روايات واسكريبتات بقلمى: هند نور

عشق الخالد

_يلا ياعشقى خلصى دايماً كده متاخره على الطابور

=خلاص خلصت ثانيه بلف الطرحه خلصت يلا بقا ياسى خالد اربطلى رباط الكوتشى

_ يابنتى بقا عندك ١٦ سنه ولسه بتخليني اربطلك الرباط

=اخلص واربطه ويلا عشان متأخرين
(انا عشق عندى ١٦ سنه فى اولى ثانوى بنت عاديه عنيه سوده وبشرتى قمحى وعندى خدود بس مشكلتى الوحيده انى تخينه جدا جدا بس خالد هو الوحيد إللى مبيحسسنيش بكده .. اه نسيت اعرفكم بخالد أو بابا خالد ده بقا كل حياتى لقانى وانا عندى ٦ سنين وهو إللى مربينى هو اصلاً كل حياتى اكبر منى ب ١١ سنه يوم مالقانى كان هو عنده ١٧ سنه لا بس هو دلوقتى عنده ٢٧ سنه بس ايه قمر وكل اصحابى غيرانين منى عشان عيشه معاه هو و ماما ايمان ماما ايمان دى مامت خالد وكانها ماما هما اللى عوضونى عن ماما وبابا اللى اصلا معرفش هما مين بس عمرى ماحسيت انى يتيمه عشان خالد كان هو بيقوم بدور ماما وبابا وصاحبى ومدرسى ودكتورى كمان لما اتعب هو إللى مهتم بيا وباكلى وشربى ومذاكرتى وصلاتى )

باك
_يلا ياستى اتفضلى انزلى وصلنا
=ياااااااه يا عبد الصمد .. احنا لحقنا خدنى كمان لفه
_يلا ياعشقى اتفضلى انزلى عشان متغباش عليكى يلا يافاشله
=طب خلاص متزوءش بس اعمل حسابك ان انت هتعزمنى بعد المدرسه على بيتزا
_ماشى ياعشقى اتفضلى انزلى

*ونزلت دخلت المدرسه
*وفى وقت البريك

رهف:هو انتى لسه ماقولتلوش انك بتحبيه
عشق:لا اتكسف واخاف ليزعل منى
رهف:يزعل منك ايه يا هبله خليكى جريئه
عشق:لا ياست انا جبانه
رهف:خليكى انتى كده لحد ميتجوز ويخلف
عشق:ايه!! هو ممكن يتجوز ويخلف ويربى غيري ويدلعهم
رهف:امال انتى فاكره ايه
(دى بقا رهف دى اعز أصدقائي مع بعض من ابتدائي هى وخالد إللى بيدافعو عنى لما حد يزعلنى جريئه جدا وجميله وطيبه كل اسرارى معاها)

* خلصت المدرسه وخلاص هنروح

_مش هتقوليلى سرحانه فى ايه ياعشقى
=هااا ولا حاجه بفكر اجيب البيتزا بالجبنه المونزريلا ولا بالفراخ
_خلاص ياعشقى اجبلك الاتنين
=خالد هو انا وحشه يعنى تخينه ووحشه وعامله زى الناس الكبار
_ايه ال انتى بتقوليه ده ده انتى ست البنات انتى قمر ياعشقى ووشك برئ عامل زي الاطفال ياطفلتى
=بطل تقولى ياطفلتى انا مش طفله انا كبيرة
_ماشى ياطفلتى
=...
_خلاص ياعشقى متزعليش
=مش زعلانه يالودى
_بت قولتلك مليون مره متقوليش الدلع الاهبل ده افرضى حد من العملا بتوعى سمعك يقولو ايه رئيسهم آخر الزمن بقا اسمه لودى
=خالد وقف العربيه عايزه ايس كريم من السوبر ماركت
*نزل وقفل عليا باب العربيه ورجع

=ايه كل الشنطه دى
_خدى ياستى
=ايه دة الله شيبسى وكراتيه وبيبسى وشيكولاته وايس كريم ايه كل الحاجات الحلوة دى
_بالهناوالشفا ياعشقى هو انا عندى كام طفله