روايات واسكريبتات بقلمى: هند نور

اسكريبت: "مجرد روايه"

=انت انسان عديم الزوق

_وانتى بنى ادمه ساذجه، وعبيطه

=احترم نفسك ياحلوف انت ... انت داخل تهزئنى فى الكومنتات  وفاكرنى هسكتلك!!

_هزئتك معلش ازاى؟ .. ممكن تجاوبينى

معرفتش ارد فافضلت اكتب وامسح ... أيوة الخناقه دى فى الكومنتات بالظبط كده بعد ماكتبت الاسكريبت الجديد ونزلته لقيته دخل كتبلى: (مجرد روايه خياليه ساذجه كتابتها كلها ساذجه) .. اضايقت جدا ودخلت هزئته

لقيته كتب: سكتى ليه ومرديتيش .. عشان عارفه انك غلطانه وانى مغلطش فى كلامى ... حضرتك كاتبه "قولو رائيكم،، اقبل الانتقادات"...وانا قولت رائى فين الغلط في كده

من كتر كسوفى مسحت البوست ومسحت الاسكريبت ... فضلت افكر فعلا حقيقى هو اسكريبت خيالى هو لازم يعنى كنت احبك المسأل واكتب اسكريبت خيالى زى ده ... لقيت مسدج جيالى من نفس الاكونت اللى كتب الكومنت كاتب فيها: إلى الكاتبه الساذجه اتابعك من اول اسكريبت ب
قُمتِ بكتابته كنت أتابع بصمت ولكنى انفعلت عندما قرأت هذا الاسكريبت،، وانا عند رائي لحد الان فاانه اسكريبت سخيف خيالى معذرةً لكى ياايتها الكاتبه القموصه وايموشن بيضحك

اتكسفت اكتر وبالذات أنه اعتذر لى كتبت: ولا يهمك أنا اللى اسفه انى مقبلتش الانتقادات

خرجت من المسدج وروحت كافيه جمب بيتنا وطلبت قهوه فتحت الأب وكتبت اسكريبت جديد لقيت واحد بيشد كرسى وبيقعد اتكلمت بهدوء : حضرتك مين

اتكلم هو بكل جديه: حضرتك الكاتبه رؤىٰ محمد

بصيتله واتكلمت بصدمه: ياااه كاتبه هو معقول حد عارفنى...مش عارفه الشهرة عايزة منى ايه...أيوة أنا بس حضرتك مين

اتكلم هو بهدوء: أنا احمد مراد

اتكلمت بصدمه: انت

=أيوة أنا ياا ايتها الكاتبه الساذجة

طلع هو اللى كتب الكومنت اتكلمت بصدمه وقولتله هو حضرتك تعرفنى رد هو بثقه: أيوة

=ازاى

_انا احمد مالك موظف حكومى وساكن فى العمارة اللى جمب عمارتكم بالصدفه من شهرين شوفتك وانتى بتشترى وسمعت البقال بيديكى الحاجات وبيقولك اتفضلى ياأحلى كاتبه .. وعلشان حضرتك مستهترة وقع كتابك على الأرض وكان عليه اسمك دخلت وعملت سيرش وقرأت كل اسكريبتاتك ورواياتك يعنى ساذجه ومستهتره

اتكلمت بعصبيه وحزن: قصدك أن رواياتى مش حلوة...تفتكر ابطل اكتب

اتكلم هو بهدوء: تعالى نحسبها بالمنطق انتى دايما بتكتبى روايات خياليه مش موجوده فى الواقع مثلا يعنى .. عمرك شوفتى فى الحقيقه بنت كل مابتزعل تروح للبحر، وتعتزل الجميع،، ولا عمرك شوفتى بنت تغيب عن حبيبها لمده عشر سنين وترجع ويتجوزو من تانى ... ده لو غابت عنه شهر هينساها ... وليه كل الروايات البطله لازم تكون طيبه والدنيا كلها جيه عليها وليه كل الرجاله قاسيين ولازم يكونو رجال أعمال ليه ميكونوش تجار أو سواق أوحلاق او.....