روايات واسكريبتات بقلمى: هند نور

حبى_الحلال

=اضحك والضحكه هتبقا ضحكتين .. واتنين فى اتنين فى اتنين .. ضحك كل اللى عايشين .. كلنا فى مركب واحده مكملين والصوره الحلوة بتتاخد فى ثانيتين

_عارفه ان صوتك حلو .. وهيبقا احلى لو قرآتى بالصوت الجميل ده قرآن أو انشودة اسلاميه

=ان..انت واقف من امتى وازاى تتطفل على خصوصيات الناس كده

_على فكره انتى مش ملاحظه انك قاعده على الكورنيش مكان بيقعد فى اى حد لو زهقان او مضايق او حتى تعبان انتى مش لوحدك

=بس انا كنت قاعده لوحدى على العموم خلاص انا هسيبلك المكان وماشيه

_لا استنى طب اسمك طب رقم والدك

*وسيبته وجررريت

باااااااااااااااااااااك

=وبس ياستى هو ده إللى حصل

•ومشى طب بقولك ايه متوصفيهولى

=لا يا ساره انا اصلا غضيت بصرى بسرعه واتكسفت اووووى منه

•طول عمرك كده معقده وبالشكل ده هتعنسى جمبى

=مليوووون مره هقولك انا مليش فى والحب والارتباط والكلام الفاضى ده

•بقا الحب كلام فارغ بقا تلاقى حد بيكرش عليكى ويموت ويكلمك وتروحى صداه كده

=هو الاحترام دلوقتى بقا عقده

•قصدك ايه

=بصى ياساره هو لو البنت بتكلم شاب أو معجبه بيه ليه بتخبى عن اهلها وليه بتبقى خايفه بلاش دى ياستى طب بتشوفى على النت أو حتى البنات بتقولك وعدنى انه هيتجوزنى بعد اما يلاقى شغل ويجيبلى شقه وتفضل تكلمه ليل نهار وهو واهمها بالحب بانه بس مسجلها على تليفونه حبيبتى اومراتى او ام عيالى وبيكذب عليها وهى خايفه من اهلها وتخرج معاه فى السر وبعديها تلاقى انه سابها ده مش حرام طب لو مش حرام ليه ربنا امر الرجال بأن يدخلوا البيوت من ابوابها وليه يعملوا إشهار لزواجهم ويبقى قدام كل الناس طب ثقه اهلى فيا

"قال الله تعالى
لاتواعهدهن سرا واتو البيوت من ابوابها"
صدق الله العظيم

وبعدين انتى عارفه انى مليش فى كلام الحب والكرش والارتباط اللى عايزنى يدخل البيت من بابه

•قصدك انك هتجوزى جواز صالونات مش عن حب ولا هتحبى

=ومين قالك انى مش هحب انا هحب بس فى فرق فى انى احبه فى السر ومعرفش اهلى وبعدين يسيبنى ويخدعنى أو انى احب حب حلال كل الناس تبقى عارفه ان ده حبيبى وجوزى مبقاش خايفه من الحاجه دى او مخبياها

•طب مانتى مبتوافقيش على اللى بيتقدمولك مع انهم جواز صالونات

=علشان مفيش واحد شدني انا عايزه إللى اتجوزه ده يكون راجل بمعنى كلمه راجل مش مكتوب فى البطاقه بس لا يبقى على أخلاق سيدنا محمد صلى الله عليه وسلم ومتدين ويصلى يكون صالح ومتفأل وشهم وجدع ويكون محترم يشوفنى يبص فى الارض يغض بصره بمعنى اصح يكون قره عينى وناخد بايد بعض الجنه مش مهم الشكل المظاهر خداعه جدا ياساره
•على كده انتى عايزه شيخ إللى انتى بتقوليه ده مش موجود فى الطبيعه