روايات واسكريبتات بقلمى: هند نور

حب عمرى منذ الصغر🐥🍯❤️❤️

=سليم استنى
-نعم خير يا حور
=هو انت بقيت تعاملنى كده ليه انا اسفه لو زعلتك وقولت الكلام ده انا كنت فكره انك
-انى ايه ها ردى فكرانى هحبك روحى بصى لنفسك احب مين انتى عبيطه انتى زى اختى وان شاء الله انا بكره هخطب

*بصيت ليه بدموع ازاى يهينى بالطريقه دى ويقولى كده ده هو إللى مربينى بعد ما بابا انفصل عن ماما وسابنى روحت سيبته ومشيت

*روحت ودخلت اوضتى وانا بعيط ازاى يهينى كده كان دايما بيجبر بخاطرى ومبيحبش حد يزعلنى كان بيقولى انى ست البنات جيت ابص فى المرايا مين دى اللبس اللى مكبرنى والنضاره الكوبايه والسلك اللى حوالين اسنانى وجسمى دى منظر واحده عندها ١٨ سنه دى كانها عندها فوق ال ٥٠ اعمل ايه محدش بيهتم بيا ولا حتى بيقولولى انى جميله ماما من ساعة ما سابت بابا وهى مهتميه بالشركه والسفر وانها تدخلنى كليه اداره اعمال والشغل والشركه واخدين وقتها كله ساعات بضايق انى ماما سيده اعمال وطول الوقت سايبانى مع خالتو ايمان هى إللى مربيانى وبتعلمنى وتذاكرلى ومهتميه باكلى وشربى ساعات بحسها هى إللى امى وسليم سليم كان كل حياتى كان ابويا إللى ربانى وبياخد باله منى ويلعب معايا ازاى يهينى بالطريقه دى وانا بعيط دخلت عليا ماما

ماما:حورر احنا مسافري...ايه ده بتعيطى كده ليه
حور بدموع واستهزاء:بعيط وانتى تفرق معاكى لا يا جيجى هانم كنتى جايه ليه
ماما:بنت ايه الكلام إللى بتقوليه ده وفى ايه
حور بعياط وصريخ:فى ااااايه لا ابدااااا فى انى روحت وقولت لاابن اختك انى بحبه فى انى حب عمرى هيروح يخطب فى انى وحشه فى ان محدش بيحبنى ومحدش بيحس بيا ومحدش بيحبنى غير لفلوسى فى انى تافهه ده انا معنديش صاحبه واحدة حتى انتى حياتك كلها شغل وسفر عمرك ماسألتى حتى عنى ده انا بحس ان خالتو ايمان هى إللى مخلفانى مش انتى
ماما بدموع:انا بعمل كل ده عشانك عشان اشوفك اكبر سيده أعمال احسن واحده ده انا بحبك أد الدنيا كلها مرضيتش اتجوز علشانك انتى بنتى وحياتى وفرحه عمرى احلى واحده
حور بدموع:مش احلى واحده يا ماما انا وحشه
ماما بضحك:انتى احلى بنت ملكه جمال عارفه واحلى عيون زرق وخدود ربنا عمرة ما خلق حد وحش ((كل نعمه ربنا جميله جدا ..بس بتبقا عامله زى الوردة كل ماتهتمى بيها بتحلو ..كل مابتهمليها بتدبل)) انتى بس عايزة اهتمام وتأخدى بالك من نفسك وانا هوريكى انتى حلوة ولا لا ان شاء الله هاخد اجازة من الشغل وهوديكى لأكبر دكتور عيون نعمل عمليه لعينك بدل النضارة ونفك السلك إللى على أسنانك وهوديكى اكبر جيم وهنشترى احلى لبس لاحلى البنات ولازم تنسى سليم وتهتمى بالمذاكرة هااا ياست موافقه وهاخدك بعد خطوبه سليم نسافر بره انجلترا
حور بفرح:طبعا موافقه بس معلش يا ماما عايزة اغير نفسى بعد مانسافر
•متاكده انك مش عايز....
=لا ياماما لازم احضر الفرح كده وخلاص لازم انسى سليم مش عايزه احسسه انه حاجه فى حياتى عايزة اتغير بعد مااسافر