6

1.3K 206 24

by ji__aan

by ji__aan

Unicode

ဒုန်း !

" သေပါပြီ အင်ဆောင်းရ "

ခဏလေးသတိလွတ်လိုက်တာနဲ့ ကိုင်ပေါက်ခံလိုက်ရလို့ ကျောကမအီမသာ ။

ဂျူဟာတို့လို သင်ပေးနေရတဲ့ကလေးတွေနဲ့ဆို
အလျော့ပေးပြီး ကိုင်ပေါက်ခံတာနဲ့ ဘယ်တူမလည်းလေ ။

" ဂျောင်ဝန်း မင်းဒီနေ့ဘာဖြစ်နေတာလည်း "

အင်ဆောင်းက လှဲနေတဲ့ ကိုယ့်ကိုလက်ကမ်းပေးတော့ ဆွဲထလိုက်သည် ။

" မသိဘူး ဝှားး "

" ထူးထူးဆန်းဆန်း ငါ့ကောင်က အိပ်ရေးတွေပျက်လို့ ။ ဘာလည်း ရွှေတံဆိပ်လိုချင်လွန်းလို့ရူးကုန်ပြီလား "

သူ့ဘာသာထင်ကြေးပေးပြီးပြောနေတဲ့ အင်ဆောင်းကိုလည်းအပြစ်မတင်နိုင် ။
အိပ်ချင်တာသေတော့မည့်အပြင် နားကလည်း
ဒုက္ခပေးခံနေရသလို ။

~ ဘယ်လိုပဲဖြစ်ဖြစ် ဂျောင်ဝန်းနီးက ချစ်ဖို့ကောင်းပါတယ် ~

တော်ပါတော့ အခုချိန်ထိ နားထဲမှာ အဲ့အသံက
ဝဲနေမှဖြစ်မှာလား ။

" ဂျောင်ဝန်း ဟေ့ကောင် "

ပုခုံးကို နှစ်ချက်လောက်အလှုပ်ခံရမှ သတိပြန်ဝင်လာသည် ။ ယန်ဂျောင်ဝန်း တကယ်ကိုရူးချင်နေပါပြီ ။

" အင်ဆောင်း ငါ့ကိုနောက်တစ်ချက်လောက်ကိုင်ပေါက်ပေးစမ်း "

" အိပ်ချင်လည်း ခဏသွားမှေးလိုက် သေမသွားဘူး "

" မနက်ဖြန်မှ ပိုလုပ်တော့မယ် အခုတော့ သေတော့မှာပဲ သွားပြီ "

အင်ဆောင်းပုခုံးကိုတစ်ချက်နှစ်ချက်ပုတ်ကာ
Locker ခန်းထဲက ခုံတန်းရှည်ပေါ်လှဲချလိုက်တော့ ကျောရိုးအဆစ်တွေက သူ့အလိုလို ဖြေသာသွားသည် ။

ဒါပေမဲ့ အိပ်လို့မဖြစ်သေးဘူးဆိုပြီး
အားကစားရုံနဲ့မနီးမဝေးက ကော်ဖီဆိုင်ခဏသွားထိုင်ဖို့ ပြေးထွက်လာခဲ့သည် ။

ကော်ဖီဆိုင်လေးက အေးအေးချမ်းချမ်းနဲ့
သီချင်းသံအေးအေးလေးတွေလည်းဖွင့်ထားပေးတတ်သလို လာနေကြနေရာလိုပင်ဖြစ်နေတာကြောင့် ဆိုင်ရှင် အဒေါ်နဲ့ပါ အတော်ခင်သည်။