روايات واسكريبتات بقلمى: هند نور

تخاريف اخر الليل

سيبتى احمد ليه يالين؟

مفيش راح خطب صحبة عمرى

ايه!!

راح خطب صحبة عمرى .. تخيل الغدر ياجى من أعز اتنين ليا صاحبه عمرى ال مديالها سرى ومائمناها على حياتى عشرة ١٢ سنه مع بعض سواا تروح دونً عن ال ٦ مليار تحب خطيبى ال اختارته عشان نكمل سواا ال دخلته بيتنا .. بس انا ال غلطانه ياما ماما حظرتنى منها قالتلى دى بتغير منك، اقولها لااا دى اختى دى ال بأمنها على حياتى هه، اكتشفت أن كل كلمه ماما قالتها صح .. هى فعلا كانت مش بتحبنى ومن غبائى مكمله .. ياما زعلتنى وكسرت بخاطرى لما كنت بجيب اى لبس جديد كانت بكل برود تقولى هو حلو بس جسمك مش لايق، وبعدها تشترى زيه .. كام مره احكيلها على مشاكلى وتقولى انتى اوفر، كانت دايما بتعقدنى روحى اعملى دايت، جسمك وحش، شعرك كيرلى ذيادة عن الازم، وشك فى حبوب، مناخيرك مش لايقه معاكى، مش قادرة اوصف أنا قد ايه تعبانه!! .. بطلت اصاحب بخاف ادخل فى اى علاقه جديدة خلاص انا اكتفيت وتعبت

كنتى بتحبيه؟

كنت معجبه بيه أنه اشيك شاب فى الجامعه وبطريقته وبشكله أنا اعجبت بشياكته، طريقته، لبسه .. شكليات يعنى لاكن هو كإنسان لا محبتهوش، بس هو قفلنى من كل الرجاله .. عرفنى اد ايه أن الرجاله مبيملاش عينها غير التراب

مش كل الرجاله غداره وحشه زيي ما انتِ متخيله، أنتِ ال اختارتى من البدايه غلط وصدقينى انتى كده مرتاحه على الأقل هتعرفى تفرقى وتختارى صح

لا كلهم غداريين وخاينين

لا يالين مش كل الرجاله وحشه .. لازم تعرفى أن الرجاله لما بتحب مبتشوفش غير الشخص ال حبه، وصاحبتك مش هى ال غلطانه هو ال غلطان من الاساس هو مش عيل عشان حد يربطه بحبل ويجره وراه، هو ال مش مقرر من البدايه بيتسلى واراهنك أنه كمان يومين هيسيبها ويشوف غيرها، وهيعمل كده كتير والنوع ده اسمه أشباه رجال، الراجل الصح هو ال يقدر البيت ال دخله والبنت ال هيكمل معاها ال هتسيب دنيتها وتروحله، هو ال مش هيشوف غيرها مهما يحصل ومهما يشوف مين، الراجل هو ال يقدر ويديكى مقابل مابتعملى ويضحى عشانك وعشان عايز يكمل غير كده هو بيتسلى ومش شايل اى مسئوليه؛ وبرده مش كل الصحاب غدارين الصاحب بيبان من طريقته وأسلوبه قوليلى كده كام مره صحبتك ريم دى قالتلك انتى صليتى، كلتى، حلتلك اى مشكله، امتى قالتلك كلام حلو، امتى ذاكرتو سواا .. دى بالعكس كانت بتغير من لبسك من مستواكى الدراسى، من طريقتك كانت بتحبطك وانتِ بغبائك مكمله بحجه أنها صحبتك

كنت بديها فرص واقول يمكن تتغير

مفيش انسان ببتغير غير لو بيحب بجد هيعمل المستحيل عشان يعجبك وصدقينى بيعملوا كده من غير مايحسو .. اى حد لما بيحب بيعمل حاجات ماكنش متخيل أنه بيعملها .. بيتجنن ومبيشوفش الناس هو بيشوف ال قلبه بيتعلق ليه المهم يلقى الشخص ده