دخلت ليلي الي غرفتها و جلست علي فراشها و في يديها هاتفها…. ثم وجدت هاتفها يرن
ليلي باستغراب: مستر ادم! ؟؟في ايه
فتحت ليلي الخط
ليلي: الو
ادم: عامله ايه؟
ليلي: انا بخير الحمدلله… .خير في حاجة
ادم بتلعثم: احمم ااا لا مفيش ااا اه كنت بتصل علشان افكرك ب اجتماع بكره علشان بكره هنخلص العماره بتاعت شركة السياحة ف ضروري متتاخريش
ليلي: اه طبعا فاكره يا مستر ادم
ادم: مستر ايه بس احنا برا الشغل يا ليلي
ليلي باحراج: احمم برضو يعني
ادم: لا انا اسمي ادم و في الشغل ابقي قولي الي انتي عايزاه
ليلي بابتسامة: حاضر
ادم بابتسامة و صوت رقيق: يلا تصبحي علي خير
ليلي بابتسامة: و انت من اهله
_____________________________________________
عند مصطفي و رحاب
مصطفي: مش انتي قولتيلي انك بتشتغلي في شركة الساهر؟
رحاب: اه
مصطفي: في بنت هناك اسمها ليلي اتعينت جديد تعرفيها؟
رحاب بغيظ: اه الي اخدت مكاني في الوظيفة و بوظت كل الي كنت مرتباله… انت تعرفها منين
مصطفي: دي بنت حتتي و طلبت منها الجواز بالذوق مرضيتش يبقي نخليه بالعافيه… وانا بقي كنت عايزك تسعديني
رحاب بانتباه: ازاي يعني اعمل ايه
مصطفي: مش عارف بس في الاول كده موافقه ولا ايه
رحاب: طبعا موافقه… يعني انت عايز ليلي وانا عايزه ادم… حلو اوي كده
مصطفي: تمام فكري بقي نعمل ايه
رحاب: سبني اتكتك و اظبط و هقولك
ثم جلسو يتحدثون و يخططون الي ما يريدون الوصول اليه
_____________________________________________
