرحانة كده ليه
ملك: اصلي هموتت و اتعرف عليه ف اهو اخيرا هشوفه و نطلع فيه تفصيله تفصيله
وبعد حوالي اقل من ربع ساعه وجدت ليلي هاتفها يرن و كان ادم المتصل بالطبع ثم وصفت له مكانها و اتي لهم و بدأ بالحديث
ادم: اتاخرت عليكم؟
ليلي: لالا خالص… اعرفك دي ملك انتيمتي
صافح ادم ملك: اهلا بحضرتك
ملك بابتسامه: اهلا بيك ليلي حكتلي عنك كتير
نظرت لها ليلي بجانب عينيها بنظره حادة و وجنتها تشتعل خجلا بينما نظر ادم الي ليلي وجدها علي هذا الحال من الخجل و ابتسم
ادم بضحكة: يارب تكون جايبه سيرتي بالخير بس
ملك: طبعا طبعا كل خيير
قهقهو سويا ثم وجه ادم حديثة الي ليلي
ادم: ها بقي ياستي ايه الي مش عاجبك و ايه الي عايزه تشتريه اصلا
ليلي وهي تزفر الهواء: كنت جايه اشتري لبس بس بجد مش لاقيه اي حاجة حلوه خالص
ادم: طب اهدي كده و تعالي نلف سوا اكيد هتلاقي حاجات تعجبك ولو مفيش حاجة لفتت نظرك تعالي نروح اي مول تاني في اماكن كتير
ملك: سيبك سيبك في حاجات حلوه كتير هي بس الي بتحب النكد
ادم بضحكة: اهلاااا هي من اولها نكد ده لسه حتي ملحقناش نكتب الكتاب
ليلي بغيظ: بقي انا نكديه منك لي طب امشو بقي انا هدور لوحدي
همت بالرحيل ولكن اوقفتها يد ادم وهو يقول: خلاص خلاص حقك علينا ميبقاش قلبك اسود كده
ملك بضحكة: وحياتك ده مش اسود بس ده واخد وشين بويه محترمين
قهقهو الاثنين و ليلي تكاد تنفجر غيظاً و لاحظ ادم ذلك
ادم وهو يحاول كتم ضحكة: خلاص انتي هتنفجري ولا ايه وشك احمر كده ليه بنهزر معاكي تعالي تعالي نشوف حاجة تجيبيها
ثم دخلو الي محل ما في المول ثم امسك ادم فستان باللون الزهري يصل علي بعد الركبه بالقليل
ادم: صدقيني ده هيبقي حلو عليكي
ليلي باعتراض: بس يا ادم اللون ده فيا مش بيليق خالص
ادم: طب ممكن تجربيه بس ولو معجبكيش خلاص
ملك: ما تخلصي يا زفته بقي جربيه مش هتنقصي ايد في البروڤه يعني
اخذت ليلي الفستان بضيق و قالت: حاضررر اوووف
ابتسم ادم علي طفوليتها و ظلو ينتظروها و بعد حوالي ثلاث دقائق خرجت ليلي و هي ترتدي الفستان
اقترب ادم منها بانبهار: تحفةةة
ملك بفرحة: شكله تحفة عليكي تحفة
ادم: ده مكنش عاجبك ازاي بس و تقوليلي مش بيليق فيكي
ليلي بتردد: بجد حلو؟ اصلي مش بحسه لايق فيا خالص
ادم: بقولك تحفة هناخده غصب عنك اصلا
ابتسمت ليلي: خلاص ماشي هغير واجي
ثم اخذوة و ظلو حوالي ثلاث ساعات يتمشون في المول و يقنع ادم ليلي كلما. دخلو محل بالملابس و يجعلها ترتديهم غصب ولكن تجد هي انه حقا يليق بها ثم انهو جولتهم و اشتري ادم بعض الاشياء و اشتري بليزر باللون السكري تحت الحاح ليلي و اتجهو الي السياره
ادم: ها ياستي كده جبتي كل حاجتك
ليلي: اه كده تمام بجد شكرا اوي غلبتك معايا
ادم: ولا غلبه ولا حاجة ها تحبو تاكلو فين
ليلي: لا احنا هنروح بيتنا و انت الي هتطلع تتغدا معانا علشان سمية لو ماكلناش معاها هتاكلنا احنا
ادم: طب هروحكم انتو بس مش هقدر اطلع
ليلي: لالا انت عايز سوسو تاكلنا ولا ايه ده انا لسه مكلماها ولما عرفت انك معانا وصتني لالا ده انا متوصيه علي الاخر
ضحك ادم: لا طلاما فيها توصيه بقي يبقي قولتيلي طريق بيتكو منين
قهقهو حميعا ثم انطلقو الي بيت ليلي و ما ان وصلو وجدو الصدمة جميعااا
