روايات واسكريبتات بقلمى: هند نور

#تخاريف_اخر_الليل

=بس انا بحبك

_بطلى زهق بقا يامنه.... انا مبحبكيش

=أنا زهق يا يوسف...كل ده علشان بقولك بحبك

_ارحميني بقى شويه

=مهو انا مش هرحمك غير لما تحبني

_الحب مش بالعافيه يامنه

=طب صارحنى انت بتحب حد غيرى

_يابنتى انتِ هبله هو أنا بحبك اصلا علشان احب غيرك

=انت مش ملاحظ انك بتجرح مشاعرى

_وياريتك عندك دم

=طب جرب تحبنى والله هتنبسط...ده انا حتى كيوت وجميله واتحب

_منه انتى قمر وجميله وتستاهلى كل خير

=بالظبط كده ده انا شاطره جدا، وست بيت ناجحه، وحنينه على العيال، وجدعه، واسترونج اندبندت وامن، واتحب حبنى بقا.

_قام بعصبية_يووووووه بقي
انا غلطان اصلا اني جيت اقعد معاكي شويه......أنا ماشى

=يوسف استنى....طب حبنى طااااه....طب اى حاجه

*سابنى ومشى طب ايه زنبى أن احب واحد بارد زيه بحبه من وانا صغيره....هو انا علشان بحبه من صغري يذلني بالشكل دا.....انا كل ذنبي انا حبيته، بس لا خلاص هبطل احبه....
قلبي وجعني اوي من كلامه كل ال انا بعمله دا علشان بحبه  وهو مصمم يوجع قلبي ويتعبني معاه

*فضلت اسبوع قاعدة في اوضتي مبردش على تلفوني ولا خرجت من اوضتي اصلا
مرة واحده الباب اتفتح ولقيت فاطمه صحبتى دخلت بعصبية:-

-ممكن افهم انتي قافله تلفونك ليه....وبقالك اسبوع قافله على نفسك قلقتينى عليكي

=لا بقولك ايه انا مش ناقصه صداع ولا اي كلامة زيادة أنا فيا اللى مكفينى

_ماانا ياما قولتلك بطلى تحبيه...وانتى عقلك عقل الحمار مبيفهمش

=خلاص يافاطمه اسكتى بقا علشان تعبانه

_لا مش هسكت....انتى هبله، قولتلك مليون مره الاهتمام مبيتطلبش...وهو مش غلطان والغلط كله منك يا منه

=مني انا؟!
ليه هو انا اللى قولت لقلبي يحب واحد بارد زيه....ويتعلق بيه 
الحب عمره ما كان بايدينا يافاطمه

- الحب عمره ما كان بايدينا بس مشاعرنا هي اللى بايدينا وانتى اعترفتيله بحبك ليه وهو مقدرش حبك أو يمكن مش حاسس بحبك...انتى دايماً معاه، ودايما جمبه، بتاخدى رائيه فى كل حاجه، بتعمليلو حساب، بتقعدى بالساعات معاه على التليفون

=طب قوليلى اعمل ايه

-بطلى تكلميه، ابعدي عنه شويه....خليه يحس بعدم وجودك، تجاهليه خااالص، خليكى توحشيه واتقلى، خليه يحس انك فارقه معاه

=مش هقدر يا فاطمه مش هقدر والله....أنا دايماً ببقا عايزة أكلمه واشوفه...اول لما بيتصل بجرى على التليفون علشان ارد بعمل المستحيل علشان اكون جانبه

-لا هتقدري يا منه، ومش بمزاجك دا غصب عنك وانا مش هسيبك تكلميه بمزاجك او غصب عنك

* كنا قاعدين لقيت التلفون رن وكان هو اللى بيتصل مسكت التلفون وكنت هرد بس لقيت فاطمه سحبت التلفون من ايدي

-‏انا كنت لسه بقول  ايه وانتي عايزه تعملي ايه يا منه.... انا قولت مش هتكلميه يعني مش هتكلميه يا منه

*فات شهرين وانا بتجاهله تماماً... كنت في الاول مدايقه من عدم كلامي ليه...بس كنت عايزه اعرف اذا كان بيحبني ولا لا

*‏ كان بيحاول يكلمني دايماً، وبيتصل كتير...اول ما اعرف انه جاي عندنا كنت بحاول اتهرب منه انزل اتمشي شويه أو اروح  اقعد مع فاطمه، كان بيحاول يوصلي بس مكانش بيعرف

• كنت قاعده في البلكونة بشرب القهوة وبقرأ فى الروايه ومندمجه وفاجاه سمعت صوته....

_مبترديش عليا ليه، بتتهربى منى ليه يا منه

=يوسف

_طب كويس انك لسه فاكره اسمى ومنستهوش...مبترديش عليا ليه، وبتتهربى منى ليه

=انا بس كنت مشغوله شويه

_مشغولة ب اية بقي يا منه....دا انتي كنتي بتقرفيني كل شويه بكلمت بحبك دى، بمكالماتك ليل نهار، لوجودك جمبى، مكانش وراكي غيري

= عادى يعنى...يمكن قولت مقرفكش، وأبطل زن

_انتي زعلانه مني؟!

=زعلانه من ايه؟
انت كل كلمه قولتها كان معاك حق فيها...يمكن أنا فعلا كنت قرفاك، كنت فاكره انى بحبك...بس اكتشفت انى متعوده بس على وجودك جنبى....انا اسفه بجد على اني كنت بدايقك بحبي ليك.

اتكلم بصدمة وعصبيه:_ يعنى انتى مبقتيش تحبينى....علشان كده بعدتي وبتحاولي تخرجيني من حياتك

*وراح سابنى ومشى.

❤ عدا اسبوعين كان كل يوم ياجي.... علشان يقعد معانا....ويتكلم معايا وساعات كان بياخدني ويخرجني...انا كنت برفض بس هو اللى كان بيصر اني اروح معاه كنت طول الوقت بقلل كلام معاه او امسك التليفون واتجاهله ودا كان بيعصبه وهيجننه....بعمل زى مافاطمه قالتلى

*فى يوم أصر انى اروح اخرج معاه....كنت مبسوطه جداً باهتمامه ليا اللى زاد وأنه كل شويه يعترفلى بحبه

*روحت معاه الكافيه ولقيت مرة واحده النور اتفتح فى وبلالين نزلت علينا وزينه وانوار ولقيت اهلى وبابا وماما وفاطمه وهو راكع على رجله وماسك علبه فيها خاتم

يوسف :كل سنه وانتِ طيبه يامنه....دايماً كنتى كل شويه تقولي ان هيجي يوم وهحبك فيه بس مكنتش بصدق...النهارده عيد ميلادك ياأحلى منه...كنت بقول انى مش هحب ودلوقتي اكتشفت اني مقدرش اعيش ثانيه من غيرك، ووالله العظيم بحبك اوووووى وبعشقك تقبلى تتجوزنى💖

منه بدموع وكسوف وخدود حمر:موافقه❤

"اشتاق اللى حبك، لم اتحمل تلك الحياه بدون حبك"

#تخاريف_اخر_الليل
#هند_نور

#Hend_Nour