(في صباح يوم جديد)
استيقظ ادم علي صوت المنبه ففتح عينيه بصعوبه بسبب ضوء الشمس ثم اغلق المنبه سريعاً قبل ان تستيقظ ليلي لينظر الي المنبه يجد الساعه السادسه صباحا وكانت ليلي تنام مثل الاطفال داخل احضانه فهي متعبه من الليله الماضيه ف لم يدعها ادم تنام الي ان دقت الساعه الثالثه فجراً فنامت بين احضانه.
استيقظت ليلي علي يد تتحسس وجهها برقة ففتحت عينيها لتجد ادم ينظر لها بحنان ويده تتحسس وجهها.
تنهد ادم و تحدث بصوت متحشرج هامس: صحيتي
ضمت نفسها لحضنة اكثر: امممم بس نعسانه اوي.. الساعه كام؟
ربط ادم علي شعرها: الساعه 6:7 نامي شوية.. هننزل متأخر
ليلي: لالا انا صحيت اهو يلا
وجاءت لتبتعد عنه حتي تنهض لكنه سحبها وضمها اليه. فبقت هي تنام علي ظهرها وهو علي بطنه ضامماً اياها و راسه موضوعه علي كتفها
ادم: لا ريحي شويه احنا نايمين متأخر امبارح و مفيش حاجة مستدعيه اننا ننزل بدري، وبعدين هننزل متاخر علشان لما الكل يمشي هنقعد انا وانتي نظبط شويه شغل سوا علشان هناخد اجازه
ليلي باستغراب: اجازة ليه؟
ادم: هنسافر شهر العسل
ليلي: احنا كنا لسه في اجازه
حرك ادم راسه لتبقي علي صدرها: امممم بس دول كانو كام يوم بس و بعدين مروحناش شهر العسل
ليلي وهي تضمة: الشغل هيتكوم عليك مليش دعوه
ادم: مانتي يا شاطره بقي هتظبطي كل حاجة علشان ميتكومش عليا
نظرت له ليلي بذهول: مين دي انا؟؟؟؟ ولا اعرفك انت مين
ضحك ادم: بتبعيني يا لوليتا
ضحكت ليلي فأكمل ادم: معاكي النهرده و بكره تتشقلبي و تخلصي شغل الاسبوعين الي جايين
ليلي: بتهزر صح؟ قول انك بتهزر
ضحك ادم ثم رفع راسه قبل وجنتها: هنخلصه سوا
ثم نهض ليدلف الي الحمام يستحم سريعا ليخرج ادم بالبرنس يجد ليلي تنظم السرير و تخرج ملابس العمل
ادم: بتعملي ايه
ليلي: بطلع لبس... طلعتلي اهو و هطلعلك
ثم اخرجت له ملابس العمل: يلا البس بسرعه علشان متبردش وانا هستحمي بسرعه و انزل احضر فطار
ادم بخبث: مش كنتي تقولي كنا استحمينا سوا
احمرت ليلي خجلاً ثم ضربته في كتفه و اخذت ملابسها و دلفت الي الحمام سريعاً من خجلها و سمعت ادم يقهقه في الخارج
ارتدي ادم ثيابه ثم وجد ليلي تخرج من الحمام لينزلا سويا يفطرون ثم توجهو الي الشركة
اخذها ادم و دلفو الي مكتبه
