روايات واسكريبتات بقلمى: هند نور

البارت التالت🖤🖇️

البارت التالت🖤🖇️

"دونً عن الجميع اخترت قلب ليس ملكى فهو ملك لغيرى.... أخطأت عندما أحببته؛ أخطأت عندما اعترفت له بمشاعرى فليت الزمن ليعود...فاانا الان اتمنى الموت ولا أن أراه او أرى منه اى نظره شفقه"

* فتحت عينيها بتعب ثم اغلقتها وفتحتها ببطئ وبصعوبه استطاعت فتح عينيها بعد أن فقدت وعيها...استيقظت بعد ساعتين من نوم عميق فتحت عينيها بجهد شاق لم تكن تقدر على تحريك يدها تشعر بجسدها يصرخ من الآلم...امها واقفه بجانبها وخالتها ومعذب قلبها، تذكرت مااخر ماقلته والدتها وبعدها لم تشعر بشى سوى الظلام...سالت دموعها على خديها و...

ام دنيا بقلق: الف سلامه عليكي ياحبيبتى...انتى بتعيطى ليه يادنيا فى حاجه تعباكى

ام احمد بحنيه: كده قلقتينا كلنا عليكى ياست دنيا

احمد بقلق:ردى يادنيا انتى كويسه

نظرت له بألم ثم مسحت دموعها ثم نظرت لوالدتها وتكلمت بكل هدوء: أنا كويسه ياماما انا بس كنت قلقانه من النتيجه ومتوتره بس مفيش حاجه

ام دنيا بحنان: طب ياحبيبتى يلا كلى عشان متتعبيش

=لا ياماما معلش سيبينى انام بس

احمد بجديه: لازم تاكلى علشان اكلتك ضعيفه

ام احمد: يلا يابنتى كلى

*اكلت بعد اللقيمات اكلتها غصبً لكى ترضى والدتها وتتهرب من عيونه

=خلاص ياماما الحمد لله

ام احمد: طب يلا ياأم دنيا سيبيها تريح شكلها تعبانه يلا يااحمد

احمد بحزن: لا ياماما معلش سيبينى

*بعد أن خرجو من الغرفه جلست بتوتر شديد ظلت تنظر لكل شئ معاده هو، ساد الصمت فتره طويله، وأخيراً استجمعت شجاعتها و...

=معلش يااحمد اطلع علشان عايزة انام

_مش هطلع أنا هقعد معاكى

=بس انا مش عايزه اقعد معاك

_مش عايزة تقعدى معايا

تكلمت بجديه وقوه: مش قصدى اقصد انى عايزه ارتاح شويه.

_مش هسيبك وانتى تعبانه كده

=أنا الحمد لله دلوقتى كويسه

احمد بندم وحزن: أنا آسف يادنيا انى قولتلك الكلام البايخ المره اللى فاتت واسف انى زعلتك

دنيا بجديه: ولا يهمك أنا اللى كنت فاهمه غلط بتمنى تنسى الكلام اللى قولتهولك

احمد بصدمه وحزن: قصدك ايه مبقتيش تحبينى

=أنا اكتشفت انى مكنتش بحبك...أنا كنت بحب اهتمامك بيا، قلقك عليا، مكنش حب...اكتشفت أنى بحبك كأخ متعلقه بس باهتمامك، وزى ماقولت انا لسه صغيره ولازم اركز اكتر من كده فى مذكرتى وحياتى...ثم أكملت بحزن وضعف: وصدقنى فرحتلك انك لقيت نصك التانى وشريكه حياتك.