روايات واسكريبتات بقلمى: هند نور

عوض_الله_جميل_فلا_تيأس❤️✨

=عندهاااا جناااااحات امسكها تطير .. غاووويه الترحال وانا نفسى طويل
_انتى يزفته ياللى اسمك ياسمين هو انتى كل ما تيجى تغسلى المواعين تعملى الفرح ده
=يا ماما بقا برفهه عن نفسى وبعدين مبعرفش اغسل المواعين غير لما أغنى
_مهو ده إللى انتى فالحه فيه خلصى ياختى علشان تخشى تذكرى

استوووب( انا بقا ياسمين 16سنه فى اولى ثانوى بس مهنى عندى اخ واحد فى اولى اعدادى وجسمى حلو مش تخين ولا رفيع بس عايزه اخس شويا بشرتي بيضا بس من الشمس قمحويه عيني بني فاتح بتقلب عسلي في الشمس طولي بقا 159سم عندى مشكله مبحبش اتقرب من الصحاب في الحقيقه بتجنبهم ومع الأسف مش قريبه من ماما ولا بابا )
بااااك

=يا ماما اذاكر ايه ده انا مهنى يعنى استنى لحد ما اخد الدبلوم واتجوز واحد بكرش واربى ولاده وكل احلامى ورواياتى بح
_يااااسلام ياياسمين ايه يعنى يروح امك مهنى ناقصه ايد ولا رجل وبعدين قولتلك متفكريش فى الجواز والحب انتى صغيره وسيبيها على ربنا
=لا ياست انا مش هذاكر وهقعد استنى لحد ماابن الحلال ياجى
* ولقيت خير اللهم اجعله خير الشبشب ست الكل بتخلعه وهوبا اتنين والشببشب رايح فين

=اه اه اه .. ابطال الجمهورية عدو حدود العالميه عاملين فكرة جهنمية هنغنيلكم تحت الميه
_هتفرسينى
=بعد الشر عليكى من الفرسه ياهتلررر
_هو انتى بتحسسينى بالذنب انى مدخلتكيش ثانوى عام بس انتى عارفه ظروفنا
=عارفه ياماما ربنا يخليكى ليا انتى وبابا
_طب لوبتحبينى ذاكرى وورينى انك هتكملى وتبقى احلى مهندسه
=حاضر يا ماما

*ومن هنا حاولت أقرب من ماما واكون صاحبتها واحكيلها كل حاجه

*دخلت فعلا علشان اذاكر فضلت اعيط جااامد ليه ربنا كاتبلى كده انى اكون وحشه وادخل مهنى ومعنديش اصحاب ومش هتجوز بطل من بتاع الروايات أو زى الافلام

*لقيت ماما دخلت وشافتنى وانا بعيط راحت حضنتنى
=انا وحشه يا ماما ومعنديش اصحاب ومحدش هيحبنى ولاهتجوز ومش هدخل كليه ومليش لازمه في الحياه
_ايه الهبل إللى انتى بتقوليه ده اولا انتى قمر وعمر الجمال ماكان بس فى الشكل الجمال لما تكونى روحك حلوة لما تكونى محترمه وتحافظى على نفسك الجمال لما تكونى عارفه دينك فاهمانى ياقلبى ،ثانيا بقا مش علشان انتى دخلتى مهنى يبقا كده الدنيا خربت لا ياقلبى ذاكرى واسعى وخليكى واثقه انك هتكونى اجمل مهندسه مش ده حلمك لازم تذاكري وتجيبى مجموع كبير عشان تقبلى فى الكليه وانسى خالص حكايه الحب والجواز ده من دماغك انا سايباكى تقرأى روايات علشان واثقه فيكى بس متخليهاش تأثر عليكى وعلى عقلك وانتى اما تتقى الله ربنا هيجازيكى باعمالك ماشى اوعدينى انك هتهتمى بدراستك وتعرفى الناس كلها ان مش كل البيدخل مهنى اوفنى اوصناعى يكتفى بس بالدبلوم لا ده هيبقا احسن من اى حد
=حاضر ياماما
يلا يابقا قومى ذاكرى
=ايه يا ماما انتى اتحولتى تانى ولا ايه