روايات واسكريبتات بقلمى: هند نور

تخاريف اخر الليل

-هو فاكر نفسه محور الكون

-ايوه كده يايمنى ياعقله

-هو الكون نفسه

-ايوه.... ايه!!

-بقولك أنه إنسان نرجسى وبارد

-اه

-بس جنتل مان كده وقمور وكاريزما وهو لابس النضاره بتاعته والساعه السوده الجامده زيه

ثانيه هو انتى شوفتيه؟

-اه..لا

-اه ولا لا
-بصى أنا شوفته صدفه وانا معديه ناحيه السوبرماركت ال تحت بيتهم

-وانتى ايه ال موديكى هناك أن شاء الله؟!!

-يابنتى عاملين عروض جاامده على الجبنه يرضيكى مالحقهاش

لا ميرضنيش طبعا ياأم كرامه لاقينها فى كيس شيبسى

-هو اصلا مش فى بالى لتفكرى .. ولا بدور وراه .. انا حتى مش فاكره اخر مره شوفته فيها!! .. ال هو يوم الاربع ٥ ابريل سنه ٢٠٢٠ من سنتين الساعه ٨ الصبح يوم ماسافر لما كان لابس قميص اسود وبنطلون بيج وساعه سوده جنان زيى ايامى من غيره .. هو خلاص صفحه واتقفلت

_ايوه طبعاً

انتى مش مصدقانى ياريم!!

_لا

اصيل يابو الصحاب .. طب بقولك ايه تاجى ننزل نشوف عروض الجبنه ال فى السوبرماركت ال هناك

_يُمنى

يابنتى الجبنه هناك جاامده صدقيني

-والله انتى عايزه كرامه بدل ال متبعتره على الأرض دى

دى ريم بنت خالتى بس انا وهى اكتر من اخوات معاها كل اسرارى اينعم هى مبيتبلش فى بوقها فوله بس اجدع واحده تهزئك .. ويوسف ده كان جارى وصديق طفولتى سافر من سنتين عشان يبقى مهندس اد الدنيا ويفتح مكتب ديكور زيي ماقالى، ورجع بقاله شهرين بس رجع انسان تانى خالص .. يادوب جيه سلم على طنط فوزيه والدته، وأجر مكان بره بعيد عنا .. بس عشان أنا وطنط فوزيه صحاب عرفتنى هو ساكن فين،، وروحت هناك وعرفت البواب واتكلمنا شويه عرفت أنه بينزل من بيته ٦ الصبح بيتمشى شويه وبعدين يرجع ٧ يغير وينزل يروح شركته وبيرجع الساعه ٩ بليل، ويوم الجمعه والسبت والاتنين بينزل الساعه ١٠ الجيم .. بس انا اصلا مش بهتم بالتفاصيل .. عرفت النهارده من طنط فوزيه أنه جااى النهارده عندها .. دخلت لبست دريس اسود رقيق ولميت شعرى كحكه عشوائيه كده ولبست كوتشى ابيض ووقفت استناه فى البلكونه ولمحته وهو جاى وداخل العماره طلعت، واتسحبت عشان ماتهزئش من ريم

_يُمنى

بسم الله الرحمن الرحيم .. خضتينى

-رايحه فين

-انا .. اصل .. يعنى

-رايحه السوبرماركت ال تحت بيته

لا والله انا رايحه لطنط فوزيه .. اصل..