❤️2:12 A:M _ على الفجر _
=كريم ياااااااكريم...اصحى ياكريم
_عايزة ايه ياندى حرام عليكى ده انا مبصدق انام
=قوم اصحى أنا زهقانه
_ندى اطلعى بره، وطفى النور...حرام عليكى
=لا ياكريم...بقولك قوووم...انا زهقانه
_اهوووو ادينى اتنيلت قومت...خير عايزه ايه
=تعالى ننزل نتمشى شويه
_انتى عبيطه ياندى انتى عارفه الساعه كام...تعالى ياحبيبتى نامى شكلك سخنه
=لامش هنام...وأيوه عارفه الساعه 2 بليل وانا زهقانه...تعالى عشان خاطرى ننزل شويه نتمشى فى الهوا
_خاطرك غالى عندى...اتفضلى البسى 10 دقايق ياندى والا والله ارجع انام
=حاضر....حالا
*لبست وخلصت ونزلنا
=كريم هاتلى ايس كريم
_حاضر ياست استنى
=لا استنى وهاتلى كيس شيبسى عائلى
_حاضر
=ولب وفول سودانى
_حاضر
=وشيكولاتات كتير
_ايه ياندى حامل فى فيل
=الله وانا مالى ده النونو اللى جو بطنى هو اللى جعان
_حاضر ياست لا ازاى لازم اجيب للنونو ولاام النونو
=وعشان كده بقا تجيبلى من كل حاجه اتنين
_حاضر ياحبيبتى...اروح ولا لسه فى حاجه تانيه
=لا روح ياحبيبى
________________________________
❤️5:01 A:M_هاا انبسطى ياحبيبتى
=لا طبعاً هى دى كانت خروجه
_نعم ياختى امال دى كانت ايه...شوفى الساعه كام فى حد عاقل يخرج 2 بليل يرجع 5 الفجر
=مليش فيه أنا زهقانه
_انتى الحمل آثر على خلايا مخك....نامى ياندى
ندى بعياط:ماهو انت خلاص مبقيتش تحبنى....طلقنى مادام كده
_يابنتى انتى عبيطه ومين قالك انى مبحبكيش...أمال اللى بعمله ده ايه
=انت لو بتحبنى بصحيح تعمل زى الروايات والافلام؛ تقولى ارتاحى ياروحى انتى حامل، متنزليش رجلك على الارض، أنا هحضرلك الفطار، هطلبلك ديلفرى؛ لاكن انت لا...بتحب تتعبنى وبتمشينى 2 بليل وانا حامل وتعبانه...ده اسمه حب
_بالظبط كده انا مبحبكيش....ونامى بقا علشان ورايا شغل الصبح
=وكمان عايز تخمدنى
_والله ياندى لولا انى مش عايز ازعلك كنت كسرت نفوخك نامى...تعالى فى حضنى ونامى يلا
=حاضر
______________________________________❤️6:30 A:M
=كريم كريم اصحى...قولى انت بتحبنى_ياااارب....ايوة بحبك
=طب تعالى ننزل نقعد على البحر شويه
_اااااالصبر من عندك يااااااااااارب
"عشقتك وعشقت جنونك، أصبحت مهووس بتلك الجنان مجنونتى"
"تمت"
#تخاريف_اخر_الليل
#هند_نور
#Hend_Nour
أنت تقرأ
روايات واسكريبتات بقلمى: هند نور
Historia Cortaسلامُ عليكم أنا هند نور صاحبه اسكريبتات تخاريف اخر الليل، وصاحبة جملة "وماالروايات مامجرد الا خيال 🖤✨" بكتب اسكريبتات من فراغ أو من الجفاف العاطفى ال عندى🙂🚶