روايات واسكريبتات بقلمى: هند نور

تخاريف اخر الليل

_ازيك

كويسه ياسطا .. انت بقا عريس الغفلة؟!!

_نعم اسطا!! .. اااااحم احب اعرفك بنفسى انا أسر السيد مهندس ديكور ...

مش مهم ... انا دلوقتى هسألك شوية اسأله لو عرفت وجاوبت أن شاء الله هوافق

_انسه يمنى حضرتك بتهزرى!!

اولا بلاش رسميات قولى يمنى على طول، ثانيا خليك سلس خلى الحياه تمشى اشطا

_اشطا

اتكلنا على الله....اول حاجه اشرب قهوتك

*رفع القهوة وشرب اول بوق منها ..  ايه القرف ده انتو نسيتو وحطيتو ملح؟

قرف احب اقولك أن ده من ضمن الاختبار وانت فشلت فيه

_اختبار!!.. حطالى ملح فى القهوة وتقولى اختبار؟!! وده ليه أن شاء الله؟!!

فى بلاد بره ياستاذ يامحترم بيحطو ملح فى القهوة للعريس لو هو شربها كامله بيثبت حبه للعروسه

*لقيته فضل يشرب منها وده عمرى ماكنت اتوقع انه يحصل.... ماعملت كده مع اللى كان بيأجو قبليه وكانو بيطفشو اتحرجت جدا منه معقول يكون بيحبنى؟!!! لا يايمنى اعقلى بس هو شربها هو يعرفنى اصلا منين عشان يحبنى ده احنا اول مره نشوف بعض

_ها ياستى خلصتها كده نجحت فى الاختبار؟

ها!!

_ها ايه مش انتى قولتى لو....

ااه اه أنا هو يعنى ... ندخل طيب فى الاختبار التانى

_هو لسه في اختبارات تانيه!!

امال انت فاكر ايه ركز كده معايا

_مركز اهو

انت عارف جواز الصلونات صح...ايه اللى يخلى واحد يتجوز صالونات ويقعد مع واحده ميعرفش اى حاجه عنها؟

_والله انا بقول أن الحب بيأجى بعد الخطوبه والجواز وانا محتاج معايا السند اللى يكون معايا فى حياتى

اممم كلام جميل

_طب الحمد لله

بس مش منطقى .. وتانى مرة متقاطعنيش وانا بتكلم

لقيته مرة واحده اتعصب و
_لا بقا أنا ساكتلك من بدرى .. ايه فى ايه؟،، ومستحمل اختبارتك عارفه ليه؟

=ليه

_حبيت الجنان ده،، وحابب اعرف باقى شخصيتك

اي...ايه!!

_امال فكرانى هشرب القهوة اللى عملتلى تلبك معوى علشان اتجوز وخلاص .. لا أنا حبيت عفويتك اوى أنا بحب الإنسان الصريح وانتى كده تدخلى القلب من غير استأذان وحاجه قمر كده....اى ده اى ده احنا بنتكسف اهو ووشنا بيحمر زى البنات

هو...ايه!! لا مش مكسوفه ... هو أنا بس، لا ثانيه ايه زى البنات دى امال أنا ايه!!!

_انتى ست البنات كلهم.

انت بتثبتنى ... ركز كده فى باقى الاختبار وميغركش أنا استرونج اندبندت ومن

_مين ياختى؟

لا والله ماعرف اقولها تانى...وركز بقا، تقدر تقولى ليه الساحرة
الشريره كانت حابسه روبنزل فى البرج كل المده دى؟!

_الصراحه مش عارف

طب اخوات سندريلا من مرات ابوها كان اسمهم ايه

_.....

طب من يسكن البحر ويحبه الناس

_السمك

نعم سمك ايه انت جى تهزر؟!

_طب ايه رأئيك بعد مانتجوز تعرفينى كل ده

ومين قال انى موافقه

_انا اللى قولت

احب اقولك أن انت انسان محترم وتستاهل حد احسن منى

لقيته اتكلم بعصبيه:
_طب تلاته بالله العلي العظيم لانتجوز.... قسم بالله ماهتجوز غيرك ده انا اتحملت اختباراتك وشربت القهوة وأسأله واختبارات ايه ولا أنا عشان ساكتلك مايغوركيش البدله يابت ده انا صايع

انت اتحولت ولا ايه!! ... خليك رويح يابا رشدى واقعد خلينا نتفاهم

_ايوة كده اظبتى

________________________________________

أسر اصحى قووووم

_اى فى ايه انتى بتولدى

لا ياحنين ... هو سؤال واحد انت بتخونى؟

_نعم مصحيانى مخصوص من احلاها نومه علشان تسألينى بخونك

:أنا شوفتك بعينى

_يابنتى شوفتينى ازاى ماانا نايم اهو!!

شوفتك فى الحلم ماسك ايد واحده

_لا كده كتير انتى عايزة تجننينى حرام عليكى أنا عندى شغل بدرى نامى

ده مش أنا ياحبيبى ده النونو

_طب تعالى ياروحى يلا نامى ربنا يهديكى

=قصدك ايه؟...قصدك انى مجنونه!!

_الصبرررر يارب...نامى يايمنى

*بعد نصف ساعه

=أسر...أسر...يااااااااااااااسررررر

_اي فى ايه بتولدى....مالك

أنا جعانه

نعم

أهدى ياحبيبى بقولك جعانه أنا والنونو جعانين

_وانا ماسكك

لا

_مكهرب التلاجه

بردك لا

_امال بتصحينى ليه

ياسلام يعنى انت تنام وانا تعبانه وشايله فى بطنى بنتك وجعانين وسيادتك نايم ولا على بالك.....انت مبقتش تحبنى

_نامى يايمنى ربنا يهديكى ..

حاضر ياحبيبى

"حبك أصبح عشق وعشقك أصبح هوس...دخلتى تلك القلب بدون استأذان فالقلب يعشق كل جميل...ولا يوجد اجمل من عيونك"

"وما الروايات الا مجرد خيال 🖤✨"

#هند_نور
#تخاريف_اخر_الليل